Bost hildako eta 17 zauritu Vienan izandako sei eraso terroristatan
Bost pertsona hil eta beste 17 lagun zauritu dituzte astelehen honetan Viena erdiguneko sei puntutan egindako hainbat atentatutan, Barne Ministerioak baieztatu duenez. Hildakoak lau zibil (bi gizon eta bi emakume) eta ustezko erasotzaileetako bat dira. Hildakoez gain, zaurituetako asko larri daude.
Poliziak erasotzaileetako bat hil du, eta azken orduetan identifikatzea eta Vienan duen etxebizitzan indarrez sartzea lortu du. "Estatu Islamikoari bereziki atxikita sentitzen den erradikalizatutako pertsona bat denaren zantzuak daude", esan du Karl Nehammer Austriako Barne ministroak. "Bigarren erasotzaileak ihes eginda jarraitzen du", gaineratu du Karl Nehammerrek.
Austriako Poliziak gertaturikoa ikertzen eta ihes egindako bigarren erasotzailearen bila jarraitzen du. Atentatuan gutxienez bi gizonek parte hartu zutela uste dute, baina ez dute baztertzen gehiago izatea.
08:00ak baino pixka bat lehenago (07:00 GMT), ministroak berak APA albiste agentziari baieztatu dionez, 40 eta 50 urte bitarteko emakume bat hil berri da Vienako klinika batean. Horrekin, bi gizon eta bi emakume hil dira bart, erasotzaileetako batez gain. Bestalde, osasun agintariek baieztatu dutenez, erasoan 17 pertsona zauritu dituzte, horietako batzuk larri.
Nehammer Barne ministroak Vienako erdigunea saihestea eskatu die herritarrei, Poliziaren operazioak zabalik jarraitzen baitu. Goizaldean, hildako erasotzailearen etxebizitza miatu du Poliziak.
Barne Ministerioaren iturriak aipatuta APA Austriako albiste agentziak jakinarazi duenez, etxebizitza miatu ostean "erasotzailearen inguruko" hainbat pertsona atxilotu dituzte.
Gauean zehar egin bezala, Austriako Gobernuak eta Poliziak gertatutakoaren irudiak eta argazkiak ez zabaltzeko eta euren etxeetan egoteko eskatu die herritarrei, agintarien lana errazteko.
Ildo horretan, Nehammerrek gogorarazi du ikasleak salbuetsita daudela hiriburuko eskoletara eta ikastetxeetara joatetik.
Erasoa bart gertatu da, gauerdian koronabirusaren pandemiaren eragina arintzeko konfinamendu berri bat indarrean sartu baino ordu batzuk lehenago.
Zure interesekoa izan daiteke
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.
Ukrainar soldaduek emakume bat erreskatatu dute urrutiko agintearekin kontrolatutako robot bati esker
77 urteko emakumea onik ateratzea lortu dute robot baten laguntzarekin. Etxeraino eraman dute, eta onik iritsi da bertara.
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.