Bigarren independentzia erreferendum bat egiteko lege-proiektua aurkeztu du Eskoziak
Eskoziako Gobernuak bigarren independentzia erreferendum bat egiteko lege-proiektua aurkeztu du Parlamentuan. Izapide horrek Erresuma Batuko Exekutiboarekin hitzarmen bat adostea behar du, baina horrek galdeketa adosteari uko egiten dio.
Testu legala aurkeztu ostean, Nicola Sturgeon Eskoziako lehen ministroak esan du "orain inoiz baino gehiago" Eskoziak "aukerak irekita" mantentzea "ezinbestekoa" da, herritarrek "etorkizun hobe bat hautatzeko aukera izateko".
"Legealdi honetan independentzia erreferendum bat egiteak Europako nazio independente bat izatea hautatzeko aukera emango dio Eskoziari, inposatutako brexit bateko etorkizuna izan beharrean", esan du.
Aurkeztutako Erreferendum Legeak ez du galdeketa egiteko datarik edo galderarik zehazten, Gobernuaren asmoa prozesu osoa Erresuma Batuko Exekutiboarekin adostea baita. Beraz, legeak kontu horiek "bigarren mailako legeetan" onartzea aurreikusten du.
"Akordio bat bilatuko dugu dagokionean eskumenen transferentzia egiteko, edozein arazo legalik izango ez duen independentzia erreferendum bat egin ahal izateko, Parlamentu honetan tramitatu ahal izateko", esan du Sturgeonek.
Plebiszituak Londresen oniritzia izatearen borondatea errepikatu du Eskoziako lehen ministroak. 2014ko prozesua errepikatzea nahi du. Erreferendum horretan, % 55k independentziaren aurka bozkatu zuen.
Modu honetako galdeketa lotesle bat egin dadin, beharrezkoa da Gobernu britainiarrak 30 sekzioko agindua aktibatzea. Horren bitartez, Eskoziako Parlamentuak hartuko lituzke erreferendumak antolatzeko eskumenak.
Theresa Mayren gobernuak blokeoa mantentzea "haserre demokratikotzat" eta "erabat defendaezintzat" du Sturgeonek.
Eskoziako Alderdi Nazionalistaren (SNP) buruaren asmoa lege-proiektuak Parlamentuko izapide guztiak 2019 amaieran betetzen bukatzea da, galdeketa egiteko "momentu egokia" hurrengo urteko bukaera dela uste duelako, 2021ko Eskoziako hauteskundeak baino hilabete batzuk lehenago.
SNPk gutxiengoan gobernatzen du, baina independentziaren alde dauden Berdeen babesa dauka.
Harreman Konstituzionaletako ministro Michael Russellek Parlamentuan esan duenez, brexitari buruzko bigarren erreferendum bat lortzeko lanean jarraituko du SNPk. Hala ere, "aurrera egiteko modu onena Europako nazio independente bat" bilakatzea dela azpimarratu du.
Gainera, bere gobernuak hurrengo hilabetean alderdi guztiekin adostasunak bilatzeko elkarrizketa erronda bat hasiko duela aurreratu du.
Oposizioko lehenengoa den Alderdi Kontserbadorearentzat, herritarrek orain dela bost urte eman zuten iritzia, independentziaren kontra eginda, eta SNPri aurpegiratu dio galdeketa berri bat lortzeko "obsesioarekin" jarraitzea, ekonomia eta zerbitzu publikoen kudeaketa lehenetsi beharrean.
M26ko Europako hauteskundeetan, SPNk botoen % 37 lortu zuen, bere historiako emaitzarik onena. Herrialde osoaren 6 europarlamentarietatik 3 eskuratu zituen. Erresuma Batuan, guztira, 73 dira.
Sturgeonentzat, garaipen hori Europako Batasuna uztearen kontrako mezu "sutsuagatik" izan da. Herritarrek 12 urtez gobernuan dagoen bere alderdiaren kudeaketa babestu dutela esan du.
Litekeena da hurrengo asteetan kontserbadoreen hurrengo buruzagi eta Erresuma Batuko lehen ministro izango denak Mayren jarrera bera izatea, eta gaiari ekiteari uko egitea.
Zure interesekoa izan daiteke
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.