Ordezkarien Ganberak botere-abusua eta Kongresua oztopatzea leporatuko dio Trumpi
AEBetako Ordezkarien Ganberak boterea gehiegikeriaz erabiltzea eta Kongresuaren lana oztopatzea leporatuko dio Donald Trump presidenteari 'impeachment' prozesuan, Jerry Nadler behe ganberako Batzorde Judizialeko presidenteak gaur iragarri duenez.
"Batzorde Judizialak bi artikulutako karguak egozten dizkio Donald Trump AEBetako presidenteari 'impeachment'aren baitan, krimen larriengatik”, adierazi du Nadlerrek, botere gehiegikeria eta Kongresua oztopatzea direla zehaztu aurretik.
Lehenengoaz, hau adierazi du: "Presidente batek bere kargua etekin pertsonala lortzeko erabiltzea, interes nazionalaren aurka edo hura aintzat hartu gabe, epaitu beharrekoa da". Nadlerren arabera, "horixe izan zen Trumpek egin zuena 2020ko hauteskundeetan, Ukrainari presioa egin ziolako hauteskudeetan parte har zezan".
Kongresuaren lana oztopatzeari dagokionez, Nadlerrek esanetan, "justiziaren gainetik, estatubatuarren gainetik eta Kongresuko 'impeachment'aren boterearen gainetik dagoela aditzera ematen duen presidente batek legearen gainetik dagoela uste du".
Hurrengo urratsa
Pelosik argi berdea eman zion Trumpen aurkako akusazio formalari. Lehenengo urratsa Batzorde Judizialak kargu-orriak idaztea da, eta gaur aurreratu du testu horren edukia.
Nadlerrek azaldu duenez, Batzorde Judiziala aste amaieran elkartuko da kargu-orriak ofizialki idatzi, eta, ondoren, Ordezkarien Ganberaren esku uzteko. Ganbera horren gehiengo sinpleak ontzat emanez gero, Trumpen aurkako epaiketa politikoa abian jarriko da, 'impeachment'a hain zuzen ere.
Hala gertatuz gero, Trumpen aurkako epaiketa Senatuan egingo da, errepublikanoek gehiengoa duten horretan. Goreneko buruak egingo luke senatariek osatuko luketen auzitegiaren presidente lana. Presidentea zigortzeko bi herenen babesa behar da, eta oso zail jotzen da hori.
"Sorgin-ehiza"
Trumpek "urduritasunak jota" egotea leporatu zion Pelosiri 'impeachment'a onartu zuenean, eta gaur berretsi egin du ez duela krimenik egin eta bere kontrako prozesua "sorgin-ehiza" dela.
"Nadlerrek esan du Ukrainari presioa egin niola 2020ko hauteskundeetan esku har zezan. Erridikulua, eta berak badaki ez dela egia. Biek ala biek, Ukrainako presidenteak eta Atzerri ministroak, askotan esan dute ez zela presiorik izan. Nadlerrek eta demokratek badakite, baina ez dute onartu nahi", salatu du.
Zure interesekoa izan daiteke
Abukeshek Bartzelonan da jada, eta Avila astelehenean iritsiko da Brasilera, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.