Bruselak espedientea ireki die Hungaria eta Poloniari LGTBIQ kolektiboaren eskubideak urratzeagatik
Europako Batzordeak espediente bana ireki die Hungariari eta Poloniari LGTBIQ kolektiboko pertsonen oinarrizko eskubideak urratzeagatik.
Hungariako Gobernuak lege homofobo bat onartu du ikastetxeetan eta komunikabideetan homosexualitateaz aritzea debekatuz. Poloniako hainbat udalerri eta eskualdetan, berriz, "LGTB ideologiarik gabeko guneak" sortzeko ekimenak bultzatzen ari dira.
Prozedura bi herrialde horietako gobernuei gutuna igorrita abiatu du Bruselak. Adierazpen horretan espedientearen arrazoiak azaltzen ditu eta bi hilabeteko epea ematen zaie atzera egin dezaten.
Bereari eutsiz gero, Bruselak Europar Batasuneko Justizia Auzitegira eramango ditu Hungariaren eta Poloniaren aurkako auziak.
Bere garaian, Ursula von der Leyen Europako Batzordeko presidenteak gogor gaitzetsi zuen Viktor Orban lehen ministro hungariarraren gobernuak egindako legea, haurren kontrako sexu-abusuei aurre egiteko araudian, neurri homofoboak sartu zituelako.
"Europak ez du onartuko inor estigmatizatzea bere sexu joeragatik, adinagatik, jatorri etnikoagatik, ideologia politikoagatik nahiz erlijioagatik", adierazi zuen Von der Leyenek.
Zure interesekoa izan daiteke
Espainiak "ez dio uko egingo" euskara, katalana eta galegoa Europar Batasuneko hizkuntza ofizialak izateari
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.
NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.
Israelek lurreko operazioa hasi du Libanon Hezbollahren "funtsezko bastioien" aurka
Israel Katz Defentsa ministroak ohartarazi duenez, "Libano hegoaldean bizi diren ehunka mila bizilagun xiitek" eta Israelen abisuen ondotik eskualde hori utzi dutenek "ezingo dute Litani ibaiaz hegoaldeko euren etxeetara itzuli" mugatik gertu dauden Israelgo eskualdeetako "segurtasuna bermatu arte".
Israelen eta Iranen arteko erasoaldi betean, Trumpek uste du ez direla su-etenerako baldintzak betetzen
"Iranek akordio bat erdietsi nahi du, baina nik ez, ez direlako horretarako baldintzak betetzen", esan du agintari estatubatuarrak NBC telebista kateari emandako elkarrizketan.
Antonio Guterres NBEko idazkari nagusia Libanon izan da eta elkarrizketarako deia egin du
Guterresek ohartarazi du ez dagoela irtenbide militarrik Hizbulá talde xiitaren eta Israelen arteko egungo gatazkarako, eta bi aldeei elkarrizketara eta bide diplomatikoetara jotzeko eskatu die Beiruten eman duen prentsaurrekoan.
Jurgen Habermas filosofo alemana hil da, 96 urte zituela
Komunikazio Ekintzaren Teoriaren egileak lotura estua zuen Frankfurteko Eskolarekin. Hain zuzen ere, bertan egin zuen bere ibilbidea pentsalari eta gizarte-ikertzaile gisa.