Ukraina eta Errusia 15 puntuko bake egitasmo bat negoziatzen ari dira, 'Financial Times'en arabera
Su-etena eta Errusiako tropen atzera-egitea bermatzeko 15 puntuko egitasmo bat adosteko bidean aurrerapausoak eman dituzte Ukrainak eta Errusiak, beti ere Kievek neutraltasunaren konpromisoa hartzen badu, Financial Times egunkariak aurreratu duenez.
Erresuma Batuko egunkariak negoziazioetan inplikatutako hiru iturri aipatzen ditu. Akordio zirriborroa astelehenean jorratu zuten bi ordezkaritzek. Ukrainak NATOn sartzeari uko egingo lioke, baita base militarrak (AEB, Turkia edo Erresuma Batua) hartzeari ere.
Hala ere, Financial Times-ek gogorarazi duenez, mendebaldeko herrialdeen babes bermeak zein 2014tik Errusiak okupatutako lurraldeen estatusa oztopo garrantzitsuak izaten ari dira elkarrizketetan.
"Zenbait kontutan aurrera egin dugu, baina ez guztietan. Pixkanaka aurrerapausoak ematen ari gara", esan du Vladimir Medinsky aholkulari errusiarrak.
Bestalde, Errusiako Atzerri ministro Sergei Lavrovek ziurtatu du "gertu" dagoela segurtasun bermeen gaineko akordioa. Horixe da, behintzat, agentzia errusiarrek aurreratu dutena.
"Neutraltasun estatutuaren eta segurtasun bermeen inguruan aurki lortuko dugu akordioa", adierazi du Lavrovek, Interfax albiste agentzia errusiarraren arabera.
Ordu batzuk lehenago, Ukrainako presidente Volodimir Zelenskik argitu du su-etenari lotutako negoziazioak "errealistagoak" direla orain, nahiz eta denbora behar duten oraindik erabakiak Ukrainaren intereserako izan daitezen.
Seigarren bilera
Seigarren bilera eguna izan dute gaur. Bideo-dei bidez egin dute gaurko hitzordua ere, eta, besteak beste, Mendebaldeak Errusiari ezarritako zigorrak izan dituzte eztabaidagai.
"Oro har, zigorren afera guztia ari gara eztabaidatzen, aurrekaririk ez duen gerra ekonomikoa abiatu baitute Errusiaren kontra", erantsi du.
Zein neutraltasun eredu nahi dute?
Ukrainaren neutraltasun estatusa serio ari dira jorratzen, betiere, segurtasun bermeak aintzat hartuta", zehaztu du Lavrov ministroak.
Austria eta Suedia bezala, Ukraina estatu desmilitarizatu bat izateko aukera mahai gainean dute Moskuk eta Kievek, Kremlingo eledun Dmitri Peskovek ziurtatu duenez.
Ukrainak, ostera, neutraltasun eredu propio bat nahi du, eta ez Suedian edo Austrian oinarritutako bat.
"Ukrainako neutraltasun ereduak ukrainarra bakarrik izan behar du", adierazi du Mykhailo Podolyak Ukrainako presidentearen aholkulariak, Interfax-Ukraine albiste agentziaren arabera.
Moskuk Ukraina okupatzeko asmorik ez duela azpimarratu Putinek berriro
Moskuk Ukraina okupatzeko asmorik ez duela azpimarratu du Vladimir Putin Errusiako presidenteak berriro. "Hori ez da gure helburua", adierazi du. Inbasioa "erabat justifikaturik" dagoela defendatu du Errusiako agintariak. "Arrakastatsua" izaten ari dela gaineratu du.
Putinen ahotan, "borrokaldietan ez parte hartzeko" eta "tropak Donbassetik atzera egiteko soilik" eskatu zieten Errusiako buruzagiek Ukrainakoei, "zentzurik gabe odolik ez isurtzeko". "Ez zuten nahi izan. Hori izan zen euren erabakia", erantsi du.
Putinen hitzetan, "Ukraina, AEBk eta mendebaldeko zenbait herrialdek hauspotuta, indarkeria agertokiarentzako nahita prestatu da, Donbassen sarraski odoltsua eta garbiketa etnikoa egiteko". Horrela, "Donbassen eraso masibo bat, eta ondoren Krimean, denbora kontua zen", errepikatu du.
Zelenskik I-11 eta Pearl Harbor aipatu ditu AEBri laguntza eskatzeko
Volodimir Zelenski Ukrainako presidenteak Errusiaren erasoa geldiarazteko neurri gehiago eskatu dizkio AEBko Kongresuari. Debekupeko aire-eremu bat inposatzea berriz eskatu du. Horretarako, 2001eko irailaren 11ko erasoa gogora ekarri du. "Gure herrialdea egunero gauza bera pairatzen ari da", adierazi du.
Zelenskik bideokonferentzia bidez agerraldia egin du, kongresukideak zutik zirela. Joe Biden AEBko presidenteari zein ordezkariei inbasioaren aurrean jarrerak gogortzeko eskatu die hitzaldian.
