Milaka manifestatzailek AEBren Irakeko Enbaxadari eraso diote
Milaka manifestatzailek eta lider milizianok elkarretaratzea egin dute astearte honetan Ameriketako Estatu Batuen Irakeko Enbaxadaren ondoan, Iranen kidekoa den Kataib Hezbola miliziaren jomugen kontra azken egunotan egindako aire-erasoengatik protestatzeko. Protesta horretan Enbaxadaren aurka izandako erasoen ondorioz, gutxienez 20 lagun zauritu dira, iturri batzuen arabera.
Igandeko bonbardaketetan hildako batzuen aldeko hiletak amaituta egin dute elkarretaratzea, Al Sumaria Irakeko telebista-kateak jaso duenez.
Protestan, manifestatzaileetako batzuek harriak bota dituzte Enbaxadaren aurka, eta beste hainbatek AEBren eta Donald Trumpeko presidentearen kontrako oihuak bota dituzte.
Sarbide-gunean eta instalazioetako sarrerako segurtasun-postu batean suteak izan dira, Reuters albiste-agentziaren arabera.
Indar bereziak zabaldu dira, erasoak saihesteko, eta gas negar-eragileak eta zorabiatzeko granadak baliatu dituzte manifestariak sakabanatzeko, tentsioak oso gora egin duela ikusita.
Milizianoek ere eskatu dute elkarretaratzea desegitea, bozgorailu batzuen bidez. Gobernuaren aldeko milizia batzuen koalizioa den Herri Mobilizazioaren Indarrek zehaztu dutenez, gutxienez 20 lagun zauritu dira erasoen ondorioz.
25 hildako eta 55 zauritu, bonbardaketetan
Igandeko bonbardaketetan 25 miliziano hil ziren, eta 55 lagun zauritu. Ostiralean, Kirkuk hirian, Irakeko base militar baten aurkako erasoa izan zen, jaurtigaiak erabiliz; kontratista estatubatuar bat hil zen, eta AEBko lau militar eta bi militar irakiar zauritu ziren.
Irakeko Segurtasun Nazionaleko Kontseiluak astelehen honetan iragarri zuen aztertuko duela AEBk zuzendutako nazioarteko koalizioarekin duen harremana, bonbardaketen ostean.
Trumpek Iran salatu du
Gertaturikoaren aurrean, Donald Trump AEBko presidenteak Iran salatu du, erasoa "antolatzeagatik": "Iranek kontratista estatubatuar bat hil zuen, eta hainbat lagun zauritu. Erantzun irmoa eman genuen, eta horrela egingo dugu beti. Orain, Iran AEBren Irakeko Enbaxadaren aurkako eraso bat ari da prestatzen", esan du Trumpek, Twitterreko bere kontuan.
"Ardura Iranena izango da erabat. Gainera, espero dugu Irakek Enbaxadari babesa emateko erabiltzea haren indarrak; horixe esan eta eskatu diegu", gehitu du.
Zure interesekoa izan daiteke
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.
'MV Hondius' gurutzaontzian hantavirus agerraldiak izan duen bilakaera: lehen kasuetatik, kontaktuen jarraipenera
Munduko Osasun Erakundeak jakinarazi du geldialdietan gurutzaontzitik atera ziren bidaiarien eta haien kontaktuen jarraipena egingo duela. Dagoeneko jarri dira harremanetan geldialdi horiek egin ziren herrialdeetako agintariekin.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.