Ukrainako gerra, gainbegirada batean: Une honetan jakin behar duzun guztia, laburbilduta
Errusiak inbasio militarra abiatu du Ukrainan ostegun honetan, otsailak 24. Egun historikoa da dagoeneko, horrenbestez; segur aski, hurrengo hamarkadak baldintzatuko dituena.
Hauek dira gerrako lehen eguneko gakoak:
ERRUSIAKO MUGIMENDU MILITARRAK
- Jarraitu hemen Ukrainako gerra zuzenean: Errusiako tropen hedapena, erreakzioak, ondorioak...
- Errusiako tropak Ukrainako hiri nagusietarako bidean daude, eta Txernobylgo zentral nuklearra hartu dute. Kievetik oso gertu daude; izan ere, 35 kilometrora dagoen Hostomelgo aerodromoa ere mendean hartu dute.
- Mikel Reparaz EITB Mediako Nazioarte Saileko buruak inbasio militarraren hasiera laburbildu du bideo honetan:
NOLA BIZITZEN ARI DIRA GERRA UKRAINAN
- Ukrainako Osasun Ministerioaren arabera, gutxienez 136 pertsona hil dira eta 316 zauritu erasoaren lehen egunean.
- Horrez gain, 100.000 ukrainar etxetik ihesi joan dira, leku seguru baten bila.
- Ane Irazabal EITB Mediako korrespontsala Kieven da, eta bertan egoera nola bizitzen ari diren kontatu digu:
ERREAKZIO DIPLOMATIKOAK
- Ameriketako Estatu Batuek baieztatu dute Errusiako banku handien eta Kremlinaren inguruko oligarken kontrako neurriak hartuko dituela. Europar Batasunak ere hainbat neurri hartuko ditu ekonomia errusiarra hondoratzeko asmoz.
- Espainian, Pedro Sanchez Gobernuko presidenteak Errusiaren ekintza militar "onartezinak" gaitzetsi ditu. Ukrainan nazioarteko legedia urratzea leporatu dio Sanchezek Vladimir Putinen Exekutiboari. Aldi berean, gatazkak Espainian eta Europar Batasun osoan ondorio ekonomikoak izango dituela onartu du, batez ere arlo energetikoan.
ONDORIO EKONOMIKOAK
Gerra batean, biktima zuzenak dira kezka nagusiak, duda barik, baina Errusiaren inbasioa mehatxu ekonomikoa ere bada nazioartean, eta sektore energetikoa hankaz gora jar lezake.
Gaur, gas naturala % 60 garestitu da, Brent petrolio upelaren prezioa ere % 7,11 igo da, eta mundu osoko burtsetan galerak izan dira. Hemen duzu egoera ekonomikoari egindako argazki bat.
UKRAINAKO GERRA, EUSKAL HERRITIK BEGIRATUTA
Euskal Herrian ere, kezka handia dago gerraren aurrean. Eider Garaikoetxea eitb.eus-eko kazetariak zortzi urtez Txernobylgo haur bat hartu duen soraluzetar batekin hitz egin du. "Alaba ukrainarrak bere umeen jaiotza-agiriak bidali dizkit, badaezpada", adierazi dio Mertxe Galarragak. Irakurri hemen elkarrizketa osoa.
Ekonomia kontuan hartuta, zaila da aurreikustea zer-nolako eragina izango duen, baina euskal enpresetan dagoeneko hasi dira ondorioak nabaritzen.
Maila instituzionalean, Iñigo Urkullu lehendakariak esan du Europar Batasuna erantzun "bateratua eta irmoa" adosteko gai izatea espero duela.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.