NBEko ikertzaileek gizateriaren aurkako krimenak leporatu dizkiote Madurori
Nazio Batuen Erakundeko (NBE) ikertzaile batzuek salatu dute Venezuelan gizateriaren kontrako delituak egin dituela Gobernuak edo behintzat egin direla horren babesarekin, eta jokabide horren ardurak Nicolas Maduro presidentearenganaino iristen direla. Hori horrela, Hagako Nazioarteko Zigor Auzitegiak esku hartzea eskatzeko aukera aipatu dute.
Lantaldeak ez du Venezuelara joaterik izan, haien arabera Maduroren Gobernuak izapideak betetzeari uko egin diolako, baina 200dik gora kasu ikertu ostean, 443 orriko txosten bat osatu dute, eta bertan jasotzen dira exekuzio estrajudizialak, behartutako desagertzeak, atxiloketa arbitrarioak eta tortura kasuak.
Gobernuak eta horren jarraitzaileek giza eskubideen urraketa "nabarmenak" egin dituztela ondorioztatu dute txostenean. Hala, delitu horiek egiteko jokabide "koordinatuak" atzeman omen dituzte Estatu politiketan, sistematikoki errepikatzen zirela, eta hori gizateriaren aurkako krimena dela.
Ikertzaileen arabera, Maduro presidenteak eta Nestor Luis Reverol eta Vladimir Padrino Barne eta Defentsa ministroek bazuten krimenen berri, eta gainera aginduak eman zituzten, jarduerak koordinatu zituzten, eta gehiegikeriak egiten jarraitzeko baliabideak eman zituzten, 2014an hasita.
Era berean, inteligentzia zerbitzuek ustez egindako errepresio politiko ekintzak ere atzeman omen dituzte. Gezurrezko akusaziopean, frogak manipulatuta edo prozesua urratuta egindako atxiloketak izango lirateke horiek.
Francisco Cox ikertzaileak ohartarazi du "atxiloketa arbitrarioak, epe laburreko desagertzeak eta torturak Maduroren Gobernuaren aurkako oposizioa isiltzeko politikaren parte" izan zirela.
Azken urteotan Maduroren aurka egindako protestetan ere erabili omen zuten ustezko jazarpen politika hori, eta horren baitan egin omen zituzten "manifestarien 36 hilketa", eta tortura eta tratu txarrak atxiloketetan.
Ikertzaileek inpunitatea amaitzeko nahia agertu dute, eta horretarako "Venezuelako agintariek ikerketa azkarrak, eraginkorrak, zehatzak, independenteak, inpartzialak eta gardenak" egin behar dituzte "krimenei buruz, egileek erantzun dezaten eta biktimei justizia aitortzeko", ikertzaileen buruaren arabera.
Zure interesekoa izan daiteke
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.