Milaka europar atera dira kalera larunbat honetan, Ukrainako gerra etetea eskatzeko
Milaka pertsona atera dira larunbat honetan Europako hiriburu ugaritan, Errusiari eskatzeko Ukrainaren inbasioa eten dezala, Putinek agindutako operazioaren aurka agertu diren errusiarren ekimenari jarraiki.
Helsinki, Frankfurt edo Brusela bezalako hiriak bakearen aldeko keinu horien agertoki bilakatu dira. Errusiar aktibistek, bestalde, sinadurak bildu dituzte internet bidez, euren herrialdean elkarretaratzeak egiteko debekuaren aurka. Unera arte, 3.000 pertsona inguru atxilotu dituzte Errusiako protestetan.
Europako manifestazioak Bulgarian hasi dira. Bertan, ukrainar bandera zeramaten 200 pertsona inguru bildu dira Sofia hiriburuko erdigunean dagoen bulego presidentzialaren parean, inbasioaren aurka egiteko. Antzeko ekitaldiak izan dira Varna eta Burgas Itsaso Beltzeko hirietan.
Alemanian, milaka pertsonak egin dute protesta Frankfurten. Bandera urdin eta horiak eraman dituzte askok, Ekialdeko Europako herrialdeari elkartasuna adierazteko.
Manifestazio azpimarragarrienetako bat izan da Finlandiako hiriburukoa. Helsinkin, 10.000 pertsona inguruk eskatu diote Errusiari operazioa eteteko.
Gainera, Belgikan, 3.000 pertsona inguru elkartu dira Errusiako Federazioak Europar Batasunaren (EB) aurrean Bruselan duen egoitzan, Ukrainari babesa erakusteko.
Halaber, protesta jendetsuak izan dira Munich, Stuttgart, Leipzig eta Dusseldorf hirietan. Igande honetan, berriz, Berlinen azaldu ahal izango dute alemaniarrek gatazkarekiko desadostasuna.
Manifestazioak Hego Euskal Herrian
Iruñean ere, ehundaka lagunek egin diote uko Errusiaren inbasio militarrari. Era berean, elkartasuna eskatu dute herrialdearekin eta bertakoekin, eta Gaztelu Plaza bete dute, errusiar presidentearen aurkako oihu artean.
Nafarroan dauden ukrainarren eta bertan senideak dituzten familien elkarteek deitu dute ekitaldia. Tartean daude udan eta gabonetan Txernobil inguruko haurrak harreran hartzen dituzten familiak. Polizia Nazionalaren arabera, 600 pertsona inguru bertaratu dira deialdira.
Bestalde, EAEko hiriburuetan ere, Ukrainari babesa erakusteko manifestazioak egingo dituzte igande honetan.
Zure interesekoa izan daiteke
Iranen bake-plan proposamenaren hamar gakoak
Iranek arma nuklearrak ez fabrikatzeko konpromisoa hartu du, eta bere kontrako zigor guztiak kentzea eta jasandako kalteak konpentsatzeko funts bat sortzea eskatu du. Horiek dira, besteak beste, Teheranek AEBrekin gerra amaitzea negoziatzeko aurkeztu duen planaren puntuak.
AEBk eta Iranek bi asteko su-etena adostu dute, Ormuz ireki egingo dutela bermatuta
Pakistanen bitartekaritzak su-eten akordioa lortzea ahalbidetu du. Ituna berehala sartuko da indarrean, eta Islamabadeko bake negoziazioei ateak irekiko dizkie.
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira, eta giza-kateak osatu dituzte zentral elektriko eta zubietan. Irango banderak, erresistentziarako aldarriak eta liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.