Putin: "Gerra nahi ote dugun? Ez, noski"
Vladimir Putin Errusiako presidenteak Europan gerrarik ez duela nahi adierazi du. "Gerra nahi ote dugun? Ez, noski", esan du Kremlineko buruzagiak.
"Europan NATOren blokeak Jugoslaviaren aurka abiatutako gerraren lekuko izan gara. Operazio militar erraldoi bat, Belgrad Europako hiriburu baten kontrako bonbardaketekin", gogorarazi du Putinek.
Ekintza belikoak NBEko Segurtasun Kontseiluaren baimenik gabe aurrera eraman zituzten, eta hori "oso adibide txarra izan zen", erantsi du Errusiako agintariak.
Scholz ez da Errusiako buruzagiarekin ados agertu, Jugoslavian genozidio mehatxu bat zegoela argudiatu du Alemaniako agintariak, baina Putinek Ukrainako ekialdean orain gertatzen ari dena genozidio bat dela erantzun dio.
AEBri eta NATOri planteatutako segurtasun eskaerei dagokionez, Errusiak erantzun konstruktiborik jaso ez duela esan du Putinek, baina elkarrizketari eustea espero du.
Ukrainako mugetatik tropak erretiratzen jarraitzeko aukeraz, Kremlineko buruzagiak egoeraren menpe egongo dela ohartarazi du.
"Nola jokatuko du Errusiak? Egitasmoaren arabera. Haren osagaiak zeintzuk dira? Benetako egoera lekuan bertan", adierazi du. "Egoeraren bilakaera zein izango den nork esan dezake? Inork, oraingoz. Ez dago soilik gure esku", erantsi du.
Olaf Scholz Alemaniako kantzilerrak gaur adierazi duenez, Errusiako militarrek Ukrainako mugetan atzera egitea "seinale ona da, baina pauso gehiago behar dira" eskualdean tentsioa jaisteko.
"Orain zenbait soldadu erretiratu behar dituztela entzutea, seinale ona da. Gehiago espero ditugu", esan du Scholzek prentsaurreko bateratuan, Vladimir Putin Errusiako presidentearekin hiru ordu baino gehiagoko bilera egin ondoren.
"Bide diplomatikoa agortzetik urrun dago", adierazi du Scholzek. "Irtenbide bat aurkitzea posible izan beharko litzateke. Egoera oso zaila eta larria izateak ez du axola, konponbiderik ez duela esatea baztertzen dut", erantsi duenez.
"Baliteke Europa aspaldiko krisi zailenaren aurrean izatea", azpimarratu du Scholzek.
Alemaniako buruzagiak azaldu duenez, Serguei Lavrov eta Sergeui Shoigu Atzerri eta Defentsa ministroekin astelehenean izandako bileraren berri eman dio Putinek. Segurtasun bermeen inguruan AEBekin eta NATOrekin akordio batera heltzeko aukerak daudela esan zion Lavrovek Putini.
Alemaniako kantzilerrak elkarrizketa hori "irtenbiderik gabeko kale itsuan ez bukatzea" eskatu dio, "guztientzako hondamendi bat litzatekeelako".
Ia aldi berean, Dumak (Errusiako Parlamentua) Donetsk eta Lugansk bi herri errepubliken independentzia aitortzeko eskatu dio Putini.
Alderdi komunistak aurkeztu du ekimena. Ganberako 351 diputatuk aldeko botoa eman dute. Guztira, 450 ordezkari daude Duman.
Scholzen ahotan, Dumak onartutako ebazpenari Errusiako presidentea jaramon egingo balio, Minskeko Akordioak "mespretxatzea" litzateke. "Orduan prozesua agorturik legoke, eta hondamendi politikoa litzateke",
Bozketa baino lehenago, Dmitri Peskov Kremlineko bozeramaileak esan duenez, "Donbassen gertatzen den guztiaren aurrean Errusiako iritzi publikoak bero erantzuten duela inorentzat ez da sekretua dagoeneko". Eskualdean Errusiaren aldeko separatistak Moskuren babesarekin eta Ukrainako Armada borrokan ari dira 2014tik.
Errusiak bi eskualde horietako herritarrei 700.000 pasaporte baino gehiago eman dizkio.
Zure interesekoa izan daiteke
Venezuelako petrolio gordina Kubako sektore pribatuari saltzeko aukera emango dute AEBk
Transakzioak baimentzeko, lehengai horren salmentari eta merkataritzari ezarritako murrizketa batzuk bete beharko dira; esaterako, salmenten diru-sarrerak Washingtonek kontrolatutako kontu batean uztea.
Trumpek muga-zergak defendatu ditu eta migratzaileen eta demokraten aurka egin du, bi orduko hitzaldian
AEBko presidenteak historiako hitzaldirik luzeena egin, du eta duela urtebete Etxe Zurira itzuli zenetik herrialdea "handiagoa, hobea eta indartsuagoa" dela aldarrikatu du.
Frantziako Tourreko datak eta ordutegiak aldatzekotan daude, beroak eragin ditzakeen arriskuak saihesteko
Tenperaturak gero eta altuagoak direla eta gero eta bero-bolada gehiago daudela eta, zalantzan jarri dute udan kirol-ekitaldi handiak egitea, besteak beste, Frantziako Tourra. Ordutegiak edo datak aldatzea eztabaidatzen ari dira.
Europak babesa erakutsi dio Ukrainari, gerraren laugarren urteurrenean
Europak buruzagi nagusiek, horien artean, Ursula von der Leyen eta Antonio Costa Europako Batzordaren eta Europako Kontseiluaren presidenteak, hurrenez hurren, Volodimir Zelenskiri erabateko babesa agertu diote gaur goizean, Kieven. Errusiak Ukrainan inbasioa hasi zuenetik lau urte bete direnean, Santa Sofiako katedralean egindako zeremonian parte hartu dute, eta gerran hildakoak gogoratu dituzte.
Laurence des Cars Louvre Museoaren presidenteak dimisioa eman du
Emmanuel Macron Frantziako presidenteak dimisioa onartu du. Des Cars polemika baten erdian zegoen, 2025ean Frantziako hiriburuko pinakotekan izandako bitxi lapurreta handiaren ostean.
Lau urte, Ukrainako gerra hasi zenetik
Ukrainako presidenteak Europaren eta Estatu Batuen arteko batasunari eusteko deia egin du Errusiari aurre egin ahal izateko. Kremlinak, bere aldetik, adierazi du inbasioarekin jarraitzeko asmoa duela, helburu guztiak lortu arte. Errusiak inbasioari ekin zioneko urteurrena dela eta, Europako goi agintariak Ukrainara gerturatu dira babesa adierazteko eta hainbat euskal eragilek ekitaldiak antolatu dituzte, Bilbon eta Iruñean, bakea eskatzeko.
Indarrean sartu da AEBren % 10eko muga-zerga globala
Pasa den ostiralean onartu zen muga-zerga, 1974ko Komertzio Legearen 122 atalaren babespean, zeinak eskumena ematen baitio presidenteari nazioarteko ordainketa arazoei aurre egiteko, errekagu edo inportazio-murrizketa berezien bitartez. AEBko Auzitegi Gorenak baliogabetutako muga-zergen aldean, zerga global hori behin-behinekoa da, eta otsailaren 24tik, gehienez ere, 150 egunez aplikatu ahalko dira.
EBk ez du Errusiaren aurkako zigor gehiagorik onartu, ezta Ukrainari laguntza ematea ere, gerraren laugarren urteurrenaren bezperan
Hungariak betoa jarri die bi akordioei, eta baldintza gisa jarri du Ukrainak bere herrialdeari eta Eslovakiari Errusiako petrolioaren fluxua berrezartzea. Eslovakia ere zigor sorta berriaren aurka agertu da. Bien bitartean, Errusiak bere soldaduak omendu ditu Aberriaren Defendatzaileen egunean.
Indarkeria oldea zabaldu da Mexikon, "El Mencho" Jaliscoko kartel baten burua erail ostean
Nemesio Ruben Oseguera Cervantes "El Mencho" Jaliscoko Nueva Generacion kartelaren burua hil dute AEBko Inteligentziarekin elkarlanean egindako operazio militar batean. Horri erantzunez, narkoblokeoak izan dira Jalisco hegoaldeko hainbat puntutan, ibilgailuei su eman eta errepideak itxi baitituzte. Estatuko gobernuak "kode gorria" aktibatu du eta garraio publikoa eta aurrez aurreko eskolak bertan behera utzi ditu.
"El Mencho" narkotrafikatzaile eta Jalisco Nueva Generacion kartelaren burua hil dute
Jaliscon (mendebaldea) eta herrialdeko beste bost estatutan herritarrak kalera ez ateratzeko alerta zabaldu dute agintariek, hilketa horrek eragindako istiluak direla eta.