Herrialdea batzea, Joe Bidenen agintaldiko erronka nagusietako bat
Joe Biden Ameriketako Estatu Batuetako 46. presidente bihurtuko da gaur, eta lan eskerga izango du aurretik. Demokratak Etxe Zuria ezagutzen du, izan ere, Barack Obamaren presidenteorde izan zen. Hala ere, 2017an presidenteorde izateari utzi zionetik aldaketa asko gertatu dira herrialdean. Trump presidenteak berarekin ekarri duen urakanak gauza asko eraman ditu aurretik. Are gehiago, demokrazia bera ere arriskuan zuen urtarrilaren 6ko Kapitolikoaren aurkako erasoak.
Bidenen erronka nagusietako bat inoiz baino polarizatuago dagoen herrialdea batzea izango da, arraza arrakala gutxitzearekin eta Donald Trumpen erabaki polemikoenak iraultzearekin batera.
Demokratak ibilbide politiko luzea du atzetik. Presidente izan aurretik, zortzi urtez Barack Obamaren presidenteorde ez ezik, 30 urtez senatari izan zen.
Trumpek eragindako aldaketa batzuk lehengoratzeko asmoa agertu izan du bere mezuetan, tartean, klima aldaketaren aurkako borrokan anbizio handiagoa izatea, migrazio politika berrikustea eta bere kabinetean emakumeen presentzia handitzea.
Denborarik galdu gabe, inbestidura egunean bertan, hainbat neurri hartuko ditu Bidenek bere aurrekoarekiko distantzia markatzeko. AEB Parisko Klima Akordiora itzularaziko du, gehiengo musulmana duten herrialdeetako migratzaileei sarrera baimenduko die, unibertsitateko ikasketak ordaintzeko maileguak itzultzeko luzapena sinatuko du, etxegabetzeen aurkako moratoria luzatuko du, eta musukoaren erabilera zabalduko du instalazio federaletara eta estatu arteko bidaietara.
Beste erronken artean, covid-19ari aurre egin beharko dio. Bidenek koronabirusaren aurkako txertoaren bi dosiak jaso ditu dagoeneko eta teorian koronabirusa hartuz gero ere ez litzateke larriki gaixotuko. "Nire lehentasuna txertoa jendearengana iristea da, nik gaur egin dudan bezala, ahalik eta azkarren", adierazi zuen urtarrilaren 11n, txertoaren bigarren dosia jaso zuenean.
Bestalde, guztien presidentea dela sinetsarazi beharko die estatubatuarrei, baita Alderdi Errepublikanoaren alde bozkatu zuten 74 milioi herritarrena ere.
Dena dela, zalantzaren onura onartu behar zaio. Pew Research Center delakoak iragan astean kaleratutako inkesta baten arabera, AEBko herritarren % 64k babestu dute Bidenek hauteskunde ostetik izandako jarrera; % 29k, ostera, Trumpena.
Zure interesekoa izan daiteke
Iranek AEBren azken bake proposamenari erantzun dio
Bertako hedabideen arabera, Irango Islamiar Errepublikak eskatu du negoziazioen lehen fasean gatazkaren amaiera bideratzeko, xehetasun gehiagorik eman ez badu ere.
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.