Orain Errusiarekin negoziazioak "errealistagoak" direla onartu du Zelenskik
Ukrainako gerra hasi zenetik 21 egun betetzen diren honetan, Ukrainaren eta Errusiaren arteko negoziazioak, zailak izan arren, bide onetik doazela iradoki dute bi gobernuetako ordezkariek azken orduetan.
Volodomir Zelenski Ukrainako presidenteak gaur goizaldean argitaratutako hitzaldi batean adierazi duenez, jarrerak geroz eta errealistagoak dira Errusiarekin irekitako negoziazioetan, baina oraindik ere denbora behar da erabakiak "Ukrainarentzat interesgarriak izan daitezen".
Bere azken mezuan, Zelenskik esan du negoziazioek aurrera jarraitzen dutela, "zaila baina garrantzitsua" dela negoziatzea, eta oraindik "ahaleginak" egin behar direla, "gerra oro akordio batekin amaitzen baitira".
Sergei Lavrov Errusiako Atzerri ministroaren arabera, berriz, Ukrainarekin segurtasun bermeen inguruko akordio bat lortzetik "gertu" daude, Errusiako agentziek jakitera eman dutenez.
Neutraltasunaren edo NATOn ez sartzearen truke, segurtasun bermeak eskatzen ditu Ukrainako Gobernua, hots, etorkizunean eraso egingo ez diotenaren bermeak nahi ditu. Gai horien inguruan, akordioa gertu egon daitekeela azaldu du.
Hain zuzen ere, asteazken honetan elkartuko dira berriro Errusiako eta Ukrainako talde negoziatzaileak.
Gutxienez 103 haur hil dituzte Ukrainako gerra hasi zenetik
Errusiak Ukraina inbaditu zuenetik, gutxienez 103 haur hil eta 100dik gora zauritu dituzte, Ukrainako Fiskaltzak asteazken honetan zabaldutako azken datuen arabera.
"Datuak ez dira behin betikoak, gatazka guneetan eta aldi baterako okupatutako lurraldeetan Fiskaltzak eta segurtasun indarrek ezin dituzte bonbardaketak ikuskatu", onartu du.
Ia 29.000 zibil irten dira korridore humanitarioetatik barrena azken orduetan
Volodimir Zelenski Ukrainako presidenteak asteazken honetako lehen orduan ziurtatu duenez, 28.893 zibil atera dira korridore humanitarioen bidez azken orduetan herrialdeko hainbat tokitan.
"Azken 24 orduetan, 28.893 ukrainar erreskatatu dituzte Sumy, Kharkiv eta Donetsk probintzietako borroka eremuetatik, eta horietatik 20.000 Mariupoletik atera dira", nabarmendu du agintariak.
Albiste gehiago mundua
Ehunka hedabidek, tartean EITBk, bat egin dute Gazako kazetarien hilketaren aurkako ekintza globalarekin
50 herrialdetako 200 komunikabidek baino gehiagok bat egingo dute astelehen honetan Mugarik Gabeko Erreportariek (RSF) bultzatutako mobilizazio globalarekin, "Gazako kazetarien aurka propio egindako sarraskia" salatzeko eta atzerriko prentsari Zerrendan oztoporik gabe sartzen uztea eskatzeko.
Israelek ziurtatu du Abu Obaida, Hamasen beso armatuaren bozeramailea, hil duela larunbat honetan Gazan izandako eraso batean
Armada eta inteligentzia zerbitzuak zoriondu ondoren, Katzek Gaza hiriko okupazioarekin jarraitzeko eskatu die. Brigadek eta Hamas mugimenduak ez dute balizko erailketa horri buruzko adierazpenik egin.
Ukrainako Odesa hiriari eraso dio Errusiak, eta 29.000 etxebizitza argindarrik gabe utzi ditu
Halaber, gutxienez hiru zibil hil eta sei zauritu ditu azken 24 orduetan Donetsk eskualdearen aurka egindako erasoetan.
Global Sumud Flotilla Gazara bidean da jada, 22 ontzi eta 300 pertsona baino gehiagorekin
15:30ean abiatu da Bartzelonako portutik, gutxienez 44 herrialdetako ordezkariekin, lau euskal herritar tartean, Gazako genozidioa eta blokeoa salatzeko helburuarekin. 5.000 pertsona inguru elkartu dira Bartzelonako portuan, flotillari babesa eman eta agurtzeko.
Arratsaldean abiatuko da Bartzelonatik Gazara janaria eta sendagaiak eramango dituen flotilla
15:00etan aterako dira hogei ontzi inguru, gutxienez 44 herrialdetako ordezkariekin, lau euskal herritar tartean, genozidioa eta blokeoa salatzeko helburuarekin. Albares ministroak ziurtatu duenez, Espainiako Gobernuak "babes diplomatiko eta kontsular osoa" eskainiko die Bartzelonatik Gazara abiatuko den ontzidi humanitarioan parte hartzen duten Espainiako herritarrei.
Israelek 100 gazatar baino gehiago hil ditu larunbatetik, eta Gaza hiria suntsitzen jarraitzen du
2023ko urriaren 7an Hamasek egindako erasoari erantzunez Israelek Gazan erasoaldia hasi zuenetik, 63.000 pertsona hil eta 159.000 baino gehiago zauritu ditu.
SCOren goi-bilera Txinan, Putinen eta Indiaren parte-hartzearekin
Errusiako presidenteak Shanghaiko Elkarlan Erakundearen goi-bileran hasiko du Txinara egingo duen lau eguneko bisita ofiziala. Hainbat urtetako liskarren eta tentsioaren ostean, Txina eta India "lagunak eta bizilagun onak" izan behar direla esan dio Xi Jinping Txinako presidenteak Narendra Modi Indiako lehen ministroari igande honetan.
Ehunka lagun joan dira Euskal Herritik Bartzelonara igande honetan Gazara abiatuko den flotillari babesa ematera
Bart gauean autobusak atera dira euskal hiriburuetatik Gazako Zerrendara janaria eta sendagaiak eramateko eta Israelen blokeoa eta genozidioa salatzeko abiatuko den flotillari babesa ematera.
Abbasek eta palestinar kargudunek NBEren Batzar Nagusian parte hartzeko debekua berriro aztertzeko eskatu dio EBk AEBri
NBEren goi bilera irailaren 9an abiatuko da New Yorken, eta eztabaida orokorra 23tik 27ra bitartean egingo da. Bestalde, Kaja Kallas Europako Batasuneko Kanpo Politikako buruak onartu du Israeli jarri ahal dizkioten zigorren inguruan EBko kideen artean ikusten den zatiketak sinesgarritasun galera eragin duela Europako herritarren aurrean.
Bi gizon atxilotu dituzte Indonesian, Espainiako emakume bat hil dutelakoan
Indonesian, uztailaren biaz geroztik desagertuta zegoen 72 urteko emakume espainiar bat hilda aurkitu zuen gaur bertako poliziak. Matilde Muñoz, jatorri galiziarra zuen emakumea, Lombok uhartean desagertu zen, eta hango hondartza batean aurkitu zuten gaur beren gorpua. Heriotzarekin lotuta bi pertsona atxilotu ditu poliziak, eta lapurreta eta hilketa leporatu dizkiete. Indonesiako Poliziak ziurtatu duenez, espainiarraren hilketa planifikatu zuten aitortu dituzten bi atxilotuek. Senggigi herrian bizi diren 34 eta 30 urteko bi gizon dira. Kontakizunaren arabera, Balitik gertu dagoen herri bateko hotel batean zegoen emakumea, lapurreta egin asmoz leihotik bere gelara sartu zirenean.