AEBko Senatuak absolbitu egin du Trump kargu guztietatik
Ameriketako Estatu Batuetako Senatuak Donald Trump presidentea absolbitu du. Kongresuari oztopo egitea eta botere-abusua egotzi dizkiote mesede politikoak lortzeko asmoz Ukrainari ustez egindako presio kanpaina dela-eta kargutik kentzeko prozesuan.
Aldeko 48 botorekin eta kontrako 52rekin, AEBko Goi Ganberak Trumpek ez duela botere-abusurik egin ondorioztatu du. Geroago, bozketa azkar batean, presidenteak 53 senatariren babesa lortu du, eta 47 senatarik zigortzearen alde bozkatu dute. Hori dela eta, Kongresuari oztopo egitearen delitutik ere absolbitu dute.
Errepublikano batek soilik bozkatu du presidentearen kontra, Mitt Rommey senatariak. AEBko historian alderdi bereko presidente bat kargugabetzea babesten duen lehen legegilea izan da.
Bigarren delituari dagokionez, 53 senatarik (errepublikanoak) Trump "errugabea" dela ebatzi dute, eta 47k (demokratak), "errudun" jo dute.
Presidentea kargugabetzeko prozesuak aurrera egiteko, Ganberako kideen bi herenen babesa jaso behar zuen delitu bi horietako batek.
Bozketa egin baino lehen, Behe Ganberako gutxiengo demokrataren liderrak, Chuck Schumerrek, Trump kargugabetzearen alde bozkatzeko eskatu die senatariei.
"Lekukorik entzun ez duen historiako lehen epaiketa politikoa da", kritikatu du demokratak.
Horren esanetan, "gustatzen ez zaizkion albisteak faltsuak badira, hauteskundeetan gezurrak esatea onartzen bada, mundu guztia hain gaiztoa bada, orduan etorkizunerako itxaropenik ez dago".
Senatuko gehiengo errepublikanoaren liderrak, Mitch McConellek, bere aldetik, kasua "ulergaitza" dela adierazi du, eta arauak hautsi eta beste arau batzuk idatzi nahi izatea leporatu die demokratei, 2016an presidentea hautatzeko egin ziren hauteskundeak galdu zituztelako.
"Hauteskundeak galdu osteko erantzuna ezin liteke izan presidentearen bulegoari eraso egitea", adierazi du McConnellek.
Irailean, Nancy Pelosi Ordezkarien Ganberako presidenteak Trumpen aurkako epaiketa politikoa egiteko ikerketa abiatu zutela iragarri zuen, informatzaile batek Inteligentzia zerbitzuetara kexa bat helarazi ondoren. Salatzailearen esanetan, Trumpek Volodimir Zelenski Ukrainako homologoari deitu zion uztailean, presidentearen aurkari politikoa zen Joe Biden presidenteorde ohia eta haren semeetako bat, Hunter, iker zitzan, herrialde horretan ustelkeria egin zuten argitzeko.
Oposizio demokrataren arabera, Ukrainari laguntza gisa ia 400 milioi dolar emateko eta Etxe Zurian Zelenskirekin bilera bat egiteko baldintza bat jarri zuen Trumpek: urte hartako hauteskundeetarako hautagai zen Biden ikertzeko asmoa zuela iragarri behar zuen Kievek.
Behe Ganberak hainbat hilabete iraun zuen ikerketa egin ondoren, 2020ko urtarrilaren 16an hasi zen Senatuan Donald Trump AEBko presidentearen kontrako epaiketa politikoa.
Zure interesekoa izan daiteke
Iranek errefusatu egin du AEBk egindako bake proposamena, "gehiegizkoa" dela iritzita
Irango agintariek behin eta berriz esan dute Ameriketako Estatu Batuek eta Israelek Iranen aurkako "erasoa eta hilketak" gelditu behar dituztela, baita Teheranen aurkako erasoa ez errepikatzeko mekanismo zehatzak garatu ere, besteak beste.
Ezkerreko blokea nagusitu da Danimarkan, baina akordioak beharko ditu
Moderatuek edukiko dute Gobernua osatzeko giltza: 14 eserleku lortuta, ezkerreko blokearen (84) eta eskuinekoaren (77) artean erabaki beharko dute.
AEBk gerra amaitzeko 15 puntuko plana aurkeztu dio Irani, "The New York Times" egunkariaren arabera
Irango programa nuklearra desegitea eta Ormuzko itsasartea irekitzea omen daude planean. Bien bitartean, Teheranek Washingtonekin zuzeneko negoziazioak daudela ukatu egin du, eta Israelen eta AEBko baseen aurkako erasoekin jarraitu du.
Ekialde Hurbilera 3.000 soldadu bidaltzea aztertzen ari da AEB
Hainbat hedabideren arabera, 82. Aireko Brigada —aireko operazioaetako eliteko unitate epezializatua— bidali nahi du Trumpek Ekialde Hurbilera, Iranen aurkako operazio militarrean parte hartzera.
Israelek adierazi du "segurtasun eremu bat" ezarri eta kontrolatuko duela Libano hegoaldetik Litani ibairaino
Israelgo Defentsa ministroak adierazi duenez, Israel iparraldean bizi direnen segurtasuna bermatzen den arte ez dira itzuliko Libano hegoaldetik iparraldera ebakuatu dituzten ehunka mila herritarrak.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker, Australiak guztira 1.000 milioi euroko balioa duten muga-zergak kenduko ditu. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.
Gutxienez 66 lagun hil eta 70 zauritu dira, Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeuden barruan istripua izan duenean. Guztira, 128 pertsona zeuden hegazkinean.
EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Trumpek bost egunez atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.