Libano: 250 milioi euroko dirulaguntza, dimisioak eta protestak Beiruteko kaleetan
Beiruteko leherketa izugarriak aurreneko bi biktima politikoak utzi ditu: Informazio eta Ingurumen ministroak. Eztanda gertatu zenetik bost egun igaro direnean, hondakinen artean inor bizirik aurkitzeko itxaropen handirik ez dute.
Mana Abdel Samad Libanoko Informazio ministroak dimisioa eman du igande honetan, tragediaren ondotik herritarrek eskatzen dituzten aldaketak onartzeko "erresistentziak" jarraitzen duela iritzita. Eztandak 158 hildako eta 6.000 zauritu utzi ditu oraingoz.
"Beiruteko hondamendi izugarriaren ostean, dimisioa aurkeztu dut", iragarri du Abdel Samadek ohar batean, ANN albiste-agentziaren arabera, eta ordu gutxi batzuk geroago, Damianos Kattar Ingurumen ministroak eman du dimisioa.
Bitartean, Beiruteko kaleetan, herritarren amorrua eta haserrea nagusi izan da berriro protestetan. Atzo manifestariek zenbait ministerioren egoitzak okupatu zituzten, eta Poliziari aurre egin zioten. Polizia bat hil zen liskarretan, eta 700 bat pertsona zauritu ziren.
Igande honetan, segurtasun indarrek eta manifestariek negar eragiteko gasa, harriak eta sua pizteko materiala bota dizkiete elkarri Parlamentu inguruan, Libanoko hiriburuaren erdialdean.
Bestalde, Libanoko Armadak bilaketa eta erreskate lanen lehen fasea bukatutzat eman du gaur, eta bertako zein nazioarteko erreskate taldeek ez dute inor bizirik aurkitu. Ondorioz, aurrerantzean are zailagoa izango da biktimak bizirik topatzea.
Gainera, nazioarteak 252,7 milioi euroko premiazko dirulaguntza bideratzeko konpromisoa hartu du igande honetan, Libanoko biztanleriari laguntzeko.
Frantziak eta Nazio Batuen Erakundeak mundu osoko 30 bat agintari eta goi-kargudun bildu dituzte bideokonferentzia bidez (Europar Batasunekoak eta Munduko Bankukoak, besteak beste), Eliseok jakitera eman duenez.
Zure interesekoa izan daiteke
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.
7,7 graduko lurrikara batek hildakoak eragin ditu Indonesian
Lurrikarak Flores uhartea astindu du goizaldean, eta iparraldeko kostaldearen parean eta 15 kilometroko sakoneran izan du epizentroa. 2.000 pertsona ebakuatu dituzte, baina zaurituak eta kalte materialak eragin ditu.
Trumpek esan du Ormuzko itsasartea AEBko lurraldetzat joko duela "laster"
Iran "garaitu" ostean egingo duela eta Washingtonen baimenik gabe itsasontziek ezingo dutela itsasartea zeharkatu adierazi du. Teheranen hitzetan, "ezin da txioak, hegazkin-ontziak, dekretuak edo hauteskundeetako hitzaldiak baliatuta bereganatu".
Frantziako Konstituzionalak baliogabetu egin du 15 urtez azpikoei sare sozialak erabiltzeko debekua
Epai horren harira, Emmanuel Macron Frantziako presidenteak Sebastien Lecornu lehen ministroari eskatu dio Gobernuak "testu juridikoki sendoa" presta dezala, epaia bera eta Europako araudia aintzat hartuta, eta erreforma "2027ko udaberria baino lehen" indarrean sartzeko asmoari eusten diola gaineratu du.
Kolonbian 285 dira jada lurrikararen ondorioz hildakoak, eta 379 desagertu daude oraindik
7,4 graduko lurrikararen epizentroa San Jose del Palmarren izan zen, Ozeano Bareko kostaldean dagoen Choco departamenduko herrian. Azken datuen arabera, 3.975 pertsona zauritu eta 45.523 familia kaltetu dira. Horrez gain, 12.828 etxebizitza suntsitu dira.
20 elefanteren heriotza misteriotsuak alarma piztu du Kenyan
Amboseli parke nazionalean, Kenyako turismo-gune nagusietako batean, gutxienez 20 elefanteren heriotza zerk eragin duen ikertzen ari dira. Animaliek sintoma berberak dituzte: paralisia, ibiltzeko zailtasunak eta arnasa hartzeko arazoak. Fauna basatiak garrantzia handia du bertako ekonomian, eta kezka gero eta handiagoa da. Albaitariek, zientzialariek eta agintariek ikertzen jarraitzen dute heriotza horiek zerk eragin dituen argitzeko.