Koronabirusaren 2 milioi kasu baino gehiago izan dira Ameriketako Estatu Batuetan
AEBk koronabirusaren bi milioi kasuak gainditu ditu asteazken honetan, Johns Hopkins Unibertsitatearen zenbaketa independentearen arabera.
Baieztatutako kutsatzeen kopuru zehatza 2.000.464 da orain; pandemiaren ondorioz hildakoak, berriz, 112.924 dira gutxienez.
Ameriketako Estatu Batuetako 2.000.464 kasuen atzetik (mundu osoan agertutakoen % 27 baino gehiago dira), Brasilgo 772.416 kasuak eta Errusiako 493.023 kutsatzeak daude.
New Yorkeko estatua izan da pandemiaren epizentro nagusia Estatu Batuetan: 380.156 kasu baieztatu dituzte eta 30.542 pertsona hil dira, Erresuma Batuak, Brasilek eta Italiak bakarrik gainditzen duten zifra.
Bakarrik New Yorken 21.960 pertsona hil dira.
New Yorken atzetik, New Jerseyn 165.346 kasu eta 12.377 hildako baieztatu dira, Kaliforniak 139.715 kutsatu eta 4.854 hildako izan ditu, eta Illinoisek 129.837 positibo eta 6.095 hildako koronabirusaren ondorioz.
Hildako asko izan dituzten beste estatu batzuk Massachusetts (7.454), Pennsylvania (6.062), Michigan (5.955) eta Connecticut (4.120) dira.
Ameriketako Estatu Batuetan pandemiaren fokua Ekialdeko Kosta kolpatutik Kaliforniara joan da orain, azken egunotan kasuen hazkunde bizkorra izaten ari dena.
Hildakoen behin-behineko balantzeak (112.924) Etxe Zuriaren hasierako kalkuluen mailarik baxuena gainditu du, kasurik hoberenean 100.000 eta 240.000 heriotza artean aurreikusi baitzituen pandemiaren ondorioz.
Bestalde, Washingtongo Unibertsitateko Osasun Metrika eta Ebaluazioen Institutuak (pandemiaren eboluzioa iragartzeko Etxe Zuriak sarritan oinarritzat hartzen duena) abuztu hasierarako 145.000 hildako baino gehiago izango direla Ameriketako Estatu Batuetan uste du.
Zure interesekoa izan daiteke
Erlojuaren aurka bila ari dira Venezuelan, lurrikararen ostean bizirik atera direnak erreskatatzeko
Hasi dira nazioartetik bidalitako laguntza taldeak eta baliabide logistikoak iristen, Venezuelan bi lurrikara bortitzek eragindako kalteei aurre egiten laguntzeko. 589 hildako zenbatu dituzte momentuz, eta milaka pertsona desagertuta daude.
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Euskal jatorriko emakume bat hil da eta beste bi euskal herritar daude desagertuta Venezuelako lurrikaren ostean
Hainbat orduz bila aritu ostean, Alazne Solabarrietaren familiak haren heriotza baieztatu du. Bestalde, Bilboko Venezuelarren Plataformak euskal jatorriko beste emakume baten desagerpenaren berri eman du. Gainera, EITBk jakin ahal izan du ez dagoela 67 urteko bizkaitar jatorriko gizon baten berririk.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.