Alemaniako agerraldiak 360.000 pertsona isolatzea eragin du Guetersloh hirian
Ipar Renania-Westfalia estatu alemaniarreko lehen ministroak astearte honetan iragarri duenez, Guetersloh hiria konfinamendu egoeran jarriko da berriz ere ekainaren 30era arte, bertan dagoen haragia ontziratzeko planta batean koronabirus agerraldi bat izan ostean.
Guetersloh hiria isolamendura itzuli den lehen gunea da, apirilaren amaieran agintariak neurri murriztaileak pixkanaka malgutzen hasi ondoren. Guztira 360.000 pertsona inguru bizi dira Alemaniako eremu horretan, eta hilaren 30era arte egongo dira isolamenduan.
Isolamendu egoera arintzeko deiak egin zituen Armin Laschet estatuko lehen ministroaren esanetan, tabernak, museoak, galeriak, zinema-aretoak, kirol pabiloiak, gimnasioak eta igerilekuak itxita egongo dira, eta piknikak zein barbakoak debekatu dituzte.
"Arreta neurri mugatua da. Infekzioa ez garatzeko ziurtasuna dugunean, lehenbailehen altxatzeko asmoa dugu", esan du Laschetek prentsaurreko batean. Lehen ministroaren arabera, "neurri prebentiboa da" soilik.
Guetersloh hiriko haragia prozesatzeko planta bateko 1.500 langilek baino gehiagok positibo eman dute, eta horien senide batzuek eta lantegiarekin inolako loturarik ez duten 24 lagunek ere eman dute positibo, horren arabera.
Lothar Wieler Osasun Publikorako Robert Koch Institutuko buruak baieztatu duenez, Alemanian koronabirusaren garapen-tasa 2,76koa da egun, foku horien ondorioz.
2,76ko garapen-tasak esan nahi du birusa hartu duten 100 pertsonek, batez beste, 276 pertsona gehiago kutsatu dituztela.
Wielerren esanetan, Alemania bigarren koronabirus agerraldi baten arriskua du, baina egoeraren aurrean baikorra dela eta arazoari aurrea har dakiokeela azpimarratu du.
Albiste gehiago mundua
Txinak mendi bat erditik moztu du 600 metroko altueran dagoen autobidea eraikitzeko
Guizhou probintzian ingeniariek mendia zatitu dute autobide moderno bat eraikitzeko. Lehergaiak eta zulaketa-teknika aurreratuak erabili dituzte korridore zabal bat sortzeko.
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.
Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.
Corbieres mendiguneko sute handia kontrolpean dute, baina ez dute itzali
Asteartean piztu zen, eta pertsona bat hil du: sugarrek setiatuta bere etxea uzteari uko egin zion emakume bat. Sutea 1949. urtetik Frantzian izan den larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.