Errusiaren eta Ukrainaren arteko bigarren negoziazio bilera Bielorrusian egiten ari dira
Errusia eta Ukraina Belovezhskaya Pushchan, Bielorrusiako Brest eskualdean, negoziatzen ari dira, Poloniako mugatik gertu, BELTA Bielorrusiako albiste agentziak jakitera eman duenez.
Agentzia publikoak irudia zabaldu du, bi ordezkaritzak bostekoa ematen eta atzean Errusia, Ukraina eta Bielorrusiako banderak dituztela.
Myjalio Podoliakek, Volodimir Zelenski Ukrainako presidentearen bulegoko aholkulariak, azaldu duenez, ordezkaritza Errusiako ordezkariekin negoziatzen hasi da. "Errusiako ordezkariekin hitz egiten hasi gara. Agendan gai garrantzitsuak: 1. Berehalako su-etena; 2. Tregoa; 3. Suntsitutako edo etengabe bonbardatutako herri eta hirietatik zibilak ebakuatzeko korridore humanitarioak", idatzi du Podoliakek Twitter sare sozialean.
Errusiako aldeak aurreikusitakoa baino hiru ordu beranduago hasi dira negoziazioak.
Moskuk Ukrainaren "desmilitarizazioa eta desnazifikazioa" eskatzen ditu, baita Krimeako penintsularen subiranotasuna, 2014an anexionatu ostean, zein ekialdeko herri errepubliken independentzia aitortzea ere. Era berean, NATOrekiko Ukrainaren estatus neutrala aldarrikatzen du Errusiak.
Bigarren bilera atzo izan behar zen, baina Ukrainako ordezkaritza ezin izan zen iritsi.
Sergei Lavrov Errusiako Atzerri ministroak nabarmendu du ez duela "zalantzarik" gatazkari amaiera emateko "konponbidea" aurkituko dutela. "Noski, aurkituko dugu irtenbide bat, ez dut zalantzarik. Baldintzak, gutxienekoak guretzat, oso ezagunak dira. Eztabaidatuko dira, baita ukrainarrekin negoziazioetan ere. Gomelen pasatu zen eta gaur pasako da", adierazi du.
Aurreneko batzarra astelehenean egin zuten, aparteko emaitzarik lortu gabe, baina datozen egunetan berriz bildu behar zirela iragarri zuten aldeek.
Bestalde, gerra amaitzearen alde lan egiteko Pekinen borondatea agertu zion atzo Wang Yi Txinako Atzerri ministroak Dmytro Kuleba Ukrainako homologoari.
"Ukrainako subiranotasunaren eta lurralde osotasunaren alde Txinaren babes apurtezina", berretsi zuen Wangek, Ukrainako Atzerri Ministerioaren esanetan, eta bi ministroek gatazkaren ondorioen inguruan hitz egin zutela erantsi zuen.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.