Haurdunei covid-19aren aurkako txertoa hartzeko gomendatu diete AEBn
Haurdunei covid-19aren aurkako txertoa hartzeko gomendioa egin diete Ameriketako Estatu Batuetan, emakumearentzat eta fetuarentzat arriskutsuak ez direla egiaztatu ostean.
Rochelle Walensky Gaixotasunen Prebentziorako eta Kontrolerako Zentroetako zuzendariak azaldu duenez, ikerketarako egin dituzten esperimentuek erakutsi dute txertoek ez dutela emakumeen eta barruan daramaten umearen osasuna arriskuan jartzen.
"Badakigu txertoa jartzea erabaki pertsonala dela, horregatik haurdun dauden emakumeei beraien medikuekin hitz egiten deia egiten diegu, beraientzat eta haurrarentzat onena zer den erabakitzeko", erantsi du.
Gaixotasunen Prebentziorako eta Kontrolerako Zentroek egindako ikerketaren behin-behineko ondorioak aste honetan argitaratu dituzte The New England Journal of Medicine medikuntzari buruzko aldizkariak.
Estatu Batuetan hiru txerto baimendu dituzte: Pfizer, Moderna eta Jannssen. Alabaina, azken horren txertaketa kanpaina aldi baterako etenda dago.
Waleneskyk gogora ekarri duenez, txerto horiek garatzeko egin ziren entseguetan parte hartu zuten boluntarioen artean ez zen haurdunik izan eta horregatik erabaki zuten aipatu ikerketa egitea.
Ikerketa abenduaren 14tik otsailaren 28ran bitartean egin zuten, datu-base ezberdinetako informazioa hartuta. Guztira, txertoa haurdunaldian eta haurdun geratu baino lehenago hartu zuten 35.000 pertsonaren datuak bildu zituzten.
Albiste gehiago mundua
Txinak mendi bat erditik moztu du 600 metroko altueran dagoen autobidea eraikitzeko
Guizhou probintzian ingeniariek mendia zatitu dute autobide moderno bat eraikitzeko. Lehergaiak eta zulaketa-teknika aurreratuak erabili dituzte korridore zabal bat sortzeko.
Alemaniak iragarri du Israel helmuga duen arma esportazioen zati bat eten egingo duela "oraingoz"
Aurrekaririk gabeko erabakia da Alemanian. Bestalde, Herbehereetan atzera bota dituzte ontzi militarren piezak Israelera esportatzeko hiru lizentzia, eta Norvegiak esan du Israelgo inbertsioetan egingo dituzten aldaketak iragarriko dituztela datorren astean.
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuak (MSF) gobernuz kanpoko erakundearen txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta horiek ixteko deia egin du. Israelek horren esku utzi zuen Gazan laguntza humanitarioa banatzeko ardura, hainbat hilabetez erabat blokeatuta egon ondoren.
Gaza inbaditzeko plana "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.
Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.
Corbieres mendiguneko sute handia kontrolpean dute, baina ez dute itzali
Asteartean piztu zen, eta pertsona bat hil du: sugarrek setiatuta bere etxea uzteari uko egin zion emakume bat. Sutea 1949. urtetik Frantzian izan den larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.