Kevin Spacey aktore estatubatuarra, