Lau koronabirus kasu atzeman dituzte Alemanian
Alemaniako osasun agintariek koronabirusaren lau kasu baieztatu dituzte. Ustez, harremana dute Bavarian aurkitutako 33 urteko lehen kutsatuarekin. Azken hori Txinatik zetorren emakume batekin harreman zuzena izateagatik kutsatu zen.
Bavariako lau kutsatuek Webasto auto osagaien konpainian egiten dute lan. Hain zuzen ere, Txinatik etorritako emakumea enpresa horretara joan zen ikastaro bat ematera urtarrilaren 21ean.
Gaixoak Municheko ospitale berean sartu dituzte eta ospitaleko unitate isolatuetan daude.
Bihar beste 40 pertsonari ere analisiak egitea espero da, kutsatuekin harreman zuzenean egoteagatik.
Dirudienez, emakumeak ez zuen sintomarik izan herrialdean egon zen bitartean. Txinara itzultzean, eta gaizki sentitzean, medikuarengana joan zen eta positibo eman zuen probetan.
Astelehenean eman zitzaion Webasto enpresari emakumearen gaixoaren berri. Era berean, haiek jarraian eman zieten egoeraren berri langileei eta osasun agintariei.
Lehen kutsadura baieztatu ondoren, osasun agintariak bigarren mailako infekzioak aurkitzen saiatu ziren enpresako langileen artean edo haiekin harremanak izandako pertsonen artean.
Alemaniako gobernuak Hubei probintziara ez bidaiatzea gomendatu du. Bitartean, hiri horretan aurkitzen diren 90 alemanak ateratzeko modu bat ikertzen ari dira.
Jens Spahn Osasun ministroak Alemania prest dagoela horrelako kasuek aurre egiteko adierazi du.
Albiste gehiago mundua
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bilera zalantzaz inguratuta dator: Volodimir Zelenski Ukrainako presidenteak ez du parte hartuko eta su-eten edo bake-prozesu baterako aurrerapauso gutxi espero dira.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.