Putinek 2036ra arte Kremlinen jarraitzeko bidea ireki du
Vladimir Putin Errusiako presidenteak boterean jarraitu ahal izateko azken oztopoa kendu du. Parlamentuan egindako agerraldi historikoan, Konstituzioa aldatzeko prest agertu da, eta atea ireki dio 2036ra arte Kremlinen egoteari.
"Ziur nago elkarrekin gauza on asko egingo ditugula oraindik, 2024ra arte gutxienez. Orduan ikusiko dugu", adierazi du Putinek Duman (Behe Ganbera).
Mendebaldearekiko beldurra, egonkortasun sakratua, presidentetza bertikal indartsua izateko premia, herrialdeak aginte politikoan aldaketarik behar ez izatea eta gizartearen gehiengoaren babesa aipatu ditu Putinek 2024an Kremlinetik ez joatea justifikatzeko. Egungo indarrean den 1993ko konstituzioaren arabera, kargua utzi beharko luke orduan.
Putinek ezustekoa eman zuen urtarrilaren erdialdean Konstituzioa aldatzeko asmoa agertu zuenean (esana zuen sekula ez zuela egingo), baina nazioarteko gaietako adituek uste zuten 2024an presidentetza utziko zuela, agintea beste erakunde batetik izateko: Estatu Kontseilutik.
Gaur baztertu egin du aukera hori, "arriskutsua" delakoan, "ez duelako inolako zerikusirik demokraziarekin", boterea bitan banatzeak "gizartearen zatiketa" eragingo lukeelako.
Hala eta guztiz ere, ez du oztoporik jarri boterean luzaro jarraitzeko proposamenari.
"Ziur nago uneren batean botere gorena, presidentearena, ez dela horren pertsonalista izango Errusian, ez dela pertsona jakin bati lotua egongo. Baina gure historia bide horretatik joan da…", esan du.
"Presidenteak du Konstituzioaren bermea, segurtasunarena, barne egonkortasunarena eta eboluzioarena. Hain zuzen ere, eboluzioarenean, nahikoa iraultza izan ditugu jada. Errusiak soberan bete du kuota iraultzailea", azpimarratu du.
Dumak aldeko 380 botorekin eta kontrako 43rekin onartu du Konstituzioaren zuzenketa, hau da, Putinen lau agintaldiak ez zenbatzea agintaldi berrietarako aukera zabaltze aldera.
Gainera, Putinek nazioaren egoerari buruzko urtarrileko hitzaldian proposatu zituen aldaketa konstituzionalak egiteko, herritarrek oniritzia eman beharko diote pakete osoari apirilaren 22an, erreferendum bidez.
Putinek azpimarratu zuen Errusian aginte politikoan aldaketak egoteko heldutasuna behar dela, eta kanpoko mehatxuen aurrean segurtasuna izatea.
2036ra iristea lortuko balu, Iosif Stalin buruzagi komunistak baino denbora gehiago emango luke agintean, 83 urterekin.
Zure interesekoa izan daiteke
Putinek ez du Zelenskirekin biltzeko proposamena onartu, eta aurrera egiteko agindu dio armadari
Gutun batean, Zelenskik beste herrialde batean biltzeko proposatu dio Errusiako presidenteari, hala nola Suitzan, Turkian edo herrialde arabiar batean. Gainera, gerra amaitzen ez bada, errusiarrek botere-aldaketa behartu dezaketela ohartarazi du.
NASAk bertan behera utzi du Nazioarteko Espazio Estazioa husteko alerta, astronautak bi orduz alde egiteko prest egon ostean
Errusiako tripulazioa, beste behin ere, 6 urte aktibo daramatzan aire-ihesa konpontzen saiatu da, astronauta estatubatuarrak ontzi batean babesten ari ziren bitartean, balizko ebakuazio baterako prest.
Ukrainan su-etena ezartzearen aurka egin du Putinek: "Bakea negoziatzeko ez dira zertan eraso militarrak eten behar"
Volodimir Zelenski Ukrainako presidenteak gutun irekia igorri dio gaur Putini, proposamen zehatz batekin. Bi mandatariak aurrez aurre elkartzea nahi du buruzagi ukrainarrak, gerrari amaiera emango dion bake-akordioa adosteko.
NBEko giza eskubideen buruak migrazio politika berria "berriz aztertzeko" eskatu dio EBri
Volker Türk goi-komisarioak adierazi duenez, arau berriek nazioarteko legeak eta EBkoak errespetatu behar dituzte, "migrazioaren kudeaketa justu, iraunkor eta giza eskubideekin duten konpromisoa islatuz".
Ukrainak 350 drone baino gehiago jaurti ditu Errusiara; tartean, Mosku eta San Petersburgora
Bezperan, Errusiako Armadak Ukrainako hainbat hiriren kontra egindako erasoetan gutxienez 21 pertsona hil eta ehun lagun baino gehiago zauritu ziren.
Trumpek agindu exekutibo bat sinatu du paperik gabeko migratzaileei finantza-sistemarako sarbidea mugatzeko
Presidente errepublikanoaren arabera, banku-sistema nazionaletarako sarbidea "herrialdean egoteko eskubide legala dutenek soilik izan behar dute", eta "legezko merkataritzan aritzen direnek".
Errusiak Ukrainaren aurkako eraso “masiboa” egin du, eta gutxienez hogei bat hildako eta ehun zauritu baino gehiago utzi ditu
"Kieveko erregimenaren eraso terroristei emandako erantzun" gisa deskribatu du bonbardaketa Moskuk.
Trumpek Netanyahuren aurka egin du Libanoren kontrako erasoengatik: "Zoratuta zaude"
AEBko presidentearen arabera, Irango gerrari amaiera ematea eta Ormuzko itsasartea irekitzea ahalbidetzeko akordiorako aukera egon daiteke datorren astean. Aitzitik, Teheranek iragarri du Washingtonekiko elkarrizketak eten egin dituela.
Trumpek iragarri du Israelek ez diola eraso egingo Libanori ezta Hezbollah-k Israeli ere
"Israelgo Netanyahu lehen ministroarekin oso dei emankorra izan dut, ez du Beirutera troparik bidaliko, eta bidean zeudenak bueltan dira", azaldu du Trumpek sare sozialetan argitaratutako mezu batean. Hezbollah-k ere ez duela erasorik egingo esan du.
Iranek adierazi du Libano su-eten akordioaren parte dela, eta Israelen erasoek ondorioak izango dituztela ohartarazi du
Su-etena ezarrita dagoen arren, Israelek erasoak areagotu ditu Libanon. Azken orduotan, Benjamin Netanyahu lehen ministro israeldarrak Armadari agindu dio Beirut inguruan dagoen Dahieh eskualdea bonbardatzeko, Hezbollahren gotorleku delakoan.