Barnealdeetan maskara derrigorrezko izateari utzi dio Ingalaterran, kasuak gorantz doazen unean
Pandemiari aurre egiteko indarrean ziren azken neurriak kendu ditu Ingalaterrak astelehen honetan, eta horrenbestez, gaurtik aurrera maskara ez da derrigorrezkoa barrualdeetan. Dena dela, kutsatzeek goraka jarraitzen dute, eta egunero 50.000 bat zenbatzen dituzte.
Murrizketak altxatu badituzte ere, "zuhurtzia"ri eusteko eskatu die herritarrei Boris Johnson lehen ministro britainiarrak. Johnson konfinatuta dago Sajid Javid Osasun ministroak positibo eman eta gero.
Ingalaterran 48.161 positibo berri zenbatu dituzte azken 24 orduetan, eta beste 25 lagun hil dira covid-19ak jota.
Ingurumaria horretan, murrizketa oro kentzea ebatzi du Johnsonen gobernuak. Hilaren 19 honetatik ("Freedom Day" deitu diote, askatasunaren eguna), ez dago mugarik barrualdeetan eta ekitaldietan bil daitezkeen pertsona kopuruari dagokionez, eta diskotekek ateak zabaldu dituzte jada. Zenbait lekutan musukoa erabiltzea gomendatuko dute, baina ez da nahitaezkoa izango.
Zientzialariak aurka eduki ditu Gobernu britainiarrak, eta kutsatzeek gora egingo dutela ohartarazi dute. Diotenez, egungo 50.000 kasuetatik 200.000etara igoko dira uda amaitzerako.
Ingalaterrako adinez nagusi den biztanleriaren % 68 baino gehiago txertatuta daude. Aurreikuspenen arabera, erietxeen egoera ez da hainbeste kaskartuko eta koronabirusak eragindako heriotzak minimoetan kokatuko dira.
Gauerdian diskoteken atarian sortu diren ilaren argazkiak erakutsi dituzte gaur egunkari britainiarrek.
Neil Ferguson gobernu britainiarra aholkatzen duen talde zientifikoko kideak BBCri iragarri dionez, hiru aste beharko dituzte neurriak arintzeak ekarriko dituen ondorioak zeintzuk diren egiaztatzeko. "Egunero 2000 ospitaleratu izatera hel gaitezke, eta 200.000 kasu atzematera", ohartarazi du.
Albiste gehiago mundua
Hamasek Israeli ohartarazi dio erasoaldia hedatzeak bahituak "sakrifikatzea" esan nahi duela
Israelgo kabineteak Gazako Zerrendan bere erasoaldi militarra zabaltzea erabaki ostean iritsi da talde islamistaren komunikatua. Hamasek ohartarazi duenez, "zibilen aurkako krimen basatiagatik duen erantzukizun legala saihesteko ahalegin zakarra da".
Mugarik Gabeko Medikuek eskatu dute Gazako Fundazio Humanitarioaren banaketa-guneak desegiteko: "Tranpa hilgarriak dira"
Mugarik Gabeko Medikuen (MSF) txosten baten arabera, Gazarako Fundazio Humanitario estatubatuarraren elikagaiak banatzeko zentroak "hilketa orkestratuak eta deshumanizazioa" egiteko lekuak dira, eta hauek ixteko deia egin dute. Israelek Gazako laguntza-banaketa fundazioa honen esku utzi zuen, hainbat hilabetez erabat blokeatuta egon ondoren.
Gaza inbaditzeko planak "berehala gelditzeko" eskatu du NBEk
Nazio Batuen Erakundeko Giza Eskubideetarako goi mandatariak salatu duenez, Netanyahuren erabakia Nazioarteko Justizia Gortearen irizpenaren kontrakoa da.
Gutxienez zazpi pertsona atxilotu dituzte Israelen, Gazako inbasioaren aurkako protestetan
Israelgo agintariek gutxienez zazpi pertsona atxilotu dituzte ostegun honetan Gazako Zerrendan inbasio militarraren aurka egindako manifestazioetan, eta zalditeria eta ur-kanoiak erabili dituzte protesta jendetsuak sakabanatzeko. Jerusalemen, bizirik atera direnen eta bahituta daudenen senideak izan dira protestetan, eta akordio bat eskatu dute horiek askatzeko eta Israelek Palestinako enklabearen kontra egindako erasoaldia amaitzeko, besteak beste.
Gaza Hiria okupatzeko Netanyahuren plan militarra onartu du Israelgo Gobernuak
Gainera, inbasioa amaitzeko bost printzipio proposatu ditu: besteak beste, zerrenda desmilitarizatzea eta "administrazio zibil alternatibo" baten gobernua ezartzea.
Corbieres mendiguneko sute handia kontrolpean dute, baina ez dute itzali
Asteartean piztu zen, eta pertsona bat hil du: sugarrek setiatuta bere etxea uzteari uko egin zion emakume bat. Sutea 1949. urtetik Frantzian izan den larriena da.
Hamas: "Netanyahu gerra kriminalak nahi duena genozidio estrategiarekin aurrera jarraitzea da"
"Netanyahuk erasoa zabaltzeko dituen asmoek, zalantzarik gabe, gatibuak gainetik kendu eta sakrifikatu nahi dituela berresten dute, bere interes pertsonalak eta muturreko agenda ideologikoa asetzeko", ohartarazi du erakunde palestinarrak.
Netanyahuk esan du ez dutela Gaza anexionatuko, baina lurralde palestinarraren erabateko kontrola bereganatuko dutela
Israelgo lehen ministroaren esanetan, "segurtasunagatik" egiten dute, eta "geroago" gobernua "indar arabiarren" esku utziko luketela.
Frantziako hegoaldean piztutako suteak jadanik "ez du aurrera egiten", baina oraindik ez dago kontrolpean
Corbieres mendigunean asteartean piztutako sutea 1949. urtetik Frantziako Estatuan izan den handiena da, 16.000 hektarea baino gehiago kiskali baititu. Christian Pouget Aude departamenduko prefetak ohartarazi du oraindik ikusteke dagoela hektarea horietatik zenbat diren nekazal lursailak. "Uste dugu 900 hektarea inguru direla", esan du, lehen estimazio batean.
Arabiar Emirerri Batuek bi buruzagien arteko bilera hartzea proposatu dio Putinek Trumpi
Bestalde, Errusiako presidentea prest agertu da Zelenskirekin batzartzeko. "Askotan esan dut ez dudala ezer kontra", adierazi du Putinek, baina gaineratu du "baldintza batzuk" sortu behar direla bilera hori egiteko, eta, bere ustez, hori betetzetik "urrun" daude.