Iranek bi petrolio-ontzi greziar atzeman ditu Persiar golkoan
Irango Guardia Iraultzaileak bi petrolio-ontzi greziar atzeman ditu ostiral honetan Persiar golkoan, Greziak petrolioa zeraman ontzi irandar bat konfiskatu eta egun batzuetara.
"Guardia Iraultzailearen itsas armadak bi petrolio-ontzi greziar atzitu ditu, golkoko uretan egindako bortxaketak direla eta", jakinarazi du gorputz militarrak irandar hedabideek aipatutako ohar batean.
Era berean, Greziak kexa aurkeztu du Atenaseko irandar enbaxadorearen aurrean, "bahikuntza bortiz" gisa izendatutakoagatik. Ontziak "berehala" askatzeko eskatu du, eta Iranen jokabidea "pirateria" izan dela esan du.
'Delta Poseidon' eta 'Prudent Warrior' dute izena atzemandako ontziek, IRNA agentziaren arabera.
Nournews Irango Segurtasun Batzorde Gorenari lotutako hedabideak Teheranen "neurri zigortzaileak" iragarri eta zenbait ordutara izan da bahikuntza, Greziak berriki irandar ontzi bat konfiskatu izanagatik.
Greziar autoritateek irandar ontzi bat atzitu zuten asteazkenean. Iranen arabera, petrolioa zeraman, Estatu Batuek hala eskatuta. Teheranek ere "pirateriatzat" jo zuen hura.
Irango Kanpo Ministroak Suitzako enbaxadako jarduneko enbaxadorea (AEB ordezkatzen du Iranen) deitu zuen ostiral honetarako, "nazioarteko erregulazioak eta merkatu librea bortxatzeagatik protesta irmoa" helarazteko.
Gainera, Kanpo Ministroak ontzia berehala askatzeko eskatu zuen.
Persiar golkoa istilu ugariren agertoki izan da 2019ko maiatzetik, petrolio-ontziei eta zamaontziei egindako erasoak barne. AEBk irandar petrolioaren salmentari ezarritako zigorrak zirela eta, bi herrialdeen arteko tentsio gorakorren testuinguruan gertatu ziren horiek.
Azken gorabehera urrian izan zen: Oman itsasoan erregaia lapurtzeko irandar gordina zeraman petrolio-ontzi bat atzematen saiatu izana egotzi zion Iranek AEBri. Guardia Iraultzaileak galarazi zuen.
Zure interesekoa izan daiteke
Macronek iragarri du goi-bilera bat deituko duela, Erresuma Batuarekin batera, Ormuzen "nabigazioa berrezartzeko"
Frantziako liderrak adierazi du misioa “erabat defentsiboa” izango litzatekeela eta “gatazkan dauden aldeetatik bereizia”. Goi-bilera “datozen egunetan” egingo da.
Peter Magyar, Orbanen nagusitasunari amaiera eman dion kontserbadorea
Arlo ekonomikoan modernizatzaile, eta sozialean, kontserbadore, Magyar gai izan da bere inguruan biltzeko ofizialismoan jada gustura ez zeuden horiek, bai eta oposizio liberala eta, are, progresista ere, Orbanen eta haren Fideszen 16 urteko agintearen ostean, aldaketa gosez zirenak, guztiak ere. Ustelkeriaren kontrako diskurtso indartsuarekin, erakundeak "garbitzera" dator, funts europarrak berreskuratzera eta ekonomia biziberritzera.
Urkulluren ustez, Magyarren garaipena EBrako "itxaropen puntu bat" da, baina adierazi du zuhur jokatu beharko litzatekeela harekin
Iñigo Urkullu lehendakari eta eAtlantic fundazioaren presidenteak adierazi duenez, Europar Batasunaren ikuspuntutik, Magyarrek Orbanen aurrean lortutako garaipena "itxaropen puntu bat" da, baina "nondik datorren" kontuan hartuta, zer politika darabilen ikusi arte itxarotea eskatu du.
Magyarren gehiengoak Orbanek hartutako norabidea eta ezarritako oreka alda ditzake
Lehen ministro berriak Parlamentuaren bi heren baino gehiago lortu ditu, eta Budapest berriro EBra gerturatuko dela agindu du, Bruselan, Moskun eta Kieven berehalako ondorioak izango dituen mugimendu batean.
"Hainbat ontzi" petrolio bila AEBra doazela esan du Trumpek eta Iranek ohartarazi du Ormuzera doazenek su-etena urratuko dutela
Ameriketako Estatu Batuek Ormuzko itsasartea blokeatuko dutela iragarri dute astelehenetik aurrera (14 GMT, 16:00ak Euskal Herrian eta 17:30ak Teheranen).
Peruk eskuinera egin du: Lopez Aliaga eta Fujimori pasatuko dira bigarren itzulira
Ultraeskuindarra ari da gailentzen zenbaketan, baina landa eremuko botoak zenbatzen hasten direnean alda egin daiteke egoera; izan ere, astelehenera arte luzatu dute botoa emateko epea eremu batzuetan.
EBk ospatu egin du Hungariak "Europarako bidea" hartu izana, eta Errusiak harreman "pragmatikoa" espero du
Europako buruzagi ,ia guztiek ospatu dute Hungariako aldaketa politikoa, Europar Batasunaren proiektua indartuta ikusten dutelako. Kremlinek adierazi du harreman ona izan nahi duela agintari berriekin, Europako gainerako herrialdeekin bezalaxe.
Magyarrek garaipen argia eskuratu du Orbanen aurrean, eta aurrekaririk gabeko gehiengoa lortu du Hungarian
Peter Magyar kontserbadorearen garaipenak aro politiko berri bat abiatu du herrialdean, urte luzez Europar Batasunarekin tirabirak izan ondoren, norabide europeista hartuta.
Magyarrek bi hereneko gehiengoa lortu du Hungariako Parlamentuan, botoen % 80 zenbatuta
Botoen % 81,5 zenbatuta, oposizioak 199 eserlekuetatik 137 lortu ditu, eta Viktor Orban ultraeskuindarraren Fidesz alderdiak, berriz, 55. 2010az geroztik, gehiengo osoarekin gobernatu du Europa erdialdeko herrialdea.
Parte hartze markak hautsi dira Orbanentzat erabakigarriak diren Hungariako hauteskundeetan
18:30ean, hauteslekuak itxi baino ordu erdi lehenago, % 78,8koa zen parte hartzea; beraz, aise gainditu da 2002ko parte hartzea, orain arteko handiena (% 73,5).