Putinen ahotan, mendebaldeko gobernuek Errusiari errua bota nahi diote energia prezioen gorakadagatik
Vladimir Putin Errusiako presidenteak ziurtatu duenez, mendebaldeko gobernuek herritarrak "engainatu" nahi dituzte, eta Errusiari errua bota energia prezioen gorakadagatik, haien "hanka-sartzeak" ezkutatuz.
Errusiako agintariak azpimarratu duenez, Mosku Europarekiko eta munduarekiko, Ukraina barne, energia hornidura konpromiso guztiak betetzen ari da.
Prezioek gora egiten baldin badute, "ez da gure errua", esan du Putinek. Joe Biden AEBko presidenteak Errusiako gas eta petrolio inportazioak debekatu eta bi egun geroago mezua zabaldu du Putinek.
Zentzu horretan, Errusiako energiak AEBko merkatuan duen pisua eskasa dela gogorarazi du. "Herritarrei engainatzeko erabaki horien atzean ezkutatzen dira", kritikatu du.
"Gure herrialdearen eta ekonomiaren aurka pausoak ematen ari diren estatuei dagokionez, herritarrei gerrikoa estutzeko eta arropak janzteko eskatzen ari direla oso ondo dakigu. Eta zigorrak jarri dizkigutelako egoerak okerrera egin duela diote", adierazi du Putinek Gobernu bileran, Errusiako albiste agentzien arabera.
Erantsi duenez, "guztia oso bitxia da, gure eginbehar guztiak betetzen ari garelako bereziki. Beste behin ere esango dut, energia horniduran gure konpromiso guztiak betetzen ari gara", azpimarratu du Putinek batzarrean.
"Gu ez gara itxiko"
Gainera, Errusia uzten ari diren atzerriko enpresen aktiboak Moskuk kudeatu ditzakeela adierazi du buruzagiak.
"Gu ez gara itxiko, atzerriko gure bazkide guztiei zabalik gaude, hala nahi baldin badute. Errusian dauden atzerriko inbertitzaileen eta lagunen eskubideak modu fidagarrian babestu behar dira", defendatu du.
"Hori bistatik ez galtzea eskatu nahi diot Gobernuari, ekoizpen lantegiak itxi behar dituztenen aurrean, zirt edo zart egin behar da… gobernuko presidenteak aditzera eman bezala, kanpo kudeaketa bat sartu eta enpresa lan egin nahi dutenen esku utzi", erantsi du. "Merkatu eta lege tresna nahiko daude", nabarmendu du.
Zure interesekoa izan daiteke
Epsteinen uharte pribatuko irudi argitaragabeak, hemen
Estatu Batuetako Ordezkarien Ganberako demokratek Jeffrey Epstein pederastaren Birjina uharteetako irla pribatuko argazki eta bideo argitaragabeak kaleratu dituzte. Irudietan etxeko logelak eta komunak agertzen dira, baita dentista-aulki bat duen gela bat ere, hormetan maskarak eskegita dituela. "Pedofiliaren uhartea" 90eko hamarkadan erosi zuen Epsteinek, eta egoitza pribatu gisa erabiltzen zuen.
Madurok konfirmatu egin du Trumpekin hitz egin duela: "Azkenaldian, askotan nabil ingelesez hitz egiten"
Nicolas Maduro Venezuelako presidenteak baieztatu egin du Donald Trump AEBko gobernuburuarekin hitz egin duela, herrialde horrek Kariben duen hedapen militarrak eragindako tentsioen eta nazio pretroliogilearen aire-konektibitatearen krisiaren erdian. Maduroren arabera, Etxe Zuria Miraflores jauregiarekin harremanetan jarri zen duela "hamar bat egun"; azaroaren 23an beharbada, baina ez du data zehatzik eman.
Gazan, 54 bikotek bizitza ospatzea erabaki dute, ezkontza handi-handia eginda
Bi urtez Israelen eraso etengabeak pairatu ostean, sarraskia atzean utzi eta ospakizunari ateak ireki dizkiote Gazan. 54 bikote ezkondu dira bonbardaketek txikitutako eraikinen artean. Ekitaldia Arabiar Emirerri Batuek antolatu dute, eta esperantzaren sinbolotzat hartu.
EBk erabaki du 2027rako Errusiako gas naturala inportatzeari uztea
Hungariak eta Eslovakiak iragarri dute plana Europar Batasuneko Justizia Auzitegira eramango dutela.
Zergatik da Groenlandia giltzarria lur arraroen lasterketan?
Groenlandian ustiatu gabeko lur arraroen aztarnategi handienetako batzuk daude. Ezinbesteko elementuak dira garapen teknologikorako, eta, hori dela eta, guztiek dute begiz jota Artikoko lurralde hori. Baina, zer nahi dute Groenlandiako biztanleek beren etorkizunerako? Mikel Reparaz, ETBko nazioarteko burua, han izan da.
Federica Mogherini EBko diplomaziaburu ohia inputatu dute, kontratazio publikoan iruzurra eta ustelkeria leporatuta
Europako Batzordearen presidenteorde izandakoa eta gaur egun Europako Elkargoko egungo errektorea dena atxilotu dute, beste bi pertsonarekin batera. Europar Batasunak gazte diplomatikoentzat finantzatutako formakuntza programa batekin lotuta iruzurra egitea leporatu diote.
Venezuelaren barruko erasoak "oso laster" hasiko direla esan du Trumpek
AEBko presidenteak beste herrialde batzuk bonbardatzeko aukera ez du baztertzen: “Drogak ekoizten edo horiek Estatu Batuetan saltzen dituen edonor dago jomugan".
Putinek ez ditu ontzat eman Europak Ukrainarako bake-planari egindako proposamenak
Errusiako presidenteak salatu duenez, Europako herrialdeek —batez ere, Frantziari, Alemaniari eta Erresuma Batuari egin die erreferentzia—, Moskurentzat "onartezinak" diren eskakizunak jaso dituzte bake-planean. Haren hitzetan, "bake-prozesu osoa blokeatzea" nahi dute.
Tentsioa gorenean da Hegoaldeko Txinako Itsasoan, defentsa eta botere militarraren bidegurutzean
Estatu Batuetako eta Txinako indarren artean talka arriskua eragin dezakeenik badago, Hegoaldeko Txinako Itsasoa da. Pekinek ur horien zati bat beretzat nahi du, bederatzi puntuko lerro bat eginez, Taiwan, Filipinetako zati bat eta uharte artifizialak eraiki dituen uhartetxoak barne. Horrek talka egiten du hainbat herrialderen subiranotasunarekin, hala nola Filipinak, Vietnam eta Malaysia. Horren aurrean, AEBk presentzia militarra sendotu du eremu horretan. Mikel Reparaz, EITBren Nazioarteko arloburua, bertan izan da.
Trumpek Venezuelatik ateratzeko iragan ostiralera arteko epea eman zion Madurori
Ameriketako Estatu Batuetako presidenteak baztertu egin zituen Venezuelako presidenteak herrialdea uzteko mahai gainean jarritako baldintzak. Ultimatuma amaituta, Venezuelako aire eremua itxi egingo zuela iragarri zuen Trumpek.