Trumpen kontraerasoa Ukrainako kasuan
Ukrainako kasuan Trump presidenteak kontraerasoa hasi du bere kargutik botatzeko prozesuaren aurka. Kontraeraso hori eskandalua agirian jarri duen CIAko agentearen aurka eta Adam Schiff kongresista demokrataren aurka izan da.
Trumpek kasua agirian jarri duen agentea beldurtu nahi du, eta sinesgarritasuna kendu ere. Horrek Joe Biden etsai politikoa eta semea ikertzeko Trumpek Ukrainako presidentearekin izandako telefono elkarrizketaren berri eman zuen. Trumpek orain dionez, salaketa "faltsua" izan zen, eta informazio guztia bigarren iturri batetik jaso zuen. Informatzaile horren nortasuna ez da jakitera eman oraingoz, eta haren abokatuak esan duenez, arriskuan omen dago.
Trumpek Kongresuko Inteligentzia batzordeko presidentea den Adam Schiff demokrataren aurka ere gogor egin du. Traidoretzat jo du. Schiffek irakurri zuen Ordezkarien Ganbaran Trump eta Ukrainako presidentearen arteko elkarrizketaren transkripzioa. Eta irakurritakoa gezurtzat”jo du Trumpek. Haren espetxeratzea ere mahai gainean jarri du.
Kontraeraso hori une esanguratsuenean gertatzen ari da. Izan ere, egun gutxi barru azalduko dira Kongresuan bere testigantza emango duten diplomatikoak. Orain arte botere gehiegikeria leporatu zaio Trampi atzerriko agintari bati Estatu Batuetako hauteskundeetan esku hartzeko presioa egiteagatik. Orain, demokratek dena azkartu nahi dute eta lekukoei deitu.
Diplomatiko horien artean dago Kurt Volker, Ukrainarako Ordezkari Berezia. Ikerketak aurrera egiten badu, urriaren amaierarako Trumpen aurka salaketa gehiago egon daitezke.
Oposizioarentzat arazoa hau da: ez duela Senatuan behar den botoen bi herena Trump kargutik botatzeko. Baina egoera hau erabat alda daiteke. Testigantzak entzun eta gero iritzi publikoa aldatzen bada, eta gehiengoak Trumpek oker jokatu zuela uste badu, Senatuko botoak ere alda daitezke eta senatarien gehiengoa presidentea kargutik kentzearen alde azaldu.
Bigarren aukera bat ere izan daiteke. Etxe Zuriak argitaratutako telefono transkripzioaren bertsio leundua baino, beste bertsio bat argitaratzea. Eta Errusiako Putin edo Saudi Arabiako printzearekin izandako beste elkarrizketen berri kaleratzea. Ondorengo egunak erabakigarriak izango dira guzti hori argitzeko.
Zure interesekoa izan daiteke
Teheranen gaur zabaldu dute Ali Khameiren hil kapera
Ali Khameneiren hileta-kaperan, gerraren lehen egunean hil zuten aiatola gorenari azken agurra eman diote Teheranen. Khameneiren hilkutxa erdian eta inguruan beste lau jarri dituzte, erasoaren egunean berarekin zeuden senideen hileta-kutxak. Bihar eta etzi herritarrak sartu ahal izango dira hilkutxa dagoen meskitara, eta astelehenean, Teherango kaleak zeharkatuko ditu.
Donald Trump eta bere azoka handia, protagonista nagusiak AEBen 250. urtebetetzean
Estatu Batuen Independentziaren Adierazpenaren 250. urteurrena ospatuko dute larunbatean, uztailaren 4an. Eta Donald Trumpek bere irudia goresteko erabiliko du urteurrena. Buruzagi errepublikanoak bere aurpegia daramaten oroitzapenezko txanponak egin ditu, eta National Mallen azoka handi bat antolatu du. Ekimenak noria erraldoi bat, garaipen-arku bat, rodeoak, hitzaldiak, su artifizialak eta hegazkin militarren erakustaldiak izango ditu. Azokak, hala ere, porrot egin du orain arte. Oso jende gutxi bertaratzen ari da, eta horrek indartu egin ditu kritikak. Salatzen dutenez, Trumpek ospakizun nazionala baliatu du bere irudia indartzeko.
3.000 lagun baino gehiago ebakuatu dituzte, Ipar Katalunian izandako sute baten ondorioz
Eskualdeko segurtasun zerbitzuek jakinarazi dutenez, gas-bonbona baten leherketak eragin du ezbeharra. Sugarrak berehala zabaldu dira, eta hiru kanpin eta kirol portu bat harrapatu dituzte.
Lurrikaretatik zortzi egunera, hondakinen artetik bizirik atera dute gizon bat Venezuelan
Gizon bat bizirik atera dute hondakin artetik Venezuelan lurrikarak gertatu eta zortzi egunera. 100 lagun inguru aritu dira lanean gau eta egun, Hernan Gil-ekin kontaktua egin zutenetik, harengana iritsi eta handik ateratzeko. Ura pasa ahal izan diote eta une oro zaindu. Hala, 72 orduko operazioak izan zezakeen amaierarik onena izan du.
Lurrikaretatik astebetara, 2.295 hildako eta 11.200 zauritu baino gehiago zenbatu dituzte Venezuelan
Zazpi egun igaro diren arren, erreskate-taldeak ezin izan dira iritsi eroritako eraikin guztietara. Kasu askotan, senideak eta bizilagunak dira hondakinen artean lanean ari direnak, eta laguntza faltak eragindako haserrea zabaltzen hasi da.
Venezuelako polizia bat lurrikarak suntsitutako eraikinetatik dirua lapurtzen harrapatu duten unea
Lau polizia atxilotu dituzte astearte honetan Venezuelan, La Guairan eraitsitako eraikinen hondakinen artean "ondasun ekonomikoak" bereganatzea egotzita, bertako agintariek jakinarazi dutenez.
La Guairako portua gorputegi inprobisatu bihurtu da hildakoak identifikatzeko
Erreskate-lanek aurrera jarraitzen dute Venezuelan, baina gero eta pertsona gutxiago topatzen dituzte bizirik. Ospitaleetako gorputegiek gainezka egin dute eta, besteak beste, La Guairako portua gorputegi inprobisatu bihurtu da. Handik, Caracasera bidaltzen dituzte identifikatutako gorpuak.
Beste lurrikara bat izan da Venezuelan, 4,6 gradukoa
Jorge Rodriguez Venezuelako Parlamentuko presidenteak adierazi duenez, ez du kalterik eragin.
Gutxienez sei lagun hil dira Alemanian adingabeen zentro batean izandako tiroketa batean
Poliziak hainbat zauritu daudela ere jakinarazi du. Operazioan zehar hiru pertsona atxilotu dituzte; horietako bat tiroen ustezko egilea da. Agintarien arabera, tiroketa ustezko delitugilearen alabaren zaintzari buruzko liskar baten ondorioz izan da.
Venezuelako lurrikarak utzitako txikizioa, airetik ikusita
774 eraikin daude kaltetuta edo kolapsatuta, eta, horrek 12.721 familiari eragin die. Tokian nazioarteko 2.624 erreskatatzaile ari dira lanean, harrapatutakoak bilatu eta ateratzeko.