Beiruten eztanda egin zuen amonio-nitratoa Georgiako portu batetik irten zen, 2013an
Georgiak onartu du, asteazken honetan, asteartean Beiruten eztanda egin zuen amonio-nitratoko kargamentua Georgiako enpresa batek ekoiztu zuela, eta portu georgiar batetik irten zela, 2013an. Hala ere, ezbeharra eragin duten baldintzetatik aldendu da, erabat.
"Beiruten gordeta zegoen kargamentu hori, 2.750 tona, Batumiko portutik irten zen, Mozambikera bidean, Birako portura, Moldaviako bandera duen 'Rhosus' kargaontzian. Azken hori Giurgiulesti portu moldaviarrean zegoen inskribatuta", esan dio EFEri Georgiako Ekonomia Ministerioko Itsas Garraiobidearen Agentziako ordezkari batek.
Erakunde horren arabera, amonio-nitratoa "Georgiak esportatzen duen produktuetakoa da; urtero, kopuru handiak esportatzen ditu". 2020an, Potiko portutik, 52.307 tona esportatu dira, agentziako ordezkariaren esanetan.
Libanoko hiriburuan izandako eztandatik aldendu du Georgia iturri horrek; azpimarratu duenez, Tbilisi gertaturikoarekin lotzeko edozein ahaleginek "ez du oinarririk". Gehitu du, halaber, zamak garraiatu, prozesatu eta biltegiratzea herrialde hartzailearen lanak direla, ez esportatzailearenak.
Kargamentua 2013an irten zen Georgiatik, horrez gain, eta Georgiako portuek "segurtasun-arau guztiak betetzen dituzte. Bi urtean behin, nazioarteko adituek ikuskapenak egiten dituzte", azpimarratu du.
Rustavi AZOTen konbinatu kimikoan ekoizten du Georgiak amonio-nitratoa, Tbilisi hiriburutik 40 kilometrora. Hegoaldeko Kaukason, soilik bertan egiten dituzte ongarri mineralak eta amonio-ongarriak.
Zure interesekoa izan daiteke
Gutxienez 70 lagun hil eta 400 falta dira Nepalen, tartean bi espainiar eta hiru frantziar, uholde handi baten ondorioz
Bat-bateko uhaldi batek hainbat herri kolpatu ditu asteazken honetan Tibeteko mugatik gertu.
Gutxienez 16 hildako eta 400 desagertu Nepalen, Txinarekiko mugan izandako uholde baten ondorioz
Gutxienez 29 pertsona erreskatatu dituzte Bhote Koshi ibaiak eragindako uholdearen ondorioz. Rasuwa barrutia jo du, eta herriak, merkatuak eta errepideak urpean geratu dira. Armadako sei helikoptero eta enpresa pribatuetako zortzi bilaketa- eta erreskate-lanetan ari dira.
Gutxienez 14 jaioberri hil dira Pakistango ospitale batean izandako sutean
Gutxienez 14 haur jaioberri hil dira asteazken honetan Islamabaden, Pakistango hiriburuan, ospitale publiko batean izandako sutean. Aire girotuaren sisteman izandako leherketa baten ondorioz piztu da. Bertako agintariek jakinarazi dutenez, 15 haur zeuden sutearen tokian eta soilik bat lortu dute bizirik ateratzea; gainerakoak, erreta hil dira.
Israelek gutxienez bost pertsona hil ditu UNRWAk Gazako iparraldean duen eskola baten inguruan egindako eraso batean
Dagoeneko ia 1.300 palestinar hil dira Zerrendan Israelgo Armadaren esku 2025eko urrian indarrean sartu zen su-etenaz geroztik.
Marokoko ministro batek Ceuta eta Melillaren “askapenaz” hitz egin du Mohamed VI.aren aurrean
Bi hiri autonomoei buruz hitz egin du, Afrikako iparraldeko lurralde hori 1580an Espainiaren subiranotasunaren mende egon aurretik Ceutan jaiotako bi aditu islamiko aipatuta.
Ormuzen aldi baterako igarobide seguru bat irekiko dutela laster aurreikusi du Omanek
Iranek eta Omanek negoziazio teknikoekin jarraituko dute itsas ibilbide iraunkor bati buruzko akordio bat lortzeko, bai eta informazioa trukatzeko, itsas trafikoa kudeatzeko eta nabigazio- eta segurtasun-zerbitzuak emateko mekanismoak ezartzeko ere.
1.500 haurrek doako igeriketa-ikastaroen amaiera ospatu dute Gazako itsasoan bainua hartuz
Astearte honetan, 1.500 haur palestinar elkarrekin sartu dira itsasora Gazako hegoaldeko Al-Mawasi hondartzan udako doako igeriketa-ikastaroak amaitu dituztela ospatzeko. Eskolak Tantesh Akademiak antolatu ditu, eta 1999tik darama haurrei igerian irakasten. Familiak hondartza ondoan kanpin-dendetan eta egoera gogorrean bizi diren arren, akademiak eskolak ematea lortu du, hondartzan bertan aldi baterako igerilekuak eraikita.
Merzek herrialdeak erregistratutako azken drone erasoen arduradunak zigortuko dituela agindu du
Alemaniako agintariek astearte honetan jakinarazi dutenez, hirugarren drone bat aurkitu dute Leipzigeko aireportutik gertu; hilabete hasieran lehergailuz kargatutako beste bi artefaktu aurkitu zituzten inguru horretan bertan.
Singapurrek 47.000 euro emango ditu seme-alaba bakoitzeko, jaiotza-tasa sustatzeko asmoz
Familiei zuzendutako neurriek, halaber, hobekuntzak dakartzate etxebizitzan, haurtzaindegietan eta seme-alabak hazteko baimenetan. Laguntza-paketea 2026an jaio diren edo 1-17 urte betetzen dituzten Singapurreko haur guztiei zabalduko zaie.
Tornado batek gutxienez 40 zauritu eta 300 etxe kaltetu ditu Frantziako hegoaldean
40 pertsona baino gehiago zauritu dira eta 15 ospitaleratu dituzte. Gainera, bi lagun Pomas herritik falta dira, Aude departamenduan, Frantziako hegoaldean.