Indar Armatuen Eguneko errepresio basatiak 114 hildako utzi ditu Myanmarren
Gutxienez 114 pertsona hil dira Myanmarreko 44 udalerritan, segurtasun indarren errepresioaren ondorioz, Myanmar Now bertako komunikabideak jakitera eman duenez. Indar Armatuen 76. Egunean, manifestariek estatu-kolpe militarraren aurka protesta egin dute berriro.
Otsaileko kolpearen aurkako protestak hasi zirenetik 320 hildako inguru zenbatu dituzte, beraz, azken orduetan horietako heren bat hil da. Istiluak izan dira manifestazio ezberdinetan, Yangon, Lashio, Mandalay, Kyaukpadaung eta Kyeikhton.
"Indar Armatuen Lotsarako Eguna" izendatu du dagoeneko oposizio demokratikoak, CRPH gobernu demokratiko klandestinoak.
Hildakoen artean 13 urteko neskato bat dago, Myanmar Now-ko iturrien arabera, baita 21 urteko Chit Bo Nyein gaztea, Hantharwady United 21 urtez azpiko futbol taldearen kapitaina ere. Antza denez, segurtasun indarrek Chit Bo Nyein tirokatu dute, familiaren dendan laguntzen ari zenean, Inseinen (Yangon), lekukoek DPAri azaldu diotenez.
Gainera, Myanmar Now-k jakinarazi duenez, urtebeteko haurtxo bat zauritu da Mayangonen (Yangon), gomazko bala batek jota. Umetxoa kalean jolasten ari zen, soldadu talde bat gertu zuela.
Min Aung Hlaing Myanmarreko Armadaren komandante buruzagiak hauteskunde askeak agindu ditu larunbat honetan. MRTV telebistak, ostera, herritarrei kaleetara ez ateratzea eskatu zien bezperan, "buruan edo sorbaldan tiro bat jaso zezaketela" ohartaraziz.
Inguruan gertatzen denetik kanpo, Myanmarreko militarrek okupazio japoniarraren aurkako erresistentzia armatuaren hasiera ospatu dute Naipido hiriburuan.
Min Aung Hlaing jeneralak, diktadurako buruzagiak, 30 minutuko hitzaldia eman du. "Armadak Birmaniako herria eta demokrazia babestuko ditu", azpimarratu du. Alexander Fomin Errusiako Defentsa ministrordea nazioarteko ordezkari bakarra izan da ospakizunean, Myanmar Now-k jakitera eman duenez.
Aung San Suu Kyi buruzagiaren tatuajea manifestari baten besoan. Argazkia: EFE
Aung San Suu Kyi buruzagiaren askatasuna aldarrikatu dute manifestariek, "Diktadura Militarraren Aurkako Eguna" lelopean. Estatu-kolpearen ostean Aung San Suu Kyi etxean giltzapetu zuten militarrek.
Ned Price AEBetako Estatu Departamentuko bozeramaileak kezka agertu du herrialdearen egoera ikusita. "Hunkituta" eta "triste" azaldu da, "segurtasun indarrak biztanleen aurka arma hilgarriak erabiltzen ari direlako".
Bestalde, Myanmarren dagoen NBEko taldea ere "oso kezkaturik" agertu da gertakari politikoen aurrean.
Sarraskiaren berri izan ondoren, NBEk, EBk eta AEBk segurtasun indarren indarkeria gaitzetsi dute. Horrela, NBEk "ikara" azaldu du, "bizitzak alferrik galdu direlako".
"Irain eta beldur eguna bezala grabaturik" geratuko dela esan du EBren ordezkaritzak. "Herritar armagabeen sarraskia, umeak barne, ekintza defendaezinak dira", adierazi du Europar Batasuneko ordezkaritzak.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.