AEBko historiari erreferentzia zuzenak egin dizkio Ukrainako agintariak, Pearl Harborreko erasoa, I-11ko atentatuak edo Martin Luther Kingen hitzaldi ospetsua aipatu ditu esaterako.
Zure interesekoa izan daiteke
Iranek murrizketak ezarri ditu berriro Ormuzko itsasartean
AEBk Irango portuei ezarritako blokeoa altxatu ezean, itsasartea berriro zarratuko zuela ohartarazi zuen Teheranek, eta ohartarazpena bete egin du gaur. Donal Trump AEBko presidenteak ere ez du tentsioa baretu, eta jakinarazi du asteazkenerako Iranekin akordioa lortzen ez badu "bonbak berriro jaurtitzen" hasiko dela.
Iranek iragarri du Ormuzko itsasartea "erabat zabalik" egongo dela su etena indarrean dagoen bitartean
Israelen eta Libanoren arteko menia indarrean sartu berritan egin du iragarpena Irango Atzerri ministroak. Adierazi duenez, Irango Portu eta Itsas Erakundeak "jakinarazitako eta koordinatutako" bidea jarraitu beharko dute ontziek.
EBk dio Ormuzen irekiera albiste ona dela baina azpimarratu du joan-etorriek doakoak izan behar dutela
"Bertatik igarotzearren bidesaria ordainarazteak aurrekari arriskutsua ezarriko luke", adierazi du Kaja Kallas Europar Batasuneko Kanpo Arazoetarako goi ordezkariak. Bestalde, krisiaren harira eta Frantziak eta Erresuma Batuak deituta, Parisen bildu dira 50 herrialde eta nazioarteko erakunde. Iragarri dutenez, Persiar golkotik igarotzen diren ontziei "laguntza eta babesa" emango dien itsas misio "neutrala" abiatuko dute.
Israel su etena urratzen ari dela dioten mezuei entzungor, etxera itzultzen hasi dira milaka libanoar
Libanoren eta Israelen arteko menia gauerdian sartu da indarrean. Lehen orduotan, Libanoko Armadak salatu du Israelgoak su etena urratu duela, eta Hezbollahk ohartarazi du "hatza kakoan" dutela bere matxinoek. Ohartarazpenei entzungor, etxera bueltatzeari ekin diote milaka libanoar, eta ilarak sortu dira hegoaldeko hainbat autobidetan.
Israel eta Libanoren arteko 10 eguneko su-etena iragarri du Trumpek
Menia bi nazioen arteko "segurtasun eta bake akordio iraunkorra" lortzeko negoziazioak ahalbidetzera bideratuta dago. Tregoa luzatu ahal izango da negoziazioek aurrera egiten badute.
"Antisemitismo modu berriei" aurre egiteko lege-proposamenak polemika bizia eragin du Frantzian
Caroline Yadan diputatuaren ekimenak Asanblea Nazionala eta iritzi publikoa zatitu ditu. Kritikoek ohartarazi dute Israelen aurkako kritikak isilarazteko erabili daitekeela legea, besteak beste.
Repsolek Venezuelan egiten dituen operazioen kontrola berreskuratu du, eta gehiago ekoizteko baldintzak hitzartu ditu
Repsolen Venezuelako ekoizpena 45.000 upel gordin ingurukoa da gaur egun, batez ere Petroquiriquire petrolio-hobian. Konpainia prest dago petrolioaren ekoizpen gordina % 50 handitzeko 12 hilabeteko epean.
Libanoko presidenteak funtsezkotzat jo du Israelek atzera egitea su-etena ahalbidetzeko
Bi aldeen arteko liskar armatuek 2.000 hildako inguru eta milioi bat desplazatu baino gehiago utzi dituzte jada. Netanyahuren Gobernuak eraso armatuak justifikatzeko azaldu du talde islamistak koheteak jaurtitzen dituela.
Bruselak telelana derrigorrez ezartzea proposatu du, prezioen igoeraren eta Ormuzeko tentsioaren aurrean
Europako Batzordea neurri sorta bat prestatzen ari da prezioen igoerari aurre egiteko. Oraindik zirriborroa bada ere, datorren astean aurkeztuko dute, estatu kideek berehala aplika dezaten.
Azken hamarkadetako gatazka krudel eta bortitzenetako bat bizi dute Sudanen
Hiru urte bete dira Afrikako herrialde handienean gerra hasi zenetik, baina ezkutuan egon izan da. Ez dao¡go hildakoen kopuru zehatza jakiterik: 150.000 izan daitezke, baina kopurua askoz handiagoa izan liteke. Gosete latza dago han, eta milioika desplazatu eragin ditu. Urteurrenean, goi-bilera egin dute Berlinen laguntza humanitarioa bideratu eta irtenbide politikoa bilatzeko asmoz, baina borrokan ari diren bi aldeek ez dute parte hartu.