Mariupolen zabaldutako korridore humanitarioak porrot egin duela baieztatu du Ukrainak
Irina Vereshchuk Ukrainako lehen ministrordeak baieztatu duenez, Mariupolen zabaldutako korridore humanitarioak porrot egin du. Vereshchukek Errusiari bota dio errua, "bere Armadaren gainean kontrolik ez duelako".
"Armadaren gaineko kontrol faltaren ondorioz, inbaditzaileek ezin izan dute su-eten egoki bat bermatu", esan du Vereshchukek agiri batean.
Era berean, Errusiako agintarien "antolaketa eza eta zabarkeria" salatu du Vereshchukek; izan ere, pertsonak Ukrainako "dozenaka" anbulantzia eta autobus zain zituzten tokira eramateko kapaz ere ez dira izan.
Mariupolgo alkateordeak ohartarazi du zibil asko daudela Azovstal altzairutegian, ukrainarrek hirian duten azken erresistentzia gunean. Bestalde, zibilen balizko ebakuazioen inguruko informazioa "faltsua" dela nabarmendu du: "Mariupoletik edo Azovstal altzairutegitik irteteko aukerei buruzko albiste guztiak faltsuak dira".
Ultimatumak 14:00ak arteko epea
Errusiako Armadak beste ultimatum bat eman die Mariupolen, Azovstal altzairutegian, gelditzen diren militarrei asteazken honetan armak entregatu ditzaten. Atzo Errusiak emandako ultimatumari ez zioten jaramonik egin.
"Errusiako indar armatuek, printzipio humanitarioek bultzatuta, borrokak gelditzea eta armak uztea eskaintzen diete batailoi nazionalistetako kideei eta mertzenarioei 14:00etatik aurrera (13:00ak Euskal Herrian)", adierazi du Mikhail Mizintsev koronel nagusiak.
Atzo zibilak ebakuatzeko su-etena indarrean egon zen bitartean, militar ukrainarrek ez zuten lantegia utzi, errusiarren hitzetan.
Bestalde, Donetsk eskualdeko administrazioko arduradun nagusiak altzairutegian izandako leherketa baten berri eman du, biktimarik izan den ala ez zehaztu gabe, Cadena 24 hedabide ukrainarrak zabaldutako informazioaren arabera.
Donetskeko Herri Errepublikako buru militarretako batek Azovstal lantegiaren aurkako erasoaren hasiera baieztatu zuen atzo.
Bost milioi errefuxiatu ukrainar gerra hasi zenetik
Ukrainako gerra hasi zenetik, bost milioi ukrainar atera dira herrialdetik, Iheslarientzako Nazio Batuen Erakundeko Agentziak asteazken honetan egindako azken balantzearen arabera.
Ukrainatik ihes egin duten horien artetik erdiek baino gehiagok (2,8 milioi) Polonian hartu dute babesa. Halaber, beste milaka Errumaniara (757.000), Errusiara (549.000) edo Hungariara (471.000) joan dira.
Albiste gehiago mundua
Bakea lortzeko Ukrainan "lurralde trukeak" eztabaidatu behar direla dio Trumpek
AEBko presidenteak Putini deituko dio asteleheneko bileraren ostean, eta baikor agertu da Putinek eta Errusiako eta Ukrainako presidenteek hiruko bilera bat egin ahal izateko aukerari dagokionez.
Trumpek eta Zelenskik Putinekin hiru aldeko bilera egitea babestu dute, bake akordioa ixteko
"Dena ondo ateratzen bada, hiru aldeko bilera bat izango dugula uste dut, eta horrekin gerra amaitzeko zentzuzko aukera egongo dela pentsatzen dut", azpimarratu du Trumpek Zelenskiren aurrean. Horrela, Zelenskik esan du Ukraina "prest" dagoela hiru aldeko bilera bat egiteko. "Uste dut erakutsi dugula jende indartsua garela eta AEBk eta Trump presidenteak berak gerra gelditzeko duen ideia babesten dugula", adierazi du.
Hamasek onartu egin du Qatarrek eta Egiptok Gazarako aurkeztutako su-eten proposamena
Proposamenaren arabera, talde armatuak 60 eguneko su-etena onartuko luke 10 bahitu israeldar askatzearen eta gazatarrei laguntza masiboa ematearen truke. Israelek, oraingoz, ez du horren inguruko adierazpenik eman.
AEBk ebakuazioak agindu ditu Ipar Karolinako uharte batzuetan, Erin urakan erraldoia gerturatzen ari delako
4. kategoriako Erin urakanaren tamaina asko handituko da datozen egunetan, Estatu Batuetako ekialdeko kostaldearen eta Bermudasen artean igarotzen denean. Ondorioz, Ipar Karolinan dauden uharte turistiko batzuk ebakuatzeko agindua eman dute agintariek. Estatu Batuetako Urakanen Zentro Nazionalak ohartarazi duenez, Erin urakana Karibeko Turk eta Caico uharteetatik 180 kilometro iparraldera dago, 220 kilometro orduko haize ufadak utzi ditu.
Zelenskik errusiarren eraso "zinikoak" salatu ditu Washingtonen bakeaz hitz egin behar denean
"Errusiako gerra makinak bizitzak suntsitzen jarraitzen dute. Putinek hilketa izugarriak egingo ditu Ukrainaren eta Europaren gaineko presioari eusteko, baita ahalegin diplomatikoak umiliatzeko ere", adierazi du Volodomir Zelenskik bere X sare sozialeko kontuan. Zelenskik adierazpen horiek egin ditu Jarkoven zazpi hildako eta Zaporiyan hiru hildako utzi dituzten erasoen ostean.
Bahituen bizitzak Gaza okupatzearen aurretik jartzeko eskatu diote 200.000 pertsona baino gehiagok Netanyahuri
Hamasen esku bizirik jarrai lezaketen 20 bahituen senideek Benjamin Netanyahu lehen ministroari egotzi diote 681 egun daramatzatela gatibu. Hala, Gazan beste erasoaldi bat hasi aurretik, bahituta daudenen bizitzei lehentasuna emateko eskatu diote.
Trumpek Zelenski jaso du Ukrainan bakea bilatzeko bilera erabakigarria baino lehen
Volodimir Zelenski AEBra bidaiatu duten Europako buruzagi batzuekin bildu da Etxe Zurian, Donald Trump AEBko presidentearekin elkartu aurretik.
Eskuinera biratu du Boliviak: Paz eta Quiroga presidentegaiak lehiatuko dira urriko bigarren itzulian
Ezustean, Alderdi Demokristauaren hautagaiak lortu du garaipena presidentetzarako hauteskundeen lehen itzulian, Quiroga presidente ohi kontserbadorearen aurretik. Halaber, 20 urtez gobernatu duen ezkerreko MAS alderdia bigarren itzulitik kanpo gelditu da.
Ukrainari segurtasun berme "sendoak" ematea adostu zuen Putinek, Trumpen bidali bereziaren arabera
Errusiako presidenteak beste inongo lurraldetan ez sartzeko konpromisoa hartzea ere onartuko luke. Horixe izango da Trumpek eta Zelenskik astelehenean egingo duten goi-bileran jorratuko duten gaietako bat.
Zelenskik 2022an erakutsitako batasuna mantentzeko eskatu dio Europari
"Bake justua" lortzeko fronte komun baten garrantzia azpimarratu du Ukrainako presidenteak.