Indigenentzako barnetegi batean 215 umeren gorpuzkiak topatu dituzte, Kanadan
1978an itxitako barnetegi batean hobi komuna aurkitu du ikerketa batek Kanadan. Hain zuzen ere, 215 adingaberen gorpuzkiak topatu ditu, indigenak indarrez asimilatzeko eskolan.
India Kamloops Eskolan, Columbia Britainiarrean, dagoeneko lanean ari dira auzitegiko medikuak, heriotzaren arrazoi eta data zehatzak zehazteko, CBC Kanadako telebista publikoak jakitera eman duenez.
Aurkikuntzaren berri Tk'emlups te Secwepemc tribuko buruzagiak eman du. "Orain arte dakigunaren arabera, desagertutako haur hauen heriotzek ez dute agiririk. Batzuek hiru urte bakarrik zituzten", azaldu du Rosanne Casimir Kamloops komunitateko buruzagiak.
Mota horietako eskolak XIX. eta XX. mendeetan sortu zituzten, gazte indiarrak indarrez asimilatzeko. Estatuak finantzatu eta elkarte erlijiosoek kudeatzen zituzten.
Kamloops Kanadako barnetegi handiena zen. 1890ean zabaldu zuen gobernu katoliko batek, eta 500 bat ikasle hartzen zituen, 1950eko hamarkadan. 1969an Gobernu federalak kudeaketa bereganatu eta ikasleentzako egoitza bihurtu zuen, 1978an itxi zuten arte.
Justin Trudeau Kanadako lehen ministroak onartu duenez, "gure herrialdearen historiako kapitulu lotsagarri baten oroigarri mingarria da".
Carolyn Bennett Harreman Indigenetarako ministroak barnetegiak kritikatu ditu. Politika kolonialaren adibide "lotsagarri" bat direla salatu du. "Arima errugabeei omenaldia egiteko"konpromisoa hartu agintariak.
1863tik 1998ra bitartean, 150.000 indigena adingabe baino gehiago etxetik eraman eta barnetegietan sartu zituzten. Haien hizkuntza erabiltzea edo kultura adieraztea debekatuta zuten, eta tratu txarrak zein abusuak oso ohikoak ziren.
2015ean ikerketa batzorde batek ebatzi zuenez, adingabe asko ez ziren sekula etxera itzuli, beraz, "genozidio kulturala" onartu zuen.
Orain arte proiektu batek 4100 adingabe hildako baino gehiago zenbatu ditu barnetegietan, eta horietariko asko eskoletan bertan lurperatu zituzten.
Zure interesekoa izan daiteke
Hauek dira Iranek eta Estatu Batuek adostutako akordioaren 14 puntuak
Ekialde Hurbileko gerrari amaiera emateko eta Ormuzko itsasartea desblokeatzeko akordioaren xehetasunak plazaratu dituzte Estatu Batuek. Akordioak atzeratu egiten ditu eztabaidagai delikatuenak, hala nola programa nuklearraren garapena.
Errusiak areagotu egin ditu Ukrainako ondare kulturalaren aurkako erasoak, eta bost eraikin historiko kaltetu ditu 24 orduan
Kaltetutako eraikinen artean dago Jasokundearen katedrala, Kieven. Volodimir Zelenski Ukrainako presidentearen arabera, Errusiaren bi dronek eragin dituzte kalteak.
Irango zenbait ontzik “arazorik gabe” Ormuzko itsasartea zeharkatu dute, AEBren eta Iranen arteko akordioa iragarri ostean
Hiru petrolio-ontzik eta oinarrizko produktuak garraiatzen dituzten bi merkantzia-ontzik zeharkatu dute itsasartea.
AEBk eta Iranek gerrari amaiera emateko akordioa lortu dute
Washington eta Teheran artean bitartekari lanetan aritu den Shehbaz Sharif Pakistango lehen ministroak baieztatu du akordioa indarrean dagoela eta iragarri du ekainaren 19an sinatuko dutela, Suitzan. Momentuz, ez dute testua ofizialki ezagutzera eman eta alde bakoitzak interesatzen zaizkion alderdiak nabarmendu ditu.
Trumpek, G7ra iritsi berritan: "Ostiraletik aurrera Ormuz erabat irekita egotea espero dut"
G7aren goi-bileran parte hartzen ari diren liderrak Evian-les-Bains Frantziako herrian daude jada. Lurreratu bezain laster, AEBko presidente Donald Trumpek eta Emmanuel Macron Frantziako liderrak aldebiko bilera egin dute. Iranekin lortutako akordioa izan da gai nagusietako bat.
Erresuma Batuak sare sozialetan sartzea debekatu die 16 urtetik beherakoei
Australiak eta Erresuma Batuak adin horretan (16 urte) ezarri dute sare sozialetan sartzeko gutxieneko adina. Frantzian 15 urtekoak has daitezke erabiltzen, eta Espainiak 16 urtez beherakoei debekua ezartzeko asmoa dauka.
Hezbollahk ontzat jo du Libanoko su-etena eta Iran zoriondu du lortutako akordioagatik
Hala ere, xiiten miliziak akordioa lurraldea "erabat askatu aurreko" pausotzat jo du, eta Libanoko indar politikoei "jarrera nazional bateratua" eskatu die, Israelen aurrean herrialdearen subiranotasuna babesteko. Israelek, ordea, argi du momentuz ez dituela indar armatuak Libano hegoaldetik erretiratuko.
Zer gertatuko da Ormuzko itsasartearekin? AEB-Iran akordioaren gakoak
Estatu Batuen, Iranen eta bien arteko bitartekari Pakistanen ikuspuntuak, gerrari amaiera emateko atariko akordioaren edukiari buruz.
UFCren 60 milioiko borroka-gala, Etxe Zurian: honela ospatu du Trumpek bere 80. urtebetetzea
Ekitaldirako, estadio bat eraiki zuten Etxe Zuriko hegoaldeko lorategian, 4.000 bat laguneko edukierarekin. Arte martzialetako borroka-ikuskizunak 60 milioi dolarreko kostua izan du, eta Trumpen aurkariek kritikatu egin dute, Etxe Zuria helburu komertzialak dituen ekitaldi pribatu baterako erabiltzea leporatuta.
Lau urteko kartzela-zigorra ezarri diote Mette-Marit printzesaren semeari, bortxaketa eta tratu txarrak egotzita
39 delitu leporatzen zizkioten Marius Borg Høibyri, Mette-Maritek Haakon printze oinordekoarekin ezkondu aurretik izan zuen semeari.