Istiluek eta tentsioak jarraitzen dute Jerusalemen Eguneko martxa polemikoan
Hogei palestindar baino gehiago zauritu dira igande honetan Jerusalemeko Hiri Zaharraren inguruetan, istiluetan parte hartu edo israeldarren erasoak jasan ostean. Bitartean, tentsioak goraka darrai hirian, arratsalde honetan Jerusalemen Eguna dela eta izaten ari den israeldar martxa ultranazionalista dela eta.
"Milaka" pertsonak, ultraeskuindarrak gehienak, hartu dute parte Banderen Desfile deritzon martxan, Poliziaren bozeramaile baten arabera.
Goizean goizetik, palestindarren eta israeldarren arteko istiluak izan dira Meskiten Zabalgunean, Jerusalemen Eguna ospatzeko egiten ari diren martxa jendetsuaren aurretik. Israeldarrek hiriaren "batasun" gisa ospatzen dute egun hori; palestinarrek, berriz, gaitzetsi egiten dute, duela 55 urte ekialdeko zatiaren okupazioa suposatu zuelako.
Egun osoan zehar luzatu dira istiluak. Tokiko hedabideek eta sare sozialetako erabiltzaileek Hiri Zaharreko kaleetan izaten ari diren borrokaldien irudiak zabaldu dituzte. Besteak beste, euren presentziaren aurka agertu diren palestinarrei gas negar-eragileak jaurti dizkiete israeldarrek bideoetako batzuetan.
"24 pertsona artatu dituzte" Palestinako larrialdi zerbitzuek, eta horietako zortzi ospitalera eraman behar izan dituzte; erorketak edo gas negar-eragileek eragindako itoaldiak direla eta, besteak beste.
Arratsaldeko lehen orduan, Mendebaldeko Jerusalemeko zenbait puntutatik abiatu da banderen martxa. Damasko Aterantz jo du jendetzak, Hiri Zaharreko auzo musulmanaren sarbide nagusirantz alegia, eta Erosten Harresira jarraian, judaismoaren kultu gune nagusira.
Ibilbidean zehar, kazetariei eraso egin diete batzuek, eta palestinarren etxeetan kalteak eragiten saiatu dira. Istiluen aurkako polizia jendetza sakabanatzen hasi da orduan, Efe agentziak egiaztatu duenez. Urtero gertatu ohi den bezala, irainak eta palestindarren aurkako askotariko leloak entzun dira; tartean, "heriotza arabiarrentzat".
Jerusalemen Eguna
Israelek Jerusalemen Eguna ospatzen du igande honetan. 1967an hiria berriz "batu" izana ospatzen du, baina palestinarrentzat euren lurraldearen okupazioaren hasiera suposatzen du. Banderen Martxa tradizionala arratsaldean abiatuko da hiriko mendebaldetik, eta Hiri Zaharreko Damasko Ate sinbolikorantz joko du gero.
2021eko ekainean, martxa horrek suziri jaurtiketak eragin zituen Gazako zerrendatik Hiri Santuraino. 270 hildako baino gehiago utzi zituen 11 eguneko igoaldi belikoaren hasiera markatu zuten.
Une horretan, Hamas talde islamistak (Gaza 'de facto' kontrolatzen du) suziriak jaurtitzeko mehatxua egin zuen, eta gauza bera esan du igande honen bezperan, Israelek "marra gorriak" gurutzatuz gero. Polizia israeldarraren eta fededun palestinarren artean egon litezkeen istilu posibleez ari zen, Hiri Zaharreko Meskiten Zabalgunean.
"Maiatzaren 29ra gerturatu ahala, neurritasun maximorako deia egin nahi diet alde guztiei, eta erabaki zuhurrak hartzekoa, bizitza gehiago eramatea bakarrik lortuko duen beste indarkeriazko gatazka bat ekiditeko", adierazi zuen larunbatean Tor Wennesland NBEren Ekialde Hurbileko ordezkariak.
"Benetan kezkatzen nau azken asteotan palestinar eta israeldar bizitza gehiegi eraman dituen indarkeria espiralak", gaineratu zuen. Duela bi hilabete baino gehiago zonaldean izandako tentsioaren gorakadaz ari zen, 50 hildako palestinar eta 18 israeldar utzi dituena.
Bestalde, palestindar Kanpo Ministroak ere "biziki" gaitzetsi du martxa.
Zure interesekoa izan daiteke
UEFAk "ulertezin eta justifikaezin" jo du Balogun indultatzea
Aurrelari estatubatuarrari txartel gorria kentzeak erakundeen kritikak eragiten jarraitzen du Belgikaren aurkako partidaren atarian.
Zer dio 27. artikuluak Balogunek Belgikaren aurka jokatu ahal izateko?
FIFAri "diziplina neurri baten aplikazioa erabat edo partzialki eteteko" gaitasuna ematen dio. Aurrekari bat dago 1962ko Munduko Txapelketan Garrincha brasildarrarekin.
Tourrak bere hirugarren etapa moztuko du gaur eta Les Anglesen amaituko da suteengatik, ikuslerik gabe
Frantziako lasterketaren antolatzaileek hirugarren etaparen azken zatia aldatzea erabaki dute, Granollers eta Les Angles lotzen dituena, Frantzia hegoaldeko baso-suteengatik.
Ebola agerraldiak 500 hildako baino gehiago eragin ditu Kongoko Errepublika Demokratikoan
Tokiko agintarien arabera, 1.561 ebola kasu baieztatu dituzte eta horietatik 253k gaixotasuna gainditu dute.
FIFAk txartel gorria kendu dio AEBko jokalari bati Trumpek Infantinori ustez egindako dei baten ostean
Folarin Balogun Ipar Amerikako selekzioko izarrari kendu dio txartela, final-hamaseirenetako partidan kanporatua izan ostean, eta final-zortzirenetan Belgikaren aurka jokatzeko aukera izango du.
Gutxienez 11 pertsona hil eta 46 zauritu dira Kieven, Errusiaren bonbardaketetan
Volodímir Zelenski Ukrainako presidenteak horrelako eraso bat gertatuko zela ohartarazi ondoren etorri dira erasoak.
Milioika lagunek eman diote azken agurra Ali Khameneiri
Mendekua eta Donald Trump Ameriketako Estatu Batuetako Presindetearen heriotza eskatuz, ehunka milaka dira gaur ere Ali Khameneiri azken agurra ematen ari direnak Teheranen. Haren hiru seme ikusi ahal izen dira hilkutxaren aldamenean otoiz egiten, baina ez haren ondorengo izendatu zuten Motjaba Khamenei.
Trumpek AEBren handitasuna goraipatu du independentziaren 250. urteurrenean: "Inor ezin da gu bezalakoa izan"
Agintariak aukera aprobetxatu du herrialdeko "komunisten" aurka egiteko eta bere hauteskunde erreforma polemikoa sustatzeko.
Kanpalekuetan bizirauten ari dira astindutik bizirik irtendako venezuelarrak
Askok etxea galdu dute eta beste batzuek kalteak dituzte, ez dakite itzultzerik izango duten. Laguntza humanitarioa behintzat iristen ari da Hego Amerikako herrialdera.
ETBk Iranera sartzea lortu du, Ali Khamenei buruzagiaren hileta bertatik bertara kontatzeko
Milaka herritar ari dira ayatola gorenaren agur ekitaldietan parte hartzen. Mendeku eskean batzuk; negar malkotan, besteak. Ekitaldiak aste betez luzatuko dira, eta erregimenak indar eta batasun irudia eman nahi du.