AEBk eta Turkiak su-etena adostu dute Siria iparraldean
Mike Pence Amerikako Estatu Batuetako (AEB) presidenteordeak ostegun honetan jakinarazi duenez, milizia kurduak Turkiak aldarrikatzen duen “eremu segurutik” erretiratzeari bide emateko su-eten mugatu bat adostu dute bi herrialdeek Siria iparraldean.
“AEBk eta Turkiak su-etena adostu dute Sirian”, jakinarazi du Pencek, goizean Recep Tayyip Erdogan Turkiako presidentearekin bildu ostean. Testuinguru horretan, Ankarak “120 orduko epea” (bost egun) emango dio YPG milizia kurduari, “eremu segurutik” aldentzeko.
“Mugatik 32 kilometroko sakonerara segurtasun osoz erretiratu ahal izatea errazten ari gara”, esan du Pencek, eta “Kobaneren aurkako operazio militarrak has ez daitezen" Turkiarekin akordio bat lortu dutela gaineratu du.
Halaber, bi herrialdeek “eremu seguru bat eratzeko konponbide baketsu bat lortzeko konpromisoa” agertu dute, nazioarteko herrialdeen babesarekin, “Siriako mugako eremu horretan bakea eta segurtasuna bermatzeko”.
Horrez gain, Siria ipar-ekialdean Estatu Islamikoaren aurka jarduteko konpromisoa hartu dute Turkiak eta AEBk, baita talde terrorista horrek aurretik kontrolatutako eremuetan atxilotze zentroei eta desplazatuei dagokienean elkarlana sustatzeko ahaleginak ere.
Pencek nabarmendu duenez, “bizitza, giza eskubideak eta komunitate erlijioso eta etnikoak errespetatzeko lehentasuna” helarazi diote Erdogani gaurko topaketan.
Gainera, Pencek ziurtatu du akordio hori lortu ezean, Ankararen aurka “zigor gehiago” ezartzea aurreikusten zuela Trumpen gobernuak.
“Akordioa betetzen denean Trumpek bertan behera utziko ditu Turkiari ezarritako zigor ekonomikoak”, ziurtatu du Pencek. Ildo horretatik, su-etena indarrean sartzen denean Washingtonek ez duela herrialde horren aurkako "zigor berririk" ezarriko gaineratu du.
"Albiste itzelak"
Akordio horren ostean, Donald Trump AEBko presidenteak Twitter bidez nabarmendu du duela hiru egun pentsaezina zela su-eten hau lortzea, eta akorido hau denontzat mesedegarria dela azpimarratu du.
Penceren agerraldia baino minutu batzuk lehenago, agintariak nabarmendu du "Turkiatik albiste itzelak" ematekoak zirela, eta eskerrak eman dizkio Erdogani. "Milioika bizitza salbatuko dira", esan du.
Zure interesekoa izan daiteke
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.