Murrizketak uztailaren 19an kenduko dituela baieztatu du Johnsonek
Boris Johnson lehen ministro britainiarrak baieztatu du uztailaren 19an kenduko dituztela covid-19aren aurkako murrizketak Ingalaterran, aurreikusita zegoen moduan. Hala ere, herritarrei arduraz jokatzeko eskatu die eta musukoa erabiltzen jarraitzeko gomendioa egin du.
Horrenbestez, uztailaren 19tik aurrera klubak eta diskotekak berriro irekiko dituzte; ez da edukiera-mugarik egongo antzokietan, zinemetan edo bestelako establezimenduetan, ezta aire librean ere; musukoa erabiltzea ez da nahitaezkoa izango; pertsonen arteko segurtasun-tartea mantentzea ez da derrigorra izango; eta telelanean jarraitzeko aukera enpresa bakoitzaren esku egongo da.
Johnsonek agerraldia egin du arratsalde honetan, urtarrilean ezarri zuten hirugarren konfinamenduarekin indarrean jarritako neurri murriztaileak kenduko dituztela ofizialki iragartzeko. Edonola ere, herritarren bizimodua lehengoa izango dela adierazi du, "birusa oraindik ez baita desagertu".
Udan eta eskolak itxita daudela baliatuta, deseskalatzea orain gauzatzea erabaki ona dela esan du, txertaketa kanpainak kutsatzeen hedapena geldituko duela ziurtatuta.
Hala eta guztiz ere, arduraz jokatzeko deia egin die herritarrei eta toki itxietan -antzokietan edo garraioan, esaterako- musukoa erabiltzea gomendatu du eta ekitaldi handiak antolatzen dituzten enpresek txertaketa ziurtagiriak eskatu beharko lituzketela iritzi dio.
Nazioarteko bidaien kasuan, segurtasun kontrolak mantenduko dituztela esan du, eta ohartarazi du aldaera gogorrago bat zabalduz gero, neurri murriztaileak berriro ezarriko dituela.
Zure interesekoa izan daiteke
Takaichi lehen ministroak nagusitasunez irabazi du Japonian, eta immigrazioaren aurkakoek gora egin dute
Kontserbadoreen buruak bi hereneko gehiengoa lortu du eta bere politikak aurrera atera ahal izango ditu. Orain arte indar gutxi izan duten bi alderdik ezustekoa eman dute: Sanseito ultraeskuindarrak eta Team Miraik.
Albiste izango dira: Bad Bunny Super Bowl-en, greba Tubos Reunidosen eta lanuzteak Renfen
Gaurkoan Orain-en albiste izango direnen laburpena, bi hitzetan.
Bad Bunnyk batasun mezua zabaldu du Super Bowleko ikuskizunean, eta Trumpen kritikak jaso ditu
Artista puertorricarrak historia egin du Super Bowleko finaleko atsedenaldian egin ohi den ikuskizunean. Lady Gaga eta Ricky Martinekin batera, kontinentearen batasunaren aldeko aldarria egin du. Trump AEBko presidenteak adierazi du "herrialdeari zaplaztekoa eman" diola.
Seguro sozialistak irabazi du Portugalen, hauteskunde presidentzialen bigarren itzulian, botoen % 65,77 lortuta
Ventura ultraeskuindarrak, berriz, botoen % 34,13 lortuko lituzke, botoen % 98 zenbatuta. Herri batzuek hauteskundeak astebete atzeratzea erabaki dute, otsailaren 15era arte, herrialdeak azken bi asteetan jasan dituen denboraleen ondorioz.
Irango auzitegi batek zazpi urte eta erdiko kartzela-zigorra ezarri dio Mohammadi Bakearen Nobel saridunari
Starmerren aholkulari nagusiak dimisioa eman du Epsteinen artxiboen eskandaluagatik
Kabineteko buruak bere gain hartu du Mandelson enbaxadore kargurako izendatu izanaren errua. "Akats bat izan zen. Gure alderdiari, gure herrialdeari eta politikarekiko konfiantzari kalte egin die Mandelsonek", gaineratu du.
Takaichik irabazi ditu hauteskundeak Japonian, eta gehiengoa handitu du
Hauteslekuak itxi osteko lehen kalkuluek 274 eta 328 eserleku artean eman dizkiote lehen ministroaren Alderdi Liberal Demokratikoari, gehiengo absolutua aise gaindituta.
Hauteskunde aurreratuak Japonian, azken urteetako elurte handienaren erdian
Sanae Takaichi lehen ministroak bozak aurreratzea erabaki zuen, Parlamentuan dituen babesak handitzeko asmoz. Inkesten arabera, helburua lortuko du, baina ez dira ohiko hauteskundeak izango, elurraren eraginez ordutegia aldatu behar izan baitute hautesleku batzuetan.
Istiluak izan dira polizien eta manifestarien artean Milanen, Olinpiar Jokoen aurkako protesta jendetsu batean
Poliziak ur-kanoiak eta negar-gasa erabili ditu manifestarien aurka, protestari batzuek agenteei suziriak, bengalak eta bestelako objektuak jaurti ostean. Milaka lagun bildu dira protestetan, Neguko Olinpiar Jokoak hasi eta biharamunean.
Hautagai sozialista faborito dela egingo dute hauteskundeen bigarren itzulia Portugalen igande honetan
Inkesten arabera, Antonio Jose Seguro sozialistak botoen % 67 jasoko ditu, eta Andre Ventura ultraeskuindarrak, berriz, % 32. Ekaitzak Portugalen eragindako hondamendi betean egingo dute hauteskundeen bigarren itzulia.