Espainiako Gobernuak dio Sahararekiko jarrera aldaketaren berri emana ziola Aljeriakoari
Atzerri Ministerioak ohar baten bidez baieztatu duenez, Espainiako Gobernuak "aldez aurretik" emana zion aljeriarrari Espainiak Mendebaldeko Sahararekiko jarrera aldaketaren berri.
"Espainiarentzat, Aljeria bazkide estrategikoa, lehentasunezkoa eta fidagarria da, eta harreman pribilegiatua izan nahi dugu harekin", azpimarratu du Atzerri Ministerioak oharrean.
Espainiako Gobernuaren erreakzio hau Aljeriak Madrilen duen enbaxadorea kontsultara deitu izanaren ondotik dator; "lehenbailehen" deitu ere, Espainiako Gobernuaren adierazpenen eta Saharari buruz igorritako "bat-bateko jarrera aldaketaren" ostean, larunbat honetan aljeriar Kanpo Arazoetako Ministerioak jakinarazi duenez.
Oharraren arabera, Espainiak Sahararen autonomiarako Marokok proposatutako egitasmoari eskainitako babesak "asko harritu" du Aljeriako Kanpo Ministerioa, eta horregatik deitu dute Madrilen duten enbaxadorea, "lehenbailehen" kontsultak egiteko.
Aljeriar iturri diplomatikoek kritikatu egin dute Espainiako Gobernuak plan hori babesteko hartutako erabakia, eta jarrera aldaketa hori Madrilek saharar herriari egindako "bigarren traizio historikotzat" jo dute.
"Madrilek Saharar herriari egindako bigarren traizio historikoa da, 1975ko zorigaiztoko akordioaren ostean", adierazi du iturriak. "Azkenean, Marokok lortu du Espainiarengandik nahi zuena".
1975eko azaroaren 14an sinatutako itunaz ari zen. Orduan adostutakoari jarraiki, Aljeriak Marokori eta Mauritaniari eman zien Sahara espainiarraren antzinako kolonia, saharar herriaren borondatea kontuan hartu gabe.
Pedro Sanchez Espainiako Gobernuko presidenteak Abdelmayid Tebune aljeriar presidentearekin hitz egin zuen martxoaren 6an. Horrek Espainiari hornidura bermatzeko konpromisoa berretsi zuen, baita Aljeriak ahal beste laguntzeko zuen borondatea ere, europarrentzat kide fidagarri izan nahi baitzuen energia kontuetan.
Jose Manuel Albares Kanpo Arazoetako ministroak ez zuen argitu nahi izan ostiralean Aljeria jarrera aldaketa horren jakinaren gainean ote zegoen. Argudiatu zuen diplomaziak "diskrezioa" eskatzen duela, eta konbentzituta azaldu zen aldaketak ez ziola Espainiara bidaltzen duen gas hornidurari eragingo. "Aljeriak askotan erakutsi du kide fidagarria dela", esan zuen, eta berretsi zuen harreman "ona" duela aljeriar homologoarekin.
Zure interesekoa izan daiteke
Irandarrek giza-kateak osatu dituzte zentral elektriko eta zubietan, Trumpen mehatxuen aurrean
Donald Trump AEBko presidenteak Ormuzeko itsasartea irekitzeko emandako epea amaitu baino ordu batzuk lehenago, Irango herritarrak kalera irten dira eta giza-kateak osatu dituzte zentral elektriko eta zubietan. Irango banderak, erresistentziarako deia egiten duten kartelak edota liderren argazkiak hartuta, azpiegitura publikoak erasotzea gerra-krimena dela salatu dute.
Trumpen azken mehatxua: "Gaur gauean zibilizazio oso bat hilko da"
Irani emandako ultimatuma amaitzeko ordu gutxiren faltan, agintari estatubatuarrak iragarri du gaur "munduaren historia luze eta konplexuko unerik garrantzitsuenetako bat" biziko dela.
Petrolioaren prezioa, gorantz: 111 dolarrera iritsi da; Iranen aurkako erasoaren aurretik, 72 dolarrean zegoen
Trumpen ultimatuma amaitzeko ordu batzuk falta direnean, Irango gerra gelditzeko balizko akordio baten zain jarraitzen dute merkatuek.
Trump: "Ormuz zabaldu ezean, gau bakarrean suntsi dezakegu herrialde osoa"
Euskal Herrian goizaldeko 02:00ak direnean amaituko da Ormuzko itsasartea zabaltzeko Trumpek Irani emandako epea. Iranek Pakistanen bitartekaritzarekin proposatutako 10 puntuko dokumentua ez zaio, nonbait, nahikoa iruditu AEBko presidenteari. Iranek esan du negoziazioak ez direla mehatxuekin bateragarri. Israelek, bitartean, irandarrei ohartarazi die ez daitezela trenean ibili ez badute bizia arriskuan jarri nahi.
Trumpek Artemis II.aren misioko tripulatzaileekin hitz egin du eta izan duten ausardia eskertu die
AEBko presidenteak tripulazioarekin hitz egin zuen, Ilargiaren alde ezkutua behatu ondoren, egindako misio historikoagatik zoriontzeko. "Gaur Historia egin duzue, eta harro sentiarazi duzue Amerika osoa, izugarri harro", esan zuen Trumpek elkarrizketan.
?fmt=webp-alpha&qlt=80)
Artemis II misioak Lurrera itzultzeko bidaia hasi du, Ilargiaren alde ezkutua behatu ondoren
Aurreikusita zegoen bezala, misioko lau astronautek —Reid Wiseman, Victor Glover, Christina Koch eta Jeremy Hansen— Lurrarekiko komunikazioa galdu dute, 40 minutuz. Tarte horretan, satelitearen alde ezkutua behatu dute eta inoiz ikusi gabeko tokien argazki eta datuak bildu dituzte.
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".