Errusiak haur ospitale bat bonbardatu du Mariupolen
Mariupoleko haur ospitale baten kontrako aireko eraso bat salatu du gaur Volodimir Zelenski Ukrainako presidenteak. Horregatik, Ukrainan debekupeko aire-eremu bat ezartzea eskatu du berriro.
"Errusiako tropen eraso zuzena ospitaleko ama berrien atalaren aurka. Pertsonak, haurrak hondakinen azpian daude. Ankerkeria! Zenbat denbora gehiagoz izango da mundua terrorearen konplize? Itxi aire-eremua berehala", idatzi du Zelenskik Twitter sare sozialean.
"Hilketak gelditu. Boterea dute, baina errukirik ez dutela ematen du", erantsi du Ukrainako presidenteak.
Bestalde, Paylo Kyrylenko eskualdeko administrazio militarraren buruzagiak bideo bat argitaratu du Facebook sare sozialean, erasoak utzitako kalteak erakusteko.
"Hiriaren erdialdean, ospitalea, ama berrien atala, Errusiaren aire eraso batek guztia suntsitu du Mariupolen. Oraintxe bertan. Pilotu errusiarrak, litekeena da gizon deitzeko zalantzarik ez izatea, berriro botoia sakatu du, bonbak non lehertu behar zuen jakinik", idatzi du Facebooken.
"Estatuen eta herrien arteko harremanen muga zeharkatzea" leporatu die Errusiako indarrei, "gizatasunaren muga gainditu dute". "Gizaki deitzeari utzi!", gaineratu du.
Dimitro Kuleba Ukrainako Atzerri ministroak nazioarteari esku hartzeko eskatu dio hiriaren setioaren aurrean. Errusiako tropek 400.000 pertsona inguru bahiturik dituztela salatu du.
"Zibilen eta haurtxoen aurkako gerra anker hau gelditzea" eskatu dio Mendebaldeari. Kulebaren hitzetan, Errusiak "laguntza humanitarioa eta zibilen ebakuazioa blokeatzen du", eta "bonbardaketa gupidagabeek jarraitzen dute". "Ia 3.000 umetxok elikagaiak eta botikak behar dituzte. Munduari ekiteko eskatzen diot", erantsi du.
Hiriko agintariek azaldu dutenez, hiru edo bost egunerako janaria dute.
Zure interesekoa izan daiteke
Hautagai sozialista eta ultraeskuindarra igaro dira Portugalgo hauteskunde presidentzialen bigarren itzulira
Antonio Jose Seguro ministro ohi eta sozialisten buruzagi ohiak botoen % 30,53 lortu ditu eta Andre Ventura buruzagi ultraeskuindarrak % 24,59. Portugalgo presidentetzarako hauteskundeen bigarren bozketa otsailaren 8an izango da.
Muga-zergekin zigortutako Europako zortzi herrialdeak: "Groenlandiara tropak bidaltzea ez da inorentzat mehatxu"
Danimarkako, Finlandiako, Frantziako, Alemaniako, Herbehereetako, Norvegiako, Suediako eta Erresuma Batuko gobernuek ohar bateratu batean diotenez, Groenlandiara tropak bidaltzea "Artikoan segurtasuna indartzea du asmo". Ingurumari horretan, EBko enbaxadoreek bilera egin dute, muga-zergei eman beharreko erantzuna adosteko.
AEBn bizi diren etorkinak kezkatuta, deportatzeko asmoa betetzen ari delako Trump
Maria mexikarra da, 38 urte ditu, eta deportatua ez izateko baimen berezi bati esker dago AEBn. Kezkatuta dago, ordea, immigranteak deportatzeko asmoa betetzen ari delako Trump, milaka agente kontratatuta. Beldurra baliatzen dute askotan: aurpegia estalita eramaten dute, armak eskuan eta oso modu bortitzak erabiltzen dituzte.
Patxi Alberdi, medikua Groenlandian: "Danimarkarrak burbuila batean bizi izan dira, eta sorpresaz hartu dituzte Trumpen asmoak"
Patxi Alberdi Danimarkan bizi den mediku eibartarra da. Psikiatra izan da Groenlandiako ospitale bakarrean, eta oso ondo ezagutzen ditu bi gizarte horiek. Ane Irabazal ETBko korrespontsalak elkarrizketatuta, Trumpen estrategia espantsionista danimarkarrentzat shock bat izan dela kontatu dio, eta herritar asko etsai gisa ikusten hasi direla orain hamarkada luzez aliatu nagusi izan den AEB.
AEBko Alderdi Demokrata Groenlandiako aliatuen aurkako muga-zergak galarazten saiatuko da Senatuan
Chuck Schumer Goi Ganberako buruzagi demokratak "ergelkeriatzat" jo du Trumpen mehatxua.
Europako herrialdeak igande honetan bilduko dira, Trumpen "mehatxuak" eta "xantaia" gaitzetsi ondoren
Trumpen neurriei erantzun bateratua emateko asmoa dute kaltetutako herrialdeek. AEBko presidentearen "mehatxu onartezinak" kritikatu dituzte, eta Frantziako agintaria Europako gainerako buruzagiekin bilduko da, "irmotasuna" erakusteko asmoz.
Jameneik esan du "milaka pertsona" hil direla protestetan, eta Trumpi egotzi dio horren ardura
Irango buruzagi gorenak nabarmendu duenez, "gertaera oso ankerrak jazo dira, hala nola gazteak meskitetan giltzapetzea eta bizirik erretzea, edo neskato, gizon eta emakume babesgabeak hiltzea, atzerritik hornitutako armekin". Testuinguru horretan, Iranen "gobernu berri bat ezartzeko unea" dela adierazi du Trumpek.
Trumpek ezarritako muga-zergei "erantzun bateratua" eman nahi die EBk
Antonio Costa Europako Kontseiluko presidenteak adierazi duenez, Europak "oso jarrera irmoa izango du beti nazioarteko zuzenbidearen defentsan, edonon dela ere, eta, jakina, EBko estatu kideen lurraldetik hasita".
Netanyahuk dio AEBk ez zuela Israelekin koordinatu Gazarako Batzorde Exekutiboaren iragarpena
Ohar batean, tonu kritikoan hitz egin du AEBko Administrazioari buruz. Dena den, ez du sakondu Israelgo Gobernuak AEBeko presidenteak iragarritako zerrendarekin dituen desadostasunen inguruan.
Milaka lagun kalera atera dira Danimarkan eta Groenlandian Trumpen asmoen kontra protesta egiteko
Milaka pertsona bildu dira eguerdian Kopenhageko udaletxearen aurrean, eta protestak izan dira Aarhusen, Aalborgen, Odensen eta Koldingen. Arratsaldean beste manifestazio bat egin dute Groenlandiako hiriburuan, Nuuken.