Biden Sandersen aurka: superastearteak demokraten bi sektoreen indarrak neurtuko ditu
AEBko Alderdi Demokrataren primarioek egun garrantzitsua dute gaur: superarteartea da. 14 estatutan bozketak izango dira eta Etxe Zurirako hautagaitzara begira, beharrezkoak diren babesen herena banatuko dira. Batez ere, bi hautagairen artean espero da borroka estuena: Bernie Sanders sektore ezkerzaleko ordezkari eta orain arteko faboritoak Joe Biden zentrista izango du aurrez aurre.
Oraindik lehian dabiltzan bost hautagaiek ekitaldi andana dituzte gaurko aurreikusita. Azken orduetan, gainera, bi hautagaik, biak ildo moderatukoak, bertan behera utzi dute kanpaina: Amy Klobuchar senatariak eta Pete Buttigieg South Bendeko (Indiana) alkate ohiak. Biek Biden babestu dute, eta ez dira bakarrak izan, hainbat buruzagi demokratek (tartean Harry Reid Senatuko buruzagi ohia edo Mark Kelly astronauta ohia eta Senaturako hautagaia) ere gauza bera egin baitute.
Babesok helburu garbia dute: Sandersen hautagaitzari esku-frenoa jartzea. Izan ere, ildo moderatuan hainbeste hautagai izateak superasteartean Sandersen hautagaitza are gehiago indartuko lukeen beldurra zabaldu da.
Sanders faborito da gaur jokoan diren 14 estatuetatik zortzitan, tartean bi handienetan (Kalifornia eta Texas) baina baita Coloradon eta Utahn.
Aipatutako estatu horietan ez ezik, Ipar Carolinan, Virginian, Alabaman, Arkansasen, Mainen, Massachusettsen, Minnesotan, Oklahoman, Tennesseen, Vermonten eta Samoan ere egingo dituzte bozketak.
Sanders, Minnesotan egindako ekitaldi batean. Argazkia: EFE
Orain arte bildutako babesen arabera, Sandersek 60 delegatu ditu; Bidenek, 53; Elizabeth Warren senatariak, 8. Beste bi hautagai ere badaude lehian: Michael Boomberg aberatsa eta Tulsi Gabbard kongresista.
Bi aukera posible
Hain justu, ikusteko dago zer gertatuko den orain Bloombergekin. Dirutza gastatu du superastearte aurreko kanpaina, eta min handia egin ahal dio Bideni.
Bi aukera daude egun erabakigarri honen ondotik: Bernie Sandersek garaipen argia eskuratzea edota emaitza parekatuagoa lortzea.
Bigarrena gailenduko balitz, eta bost hautagaietako batek ere 1.991 delegatuen langa (maila horretara heldu behar da Trumpen kontra aritzeko) pasatuko ez balu, baliteke caucusen bidea ezerezean geratzea eta hautagaia Alderdi Demokrataren barne borroken ostean erabakitzea.
Zure interesekoa izan daiteke
Israelek eta Hezbollah miliziak su-etena adostu dute, Israelgo hainbat hedabideren arabera
Hala ere, oraingoz, egoerak ez du baretzeko itxurarik Libanon. Azken orduotan, gutxienez 18 pertsona hil eta 30 baino gehiago zauritu ditu Israelgo Armadak Libano hegoaldean egindako bonbardaketen ondorioz.
Frantziako justiziak Achraf Hakimi futbolaria epaituko du emakume bati sexu erasoa egitea leporatuta
Paris Saint-Germain taldeko jokalaria Marokoko selekzioarekin Munduko Kopan parte hartzen ari den bitartean, Versallesko Apelazio Auzitegiko instrukzio salak atzera bota du horren defentsak aurkeztutako helegitea, eta, ondorioz, akusatuen aulkian eseri beharko du 2023an emakume bati sexu erasoa egitea egotzita.
AEBk eta Iranek bertan behera utzi dituzte Suitzan itunaren inguruan egin behar zituzten elkarrizketak
Burgenstockeko bilera bertan behera utzi dute JD Vance ez delako bertara joan eta ez zegoelako argi Irango Gobernuaren ordezkaritza bertan izango zen, baina Washingtonek negoziazio teknikoetan aurrera egiteko asmoari eutsi dio.
Andy Burnham alkate laboristak eserleku bat lortu du, eta Starmerri aurre egin ahal izango dio
Makerfieldeko hauteskundeetan lortutako garaipenak Alderdi Laboristaren buruzagitza eskuratu eta Erresuma Batuko Gobernua gidatzeko bere asmoa indartu du.
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.