Covid-19aren aurkako patenteak bertan behera uztea babestu du AEBk
Ameriketako Estatu Batuetako Gobernuak koronabirusaren aurkako txertoen patenteak bertan behera uztea babestu du. Asteazken honetan egin duen iragarpenak era guztietako erreakzioak eragin ditu. IFPMA Sendagaien Industriaren Nazioarteko Federazioak erabaki "etsigarria" dela dio, eta Pfizer, BioNTech eta Moderna enpresen akzioek nabarmen egin dute behera Wall Streeteko burtsan. Munduko Osasunaren Erakundeak (MOE), bere aldetik, erabakia txalotu du eta covid-19aren aurkako borrokan "mugarri" izan daitekeela uste du. AEBk bere erabakia aldatu ondotik, proposamena eztabaidatzeko prestutasuna agertu du Europar Batasunak.
Katherine Tai Ameriketako Estatu Batuetako Kanpo Merkataritzako ordezkariak iragarri du albistea. Hala ere, AEBk jabetza intelektualaren babesean "tinko" sinesten jarraitzen duela azpimarratu du.
Edozein kasutan, pandemiak eragindako ezohiko egoera honen aurrean ezohiko neurriak hartu behar direla aldarrikatu du Taik.
India eta Hegoafrika urritik ari dira Munduko Merkataritza Erakundeari txertoen jabetza intelektuala bertan behera uzteko eskatzen, dosiak beste herrialde batzuetan ere egin daitezen. Horrek txertoak beren lurraldean ekoizteko aukera zabaldu ahal die herrialde txiroenei. Orain arte, AEB, Europar Batasuna, Erresuma Batua eta Suitza, aurka agertu dira. AEBk, baina, bere jarrera aldatu du orain.
Europako Batzordeak atea zabaldu dio orain proposamena eztabaidatzeari. Ursula von der Leyen Europako Batzordeko presidenteak azpimarratu duenez, "krisiari modu eraginkorrean eta pragmatikoan heltzeko edozein proposamen eztabaidatzeko" prest dago.
AEBko Gobernuak erabakiaren berri eman ostean, Pfizer, BioNTech eta Moderna enpresen akzioek behera egin dute Wall Streeten.
IFPMA Sendagaien Industriaren Nazioarteko Federazioak erabaki "etsigarria" dela dio eta ez du uste patenteak askatzeak "dosien ekoizpena" handituko lukeenik. Are gehiago, industria farmazeutikoaren esanetan, ikerketak geldiaraztea ekar dezake.
Munduko Osasun Erakundeak (MOE), bere aldetik, "erabaki historikoa" txalotu du. MOEren iritziz, covid-19aren aurkako borrokan "erabakigarria" izan daiteke, baita txertoak herrialde guztietara heltzeko ere.
Albiste gehiago mundua
Zuloa egin da ospitale baten aurrean Bangkoken, eta dozenaka gaixo atera behar izan dituzte
Kolapsoak 50 metroko sakonera, 30 metroko zabalera eta 30 metroko luzera dituen zulo bat ireki du, eta ospitalearen aurrean aparkatuta zegoen garabi bat irentsi du. "Hasiera batean, uste da lur mugimendu batek eragin duela zuloa, eta lurpeko ura pilatu dela tunelaren eta geltokiko hormaren artean", adierazi du Bangkokeko Administrazioak, ohar bidez.
Donald Trumpek NBEn botatakoek hautsak harrotu dituzte
AEBko presidenteak hitzaldi garratz-mina egin du New Yorkeko Nazio Batuen egoitzan. Besteak beste, NBE erakundearen beraren aurka egin du, klima aldaketa zalantzan jarri du eta "zazpi hilabetean zazpi gerrari" amaiera eman diela esan du.
Margarita Roblesen hegazkinaren GPSa itzalarazten saiatu dira, Kaliningradetik gertu zegoela
Ohikoa da Kaliningradetik gertu dabiltzan nabigazio-gailuak "perturbatzen" saiatzea; Polonia, Lituania eta Itsaso Baltikoaren artean dagoen Errusiako enklabea da. Inzidentziak ez du kaltertik eragin hegaldian.
Macronek Palestinako Estatua aitortzearen alde egin du Trumpen aurrean
Israel Gazako Zerrendan egiten dabilen erasoa amaiera emateko "ikuspegi politikoa" izan behar dela nabarmendu du Frantziako presidenteak.
NBEren egoitzako eskailera mekaniko bat Trumpen aurrean gelditu izana ikertuko du AEBko Zerbitzu Sekretuak
New Yorkeko Nazio Batuen egoitzako eskailera mekaniko batean ez aurrera ez atzera geratu ziren AEBko presidentea eta bere emaztea Melania Trump. NBEren arabera, AEBko ordezkaritzaren kide batek "konturatu gabe" segurtasun mekanismo bat aktibatu zuen eskaileraren goiko aldean. Etxe Zuriaren arabera, NBEko norbaitek eskailera mekanikoa itzali bazuen, "kaleratu beharko lukete"
Txina prest, Ragasa supertifoiari aurre egiteko
Urakan-haizeek Hong Kong geldiarazi dute gaur. Taiwanen, supertifoiak gutxienez 14 hildako, hogei bat zauritu eta 100 desagertu baino gehiago utzi ditu. Hildako gehienak etxeko lehen solairuan zeuden adinekoak ziren, eta ezin izan zituzten garaiz ebakuatu.
Sumud Flotillak salatu du "gutxienez 13 lehergailu" jaurti dizkietela eta komunikazioa etenarazi dietela
Nazioarteko flotillak esan du "operazio psikologikoak" direla nabigazioa geldiarazteko, eta droneen presentziak "beldurtu eta Israelentzat inteligentzia biltzeko" helburua duela.
Bueltan da Jimmy Kimmelen saioa, eta aurkezleak Trump kritikatu du "txantxak ez jasateagatik"
Jimmy Kimmelek Donald Trump AEBko presidentearen aurka egin du, programa bertan behera uzteagatik eta adierazpen askatasunaren aurka egin duelako: "Gure liderrak estatubatuarrek euren lanak galtzea ospatzen du, txantxak jasaten ez dituelako", esan du umoregileak hasierako bakarrizketan.
Estatu palestinarra onartzea Hamas "saritzea" dela salatu du Trumpek
Dagoeneko 157 herrialdek aitortzen dute Estatu palestinarra, gehiengo zabala Nazio Batuen Erakundean eserlekua duten 193 herrialdeen artean.
Laku batek gainezka egin eta uholdeak eragin ditu Taiwanen, Ragasa supertifoiak utzitako euriteen ondorioz
Gutxienez 75 pertsona harrapatuta daude, eta bi lagun agertu barik, Guangfu udalerrian, Ragasa supertifoiak eragindako euriteen ondorioz laku natural batek gainezka egin du eta. Urak herriaren erdigunea estali du, eta herritarrak teilatu eta ibilgailuetara igo behar izan dira erreskate-taldeak iritsi arte.