Pertsona bat hil da Hong Kongen koronabirusagatik
Wuhango koronabirusarekin kutsatuta zegoen pertsona bat hil da astearte honetan Hong Kongen (Txina hegoaldean), tokiko agintariek baieztatu dutenez. Zehazki, koronabirusagatik hildako lehen pertsona da lurralde horretan. Hildakoa, 39 urteko gizon bat da, eta bihotzeko gutxiegitasun baten ondorioz hil da, Princess Margaret ospitalean.
Hong Kongeko Osasun Babeserako Zentroaren arabera, gizonak osasun arazoak zituen aspalditik. Izan ere, koronabirusa sortu den Txinako Wuhan hirira bidaiatu zuen urtarrilaren 21ean, eta handik bi egunera trenez itzuli zen Hong Kongera.
Urtarrilaren 31n, sukarra zuenez Queen Elizabeth ospitalera eraman zuten, eta han birusak kutsatuta zegoela diagnostikatu zioten.
Bitartean, Hongkoneko Gobernuak Txina kontinentalarekin muga egiten duten lau gune ixtea erabaki zuen astelehenean, koronabirusa hedatzea saihesteko. Bitartean, mila bat osasun langilek greba hasi zuten, tokiko Gobernua Txinarekiko muga erabat zigilatzera behartzeko.
Halaber, 'Wuhango pneumonia' eragiten duen koronabirusak 427 hildako utzi ditu Asian dagoeneko, eta 20.438 pertsona gaitzak kutsatuta daude, Txinako Osasun Batzordeak jakitera eman duenez.
Horrek esan nahi du 64 hildako eta 3.235 kutsatu gehiago izan direla aurreko egunean emandako datuekin alderatuta.
Orain arte, Txinan jazo dira heriotza guztiak, bat izan ezik, Filipinetan gertatu baiten aurreko asteburuan. Testuinguru horretan, nazioarteko hogei bat herrialdek 'Wuhango pneumonia' kasuak diagnostikatu dituzten arren, kutsatuen % 99 inguru Txinan daude.
Munduko Osasun Erakundeak (MOE) nazioarteko larrialdi egoera deklaratu zuen ostegunean, Wuhango koronabirusarekin kutsatutako pertsonen kopurua zein arin handitu den ikusita.
Zure interesekoa izan daiteke
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.