Sozialisten, berdeen eta liberaren arteko koalizioak ditu aukera gehien Alemanian, SPDk irabazi eta gero
Alemaniako Gobernu Federala lehen aldiz hirukoa izango da, SPDko sozialdemokratek irabazi baitute. Olaf Scholz kantzilergaia ondorengo gobernuan aldaketa politiko bat bultzatzearen alde agertu da. Beraz, alde batera utzi du bi alderdi nagusiek orain arte osatu duten gobernu koalizio handia.
Angela Merkelen ondorengo agintaldirako aukera gehien dituen koalizioak SPDk, Berdeek eta FDPko liberalek osatutakoa da, Bundestag edo Parlamentu Federalean gehiengo nagusia osatzen baitute.
SPD, Berdeak eta Die Linke (Ezkerra, alemanez) batuko lituzkeen ezkerreko aukera ere baztertuta geratu da, komunista ohiek emaitza txarra lortu dutenez horien ekarpenak ez liekeelako gehiengo nagusirik emango.
Armin Laschet Merkelen CDU-CSUko kristaudemokraten hautagaiak porrot historikoa jasan du, baina ez du etsitzeko asmorik, eta gobernu koalizioa eratzeko erronkari aurre egingo diola esan du, nahiz eta bigarren postuan geratu den. Koalizio horretan, Berdeak eta FDPko liberalak ere sartuko lirateke; izan ere, CDU-CSUk eta FDPk koalizioan gobernatzen dute Ipar Renania-Westfalia estatu federatuan.
Liberalek beren emaitzak hobetzea lortu dute. Christian Lindner buruzagiak ondorengo gobernuan Finantza Ministerioa eskuratzea du helburu. SPDrekin eta Berdeekin koalizioa baztertu gabe, buruzagi liberalak adierazi du nahiago lukeela CDU-CSUrekin koalizioa adostea, baina koalizio horrek ere Berdeen parte-hartzea beharko luke, Berdeak hirugarren indarra baitira Alemanian.
Koalizio gobernua eratzeko negoziazioak, beraz, zailak izango dira, eta Berdeek eta FDPko liberalek indar erabakigarria izango dute balantza zentro-ezkerrera edo zentro-eskuinera eramateko. Hala ere, ez kasu batean, ez bestean, Alemaniako politikan ez da aldaketa handirik espero.
Bundestag: 735 eserleku (368 gehiengoa).
SPD: 206
CDU-CSU: 196
Berdeak: 118
FDP: 92
AfD: 83
LINKE: 39
Beste batzuk: 1
Zure interesekoa izan daiteke
NBEko Segurtasun Kontseiluak Trumpen Gazako "bake plana" onartu du, nazioarteko indar baten hedapena barne
Hamasek errefusatu egin du ebazpenean aurreikusitako nazioarteko indarra, ohartarazi du nazioarteko misioa ez dela neutrala, palestinarren subiranotasuna urratzen duela eta erresistentzia "eskubide legitimoa" dela. Guterresek dio Gazari buruzko ebazpenak su-etena finkatu behar duela eta zehaztasuna eskatu du.
Zelenskik Espainian egingo du geldialdia, bere gobernua astintzen ari den ustelkeria auziaren erdian
Ukrainako presidentea laguntza militarra eskatzen ari zaie Europako bazkideei, Errusia guda zelaian aurrera egiten ari den honetan. Errusiako Armadak egun gutxi batzuetan hainbat herri hartu ditu Zaporizhiako frontean, Ukraina hego-ekialdean.
Trumpek jarrera aldatu du eta Epsteinen artxiboak sekretupetik ateratzearen alde bozkatzeko eskatu die errepublikanoei
"Ez dugu ezer ezkutatzeko", adierazi du AEBko presidenteak sare sozialetan. Ordezkarien Ganberan astearte honetan egingo da bozketa, baina agiriak publiko aurretik Senatuak onartu eta Trumpek sinatu behar du.
Jara ezkertiarra eta Kast ultraeskuindarra lehiatuko dira bigarren itzulian, Txileko presidente izateko
Hautagai ofizialistak botoen % 26,7 eskuratu ditu lehen itzulian, bigarren gelditu den hautagai ultraeskuindarraren aurretik (% 24,1). Hala ere, abenduaren 14ko bigarren itzuliari begira ezkerrak aukera oso gutxi ditu presidentetza eskuratzeko, izan ere, oso litekeena da eskuineko blokeak eskuin muturreko hautagaia babestea.
Hasi da boto zenbaketa Txileko hauteskunde presidentzialetan
Jeannette Jara egungo presidentearen ministro ohia izango litzateke irabazlea inkesten arabera, baina bigarren itzulira Kast edo Kaiser ultrekin joan beharko luke, eta zaila izango luke gobernatzea eskuindarrek bat eginez gero.
Netanyahuk berretsi du "inolaz ere" ez duela onartuko estatu palestinarra sortzea
Ostiralean, AEBk Nazio Batuen Erakundean duen misioak komunikatu bat igorri zuen, Segurtasun Kontseiluaren ebazpen proiektu bat babestuz. Astelehenean bozkatuko dute, eta Palestinan estatu bat sortzeko balizko bide bat aipatzen du horrek.
Maduro eta chavistak kalera atera dira AEBren aurrean indar erakustaldia egiteko
Lau milioi pertsona baino gehiago atera dira kalera, eta presidenteak aberria defendatzeko konpromisoa hartzeko eskatu die herritarrei.
Trumpek muga-zergak kendu dizkie hainbat nekazaritza-produkturi; kafeari, bananari eta haragiari, besteak beste
Erabakiak Trumpen ohiko jarreraren aldaketa dakar; izan ere, muga-zergen beharra defendatu du bere agintaldiaren hasieratik.
Industrialde batean izandako leherketa handi batek hainbat zauritu utzi ditu Buenos Aires probintzian
Leherketa Ezeizako industriagune batean gertatu da, eta gutxienez 15 pertsona zauritu dira, tokiko hedabideen arabera.
Trumpek esan du dagoeneko erabaki duela Venezuelan zer pauso emango duen, baina ez du argitu zer egingo duen
"Drogen sarrera gelditzeko aurrerapen asko" egin dituztela azpimarratu du AEBko presidenteak, eta bere herrialdea ez dela "Hego Amerikako Gaza" izango erantzun dio Madurok.