Dagoeneko 100 pertsona hil eta 4.500 bat kutsatu dira koronabirus berriaren eraginez
Txinako Osasun Batzordeak jakitera eman duenez, azken orduetan 26 pertsona hil dira koronabirus berriaren agerraldiaren ondorioz. Gauzak horrela, dagoeneko 106 pertsona hil dira, eta 4.515 kutsatu zenbatu dituzte guztira.
Hubeik, Wuhan hiria dagoen eskualde txinatarrak, 1.291 kasu berri baieztatu ditu. Probintzia osoan, 2.714 gaixo artatu dituzte, eta, horietatik, 2.567 ospitaleratuta daude (563 larri eta 127 egoera kritikoan).
Halaber, Hubeiko Osasun Batzordeak jakinarazi duenez, sukarra zuten 31.934 gaixo artatu dituzte astelehen honetan Hubeiko ospitaleetan.
Bestalde, Txinan sortu den koronabirus horren lehen kasua baieztatu du Alemaniak herrialdean. Dena dela, munduko beste leku batzuetara ere iritsi da birusa. Frantziako agintariek, koronabirus berriaren lehen hiru kasuak baieztatu zituzten ostiralean. AEBko Gobernuak, berriz, herrialdean bigarren gaixo bat kutsatuta dagoela baieztatu du.
Hego Korean bi kasu izan dira, eta Japonian eta Vietnamen beste bi. Hong Kongeko kasuak, berriz, zortzira igo dira, eta Macaokoak zazpira. Singapurren bat izan da; Taiwanen, berriz, bost. Gainera, Thailandian hiru kasu izan dira, baina horietako bi dagoeneko sendatu dira, Malaysiako kopuru bera, eta horiei Australian kasu bat eta Kanadan beste bat gehitu behar zaizkie.
Koronabirusak 14 eguneko inkubazio-aldia du, baina sintomak agertu aurretik kutsatu daiteke.
Txinako agintariek uste dute 5.794 pertsona inguruk izan dezaketela birusa. Abenduan atzeman zuten Wuhango koronabirusa lehen aldiz.
Nazioarteko arrisku-maila igo du OMEk
Bestalde, Osasunaren Mundu Erakundeak (OME) koronabirusaren mehatxuaren ebaluazioa zuzendu du, eta nazioarteko arriskua "handia" dela esan du, eta ez "moderatua", aurreko txostenean adierazi zuenez.
OMEk aldez aurretik ziurtatu zuen arriskua "oso handia" zela Txinan, "baina moderatua nazioartean". Ildo horretatik, erakundeak onartzen du une hartan "akatsa" egin zuela formulazioan. Dena dela, oraingoz ez du koronabirusa "nazioarteko intereseko osasun publikoko larrialditzat" jo.
Zure interesekoa izan daiteke
Europako lehen hantabirus kasua atzeman dute Suitzan
Pazientea hainbat kutsatze detektatu diren gurutzaontzian bidaiatu zuen, eta Zurichen tratatzen ari dira, medikuen zaintzapean.
Iranen aurkako erasoaldia amaitu dela eta Ormuzko itsasartean fase berria abian dela iragarri du Marco Rubiok
Bestalde, Donald Trump Ameriketako Estatu Batuetako presidenteak bertan behera utzi du Ormuzen blokeatuta dauden ontziei laguntza emateko Askatasuna proiektua. Horrez gain, Estatu Batuek Ormuzen nabigazioa eta segurtasuna bermatzeko ebazpena aurkeztuko du NBEko Segurtasun Kontseiluan.
Irango erasoen aurrean defentsa indartuko duela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako "rave" jendetsuan izandako liskarretan
Egunotan lege-prozesu bat dute martxan Frantzian, horrelako jai klandestinoak saihesteko legea gogortzeko.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.