'Impeachment'
Gorde
Kendu nire zerrendatik
Edukia gorde nahi duzu?
Hasi saioa edukia gordetzeko eta Orain-en abantailak aprobetxatzeko.

Ordezkarien Ganberak botere-abusua eta Kongresua oztopatzea leporatuko dio Trumpi

AEBetako presidenteak berretsi du "sorgin-ehizaren" biktima dela: Ukraina "ez nuen presionatu".
Nadler mikrofonoaren aurrean, Trumpen aurkako karguak iragarri dituenean. Argazkia: Efe
author image

agentziak | erredakzioa

Azken eguneratzea

AEBetako Ordezkarien Ganberak boterea gehiegikeriaz erabiltzea eta Kongresuaren lana oztopatzea leporatuko dio Donald Trump presidenteari 'impeachment' prozesuan, Jerry Nadler behe ganberako Batzorde Judizialeko presidenteak gaur iragarri duenez.

"Batzorde Judizialak bi artikulutako karguak egozten dizkio Donald Trump AEBetako presidenteari 'impeachment'aren baitan, krimen larriengatik”, adierazi du Nadlerrek, botere gehiegikeria eta Kongresua oztopatzea direla zehaztu aurretik.

Lehenengoaz, hau adierazi du: "Presidente batek bere kargua etekin pertsonala lortzeko erabiltzea, interes nazionalaren aurka edo hura aintzat hartu gabe, epaitu beharrekoa da". Nadlerren arabera, "horixe izan zen Trumpek egin zuena 2020ko hauteskundeetan, Ukrainari presioa egin ziolako hauteskudeetan parte har zezan".

Kongresuaren lana oztopatzeari dagokionez, Nadlerrek esanetan, "justiziaren gainetik, estatubatuarren gainetik eta Kongresuko 'impeachment'aren boterearen gainetik dagoela aditzera ematen duen presidente batek legearen gainetik dagoela uste du".

Interesekoa: Zer da 'impeachment' edo kargugabetze-prozesua?

Hurrengo urratsa

Pelosik argi berdea eman zion Trumpen aurkako akusazio formalari. Lehenengo urratsa Batzorde Judizialak kargu-orriak idaztea da, eta gaur aurreratu du testu horren edukia.

Nadlerrek azaldu duenez, Batzorde Judiziala aste amaieran elkartuko da kargu-orriak ofizialki idatzi, eta, ondoren, Ordezkarien Ganberaren esku uzteko. Ganbera horren gehiengo sinpleak ontzat emanez gero, Trumpen aurkako epaiketa politikoa abian jarriko da, 'impeachment'a hain zuzen ere.

Hala gertatuz gero, Trumpen aurkako epaiketa Senatuan egingo da, errepublikanoek gehiengoa duten horretan. Goreneko buruak egingo luke senatariek osatuko luketen auzitegiaren presidente lana. Presidentea zigortzeko bi herenen babesa behar da, eta oso zail jotzen da hori.

Interesekoa: Trumpek Ukrainari presio egin ziola ebatzi du ikerketa batzordeak

"Sorgin-ehiza"

Trumpek "urduritasunak jota" egotea leporatu zion Pelosiri 'impeachment'a onartu zuenean, eta gaur berretsi egin du ez duela krimenik egin eta bere kontrako prozesua "sorgin-ehiza" dela.

"Nadlerrek esan du Ukrainari presioa egin niola 2020ko hauteskundeetan esku har zezan. Erridikulua, eta berak badaki ez dela egia. Biek ala biek, Ukrainako presidenteak eta Atzerri ministroak, askotan esan dute ez zela presiorik izan. Nadlerrek eta demokratek badakite, baina ez dute onartu nahi", salatu du.

Argi berdea Trumpen aurkako 'impeachment'ari, 'gertaerak ukaezinak' direlako
Trumpek Ukrainari presio egin ziola ebatzi du ikerketa batzordeak
Munduko albisteak Ameriketako Estatu Batuak Eguneko Titularrak Donald Trump

Albiste gehiago mundua

GAZA (-), 20/06/2025.- Smoke rises in the background as internally displaced Palestinians gather on a beach at sunset in Gaza City, 20 June 2025. More than 55,700 Palestinians have been killed in the Gaza Strip, according to the Palestinian Ministry of Health, since Israel launched a military campaign in the strip in response to a cross-border attack led by the Palestinian militant group Hamas on 07 October 2023. EFE/EPA/HAITHAM IMAD
18:00 - 20:00
ZUZENEAN
Duela  min.

Israelek dozenaka gazatar hil ditu, tiroka, Gaza Hirian

Ostiralean, gutxienez 70 palestinar hil dira Israelek Gazako hainbat guneren aurka egindako erasoetan, Osasun Ministerioak eta Defentsa Zibilak egindako zenbaketaren arabera. Gutxienez 25 laguntza humanitarioa jasotzeko guneetara zihoazela hil dituzte, tiroka. 

Gehiago kargatu