Talibanek bitarteko gobernu bat prestatu nahi dute etnia guztiekin
Talibanen mugimenduak ostiral honetan adierazi duenez, Afganistango etnia eta tribu guztietako buruzagiak bilduko dituen bitarteko gobernu bat prestatzen ari da, Qatarreko Al-Yazira hedabideak zabaldu duenez. Duela ia bi aste talibanek Kabul kontrolpean hartu zutenetik jomugan dagoen gaia bilakatu da hori, herrialdearen etorkizuna jokoan baitago.
Hala, talibanek azaldu dutenez, bitarteko gobernu "inklusiboak" 'amir al-muminin' delako bat izango du (musulmanen artean autoritate erlijioso gorena), "Afganistango Emirerri islamikoa zuzentzeko". Ildo horretatik, "etorkizuneko Gobernuaren nondik norakoak erabakitzeko eta ministroak izendatzeko lidergo kontseilu gorena" deitu dute jada.
Qatarreko hedabidearen arabera, funtsezko ministerioek Botere Judiziala, Barne-segurtasuna, Defentsa, Kanpo-gaiak, Finantzak, Informazioa eta Kabulgo gaietarako esleipen berezi bat aurreikusten dituzte. Bitarteko gobernu horretan, "herrialdeko etnia eta jatorri tribal guztietako buruzagiak" egongo dira ordezkatuta.
Horrela, talibanen mugimenduak "aurpegi berriak eraman nahi ditu Afganistango Gobernura, buruzagi tribal tayikoen eta uzbekoen seme-alabak barne".
Dena dela, oraindik ez dute argitu behin-behineko gobernuak zenbat denbora iraungo duen, eta Al-Yazirak aipatutako iturriek ez dute zehaztu nor izango den agintari nagusia. Ildo horretatik, Baradar mularrak aukera ugari ditu kargu hori betetzeko, gaur egun Kabulen dagoen talibanen sortzaileetako bat baita.
Abuztuaren 25ean, Zabihulla Mujahid talibanen bozeramaile nagusiak Afganistango hiriburuan duen bulegotik adierazi zuen bitarteko gobernua osatzea espero dutela nazioarteko tropak herrialdetik erretiratzen amaitu baino lehen, abuztuaren 31n.
Hori dela eta, Afganistango aniztasun etnikoa herrialdeko politikaren eta gatazkaren erdigunean egon da azkenaldian. Gaur egun, 40.000.000 biztanle ditu.
Afganistango behin-behineko gobernuaren osaketari buruzko xehetasunak Al Yazirak eman ditu, herrialdea Estatu Islamikoko talde jihadista afganiarrak Kabulgo aireportuaren kanpoaldean burututako atentatu bikoitzetik berreskuratzen ari denean.
Pentagonoak atzo baieztatu zuenez, 13 soldadu estatubatuar hil ziren atentatu bikoitzean.
Zure interesekoa izan daiteke
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.
X sare sozialak Frantzian dituen lokalak miatu dituzte eta Elon Musk deitu dute galdeketa egiteko
Frantziako Fiskaltza X sare soziala (lehen, Twitter) ikertzen ari da, bere bulegoetan egindako miaketa baten ondoren, eta enpresaren jabea deklaratzera deitu du, duela urtebete irekitako ikerketaren ondorioz.
Ilargirako misio tripulatua martxora arte atzeratu da, gaurko probetan erregai-ihesa izan eta bertan behera utzi behar izan dutelako
"Misio historiko honi ekiteko prest gaudela uste dugunean egingo dugu jaurtiketa", esan du Jared Isaacman NASAren buruak, eta gaineratu du taldeak datuak "sakon" berrikusiko dituela, "atzemandako arazo guzti-guztiak konponduko" dituela, beharrezko konponketak egingo dituela eta berriz egingo dituela saiakerak.
Mikel Reparazek egungo egoera geopolitikoari buruz egindako dokumentala proiektatuko dute gaur Bilbon
EITBren nazioarteko arduradunak lehia geopolitikoaren eremu liskartsuenetan grabatutako bideoak ikusentzunezko lan batean bildu dituzte. Dokumentala BBK Aretoan izango da ikusgai, eta ondoren, solasaldia antolatu dute.
Mila eraikin baino gehiago berkuntzarik gabe geratu dira Kieven, Errusiak egindako bonbardaketa baten ondorioz, -20 gradurainoko tenperaturak direnean
Darnitsia eta Dniprovski auzoetako etxeak dira. Energia-instalazioen aurka Errusiak egindako lehen erasoa da, joan den ostegunean energiaren aurkako bonbardaketetan aldi baterako su-etena ezarri zuenetik.
Petro eta Trump Etxe Zurian bilduko dira gaur, tentsioa baretzeko ahaleginean
Kolonbiako presidenteak kafez eta txokolatez betetako saskia eramango du AEBko presidentearekin egingo duen bilerara. Trumpek bilera "ona" izatea espero du, AEBk Maduro preso hartu zuenetik agintari kolonbiarra "oso atsegin" jokatzen ari dela esanda.
Libano hegoaldean "substantzia kimiko ezezagun bat" botatzea leporatu dio UNFILek Israeli
Nazio Batuen Libanoko Bitarteko Indarrak adierazi du kezkatuta dagoela kimiko horiek osasunerako kaltegarriak izan daitezkeelako, baita nekazaritza-lurretan eta zibilak beren etxeetara itzultzeko izan dezaketen eraginagatik ere.
AEBk irlaren kontrola bereganatzeko helburua izaten jarraitzen duela ohartarazi du Groenlandiako lehen ministroak
AEBko presidenteak diskurtsoa leundu eta indarra erabiltzeko mehatxuetan atzera egin duen arren, Groenlandiak uste du presioak bere horretan jarraitzen duela.
Ehunka hildako Kongoko meategi batean izandako luizi batean
Luizia joan den ostegunean gertatu zen, M23 matxino-taldearen kontrolpean dagoen meategi batean. Hildako gehienak artisau-meatzariak dira, baina meategiaren inguruan lan egiten zuten merkatari txikiak eta inguruko herrixketako bizilagunak ere hil dira.