Dagoeneko 18 pertsona hil dira Txilen, azken egunetan izandako istiluetan
Gutxienez 18 pertsona hil dira Txilen azken egunetan, Santiagoko metroko txartelen prezioaren igoeraren aurkako protestetan, manifestarien eta segurtasun indarren artean izandako istiluetan, Rodrigo Ubilla Txileko Barne idazkariordeak jakinarazi duenez.
Ubillak azaldu duenez, asteartean hildakoak 15 baziren ere, azken orduetan beste hiru pertsona hil dira, eta, ondorioz, gora egin du hildako zibilen kopuruak. Zehazki, baimendutako alkohol-tasa gainditu duen auto gidari batek bi manifestari harrapatu ditu San Pedro de La Paz hirian, tartean 4 urteko haur bat. Beste manifestari bat Maipu hirian hil da, antza denez, poliziak jipoituta. Testuinguru horretan, Fiskaltzak ikerketa abiatu du, hilketa horien nondik norakoak argitzeko asmoz.
Halaber, protestak hasi zirenetik 102 manifestari zauritu dira herrialdean, Puente Alton tirokatu zituzten eta larri dauden bi zibilak barne. Horrez gain, 95 polizia artatu dituzte.
Bestalde, 2.205 atxilotuetatik 969 espetxean jarraitzen dute, eta Santiago, Concepcion eta Valparaiso hirietan ezarritako etxeratze agindua urratzeagatik atxilotutako manifestariak 438tik 592ra igo dira.
Ubillak esan duenez, manifestariek manifestazio gehiago deitu dituzte metroaren txartelen prezioaren igoeraren aurka. Hala, asteartean, aurreko egunean baino 54 manifestazio gehiago izan ziren herrialdean. Testuinguru horretan, parte-hartzaile kopuruak ere gora egin du, 130.000tik 220.000ra, hain zuzen ere.
Torturak
Giza Eskubideen Institutu Nazionalak (INDH) bost kereila aurkeztu ditu militarren edo Txileko karabineroen aurka, bost pertsona hiltzea leporatuta. Erakundeak jakinarazi du egunotan tortura eta irainen inguruko salaketak jaso dituela, besteak beste, atxilotutako pertsonei egindako gehiegikeriengatik.
Salaketa horien inguruan galdetuta, Ubillak azpimarratu du erakundeek “salbuespen zein normaltasun egoeran oztoporik gabe” jarduten dutela, INDHri eta agintari judizialei aipamen eginez. "Erantzunak izatea espero dugu", gaineratu du.
Hala, Sebastian Piñera Txileko presidenteak gizarte desberdintasunengatik barkamena eskatu eta horri aurre egiteko neurri sorta berezia iragarri ostean, herrialdeak "normaltasunari dagokionez aurrerapauso bat" eman duela nabarmendu du Txileko Barne idazkariordeak.
Hala, supermerkatu eta gasolindegi gehienek ateak irekitzeaz gain, kutxazain automatikoak erabilgarri daudela eta metro zerbitzua partzialki berrezarri dutela gaineratu du Ubillak. "Protestak ez du inolako eraginik izan argi, ur eta gas horniduran", azpimarratu du.
Greba orokorra
Langileen eta ikasleen sindikatuek, ordea, greba nazionala deitu dute, Piñerak elkarrizketarako egin zuen deiari entzungor eginez.
Hezkuntza eta osasun arloko ikasle eta langileek iragarri dute lanuztearekin bat egingo dutela gaur. "Greba-deialdiarekin bat egiteko gonbita luzatzen diegu herritar guztiei. Bakea nahi dugu, baina bake iraunkorra justizia sozialarekin baino ez dator", esan du Barbara Figueroa CUTeko presidenteak, Reuters albiste-agentziak aipatuta.
Zure interesekoa izan daiteke
Iranek bake akordiorako adostasunak onartu ditu, eta AEBri egotzi dio beti atzera botatzea
Reza Zabib Iranek Espainiako Estatuan duen enbaxadoreak negoziazioak nahasten aritzea egotzi dio Donald Trump AEBko presidenteari. Era berean, Israelek bakea oztopatzeko ahaleginetan jarduten duela salatu du, eta Ormuzko itsasartearen kontrola Irani aitortu behar zaiola.
Akordiorik gabe amaitu da Trumpek Iranekin Etxe Zurian egin duen bilera
AEBko presidenteak esan du Irango Islamiar Errepublikak uko egin behar diola arma nuklearrak garatzeari, eta berehala ireki behar duela Ormuzko itsasartea.
Errusiako drone batek Errumaniako etxebizitza eraikin bat jo du, eta "bortxaketa larria" izan da EBren ustez
Ez da lehen aldia Errusiako drone bat Errumaniako aireko espazioan sartzen dena, baina bai etxebizitza baten kontra egiten duena. Bi pertsona zauritu dira. NATOk ohartarazi du aliatuak defendatzeko prest dagoela, eta Errumaniak "pareko erantzuna" iragarri du.
Blue Origin konpainiaren kohete batek eztanda egin du Floridan, jaurti aurretik egindako proba batean
New Glenn kohetearen motorrak pizteko proba batean gertatu da leherketa, jaurtiketa egin aurretik egin ohi duten probetako batean.
Frantziak XVII. mendeko lege esklabista bat baliogabetu du
Luis XIV.ak 1685ean sinatutako legeak, "Kode beltza" izenekoak, esklabuak ondasun higiezinen pare jarri zituen. Esklabutza 1848an abolitu zuten, baina "Kode beltza" ez dute gaur arte indargabetu. Frantziako sistema kolonialak 1,5-2 milioi pertsona egin zituen esklabu, adituek egindako kalkuluen arabera.
AEBk dio Iranekin aurreakordioa lortu duela, baina honek ukatu egin du itxita dagoela
Axios hedabideak aurreratutako informazioaren arabera, Iranek “murrizketarik gabe” ahalbidetuko luke nabigazioa Ormuzeko itsasartean. Tasnim agentzia irandarrak ukatu egin du elkar ulertze batera iritsi izana, eta testua oraindik amaitu gabe dagoela gaineratu du.
Israelek Libano bonbardatu du berriro eta gutxienez 17 hildako utzi ditu
Era berean, Benjamin Netanyahu Israelgo lehen ministroak Gazako Zerrendaren % 70 kontrolatzeko agindua eman dio Israelgo Armadari.
Gizon bat atxilotu dute Berlinen turista bilbotar bati egindako erasoaren egileari ustez laguntzeagatik
Erasoa iazko otsailean gertatu zen Europako Hildako Juduen Monumentuaren ondoan. Biktima, Bilboko 30 urteko gazte bat, erasotik bizirik atera zen Alemaniako hiriburuan hainbat egun ospitalean eman ondoren. Erasoaren egileari 13 urteko kartzela-zigorra ezarri zioten martxoan, hilketa saiakera, lesio larriak eta Estatu Islamikoaren kide izatea egotzita, eta orain arte ez da ezagutu ustezko laguntzaile baten existentzia.
Porrota Enhanced Games txapelketan: milioika dolar saritan eta dopin librea, ofiziala izango ez den errekor bakar baten truke
Enhanced Gamesek, substantzia debekatuak erabiltzea baimentzen zuen kirol-esperimentu polemikoak, kale egin du. Kristian Gkolomeev igerilariak lehiaketaren errekor bakarra lortu du: milioi bat dolar irabazi du, baina bere errekorra ez da ofiziala izango. 42 parte-hartzaileetatik 38k dopatzeko substantziak erabili zituzten: % 91k testosterona eta % 71k giza hazkundearen hormona. Dopinaren Aurkako Munduko Agentziak eta federazioek atleten osasunerako arriskuaz ohartarazi dute.
Txina gero eta gertuago da Ilargitik: Shenzhou-23 ontzia bart abiatu da Tiangong espazio estaziora
Shenzhou-23 espazio-ontzia bart abiatu da Txinako Gobi basamortutik, helburu argi batekin: 2030erako astronautak Ilargira bidaltzea. Txina gainontzeko potentziak baino hamarkadak geroago batu bada ere espazioko lasterketara, urte gutxitan denei aurrea hartzen ari zaie, eta orain AEBen lehiakide gogorrena da espazioan.