Dorian urakana Floridara bidean da, Bahamak suntsitu eta bost lagun hil ostean
Saffir Simpson eskalan bosteko indarra duen Dorian urakana atzo iritsi zen Bahama uharteetara, eta datozen orduetan ere Ozeano Atlantikoko estatua astintzen jarraituko du, Floridara bidean (AEB), NHC Ameriketako Estatu Batuetako Urakanen Zentroak jakinarazi duenez.
Dorian urakanak igandean ukitu zuen lurra Abaco uharteetan (Bahamak). Gero, bigarren aldiz lurra ukitu zuen Bahametan, Marsh Portuan (Abaco uharteak).
Urakanaren astindua eta indarra nabarmen antzeman da Bahametan, 300 km/h-tik gorako haize boladak izan baititu, eta, gutxienez, bost lagun hil dira, Hubert Minnis Bahametako lehen ministroak jakinarazi duenez.
Oraingoz informazio gehiagorik ez daukatela eta balizko biktimei buruz kontu handiz hitz egin behar dela azpimarratu du. Biktima horietako bat zazpi urteko mutiko bat da. Urak ezustean eraman du eta itota zendu da.
Lehen ministroak esan du "tragedia historikoa" dela eta denbora luzea beharko dutela normaltasunera itzultzeko.
Kalte materialak ere handiak dira. Komunikazioak eten dira, toki askotan argindarrik gabe geratu dira, ehunka etxebizitza suntsituta daude, kaleak ibai bihurtu dira eta urak etxebizitza eta ibilgailu asko harrapatu ditu. Haizeak zuhaitz asko errotik atera ditu, eta etxebizitza askoren teilatuak airean eraman ditu.
"Toki askotan ezin dira itsasoa eta kaleak bereizi", esan du Hubert Minnis Bahametako lehen ministroak.
Ehunka lagun babesleku gisa prestatutako elizetan eta eskoletan babestu dira.
Joy Jibrilu Bahametako Turismo eta Abiazio Ministerioko zuzendari orokorraren esanetan, Abaco uharteak suntsituta daude. Oraindik ez dute hildakoen inguruko berririk, baina kalte materialak handiak omen dira. Herritarrei zuzendutako mezuan, lasaitasuna eskatu du.
Aireportua eta portuak itxita eta tren zerbitzua etenda, Floridan
Aurreikuspenen arabera, Dorian urakana gaur iritsiko da Floridako ekialdeko kostaldera, eta, ondorioz, aireportuak eta portuak itxi eta tren zerbitzua eten dute. Horrez gain, eskola-umeen eta unibertsitateko ikasleen itzulera atzera dute.
Zehazki, astelehen arratsaldean edota asteartean ukituko omen du lurra Floridako kostaldean, eta 259 km/h-ko haize boladak espero dira.
Ron DeSantis Floridako gobernadoreak Dorian urakanaren indarra "ez gutxiesteko" eskatu du.
Hego Carolinan 800.000 pertsona ebakuatzeko agindua eman dute, Dorian urakanaren iritsieraren zain
Henry McMaster AEBko Hego Carolinako gobernadoreak kostaldean bizi diren 830.000 pertsona nahitaez ebakuatzeko agindu du, Dorian urakana iritsi baino lehen.
McMasterrek iragarri duenez, ikastetxeak eta erakunde publikoak itxita egongo dira astelehen honetan kostaldeko zortzi konderritan. Gainera, 200 ospitale eta zahar-etxe jendez hustuko dituzte eta hainbat babesleku jarriko dituzte herritarren eskura.
"Badakigu iragarpen hauek ez direla guztientzat pozgarriak izango, baina bizirik mantendu ahal ditugu", esan du.
Albiste gehiago mundua
Ipar Irlandako Kneecap taldeko raperoek Kobetamendiko musikazaleen arreta bereganatu dute
Belfasteko taldea Bilbao BBK Live jaialdiko karteleko izen handietako bat izan da. Irlandera erabiltzeaz gain, arazorik gabe hitz egiten dute politikaz eta gizarte arazoez, eta agertokiaren gainean jaia pizten iaioak dira.
PKK gerrilla kurduak Irak iparraldean hasi du bere desarmea
Ekitaldian, gerrillako 15 gizon eta 15 emakume izan dira, Bese Hozat PKK-ko buruzagi gorenetako bat tartean. Gerrillako kideek metalezko ontzi handi batean erre dituzte euren armak.
PKK gerrilla kurduak armagabetzea hasi du Irakeko iparraldean
Maiatzean iragarri zuen armak alde batera uzteko borondatea, Abdullah Ocalan buruzagi espetxeratuak, gutun baten bidez, 1984an hasitako borroka armatua amaitzeko eskatu ostean.
Su-etena egun gutxitan lortzea espero du Netanyahuk
“Bahitu guztiak atera nahi” dituela esan du Israelgo lehen ministroak. Sarraskia "bihar amaitu liteke, gaur Hamasek armak uzten baditu”, gaineratu du.
Zelenskik bere aliatuen 10.000 milioi baino gehiago lortu ditu "gatazka amaitu ondoren Ukraina berreraikitzeko"
Ukraina Berreraikitzeko IV. Biltzarrak ia 5.000 parte-hartzaile bildu ditu Erroman. Errusiak "zinikotzat eta gezurtitzat" jo ditu bildutako estatuak eta erakundeak.
Brasilen eta AEBren arteko krisi diplomatikoa areagotu egin da, Trumpek % 50eko muga-zergak ezarriko dituela iragarri berritan
Jair Bolsonaro Brasilgo estatuburu ohi eta presidente estatubatuarraren kontra Gorte Gorenean egingo duten epaiketa da azken gatazka honen abiapuntua. 2022ko hauteskundeak galdu ostean, Lula da Silvaren aurkako estatu-kolpe saiakera egitea leporatuta epaituko dute.
Hamas hamar gatibu askatzeko prest agertu da, eta Israelgo Armada Gazatik ateratzea eskatu du berriro
Palestinako erresistentziak "orain arteko funtsezko gaietan negoziazioen zailtasuna" azpimarratu du, "Israelen irmokeria dela eta".
Marseillako aireportua itxi eta hiriaren iparraldea eta hainbat herri konfinatu dituzte, suaren ondorioz
Haize zakarrak, 30 gradutik gorako tenperaturek eta landarediaren lehortasunak, joan den asteko bero-bolada areagotuta, asko zailtzen ari da suhiltzaileen lana.
Netanyahuk Trump proposatu du 2025eko Bakearen Nobel Saria jasotzeko hautagai gisa
Hirugarren aldiz proposatu dute Trump Bakearen Nobel Saria jasotzeko. Lehenengoan, joan den ekainaren 21ean, Pakistango Gobernuak aurkeztu zuen, eta hiru egun geroago Buddy Carter kongresista errepublikanoak beste izendapen gutun bat bidali zuen Oslora.
Israelek Gazako biztanle guztiak Rafahko hondakinetan biltzeko asmoa du; bi milioi pertsona baino gehiago
Israel Katz Israelgo Defentsa ministroak iragarri duenez, "eremu humanitario berri horretan" Mawasiko kostaldean nekez bizi diren 600.000 palestinar inguru pilatuko dituzte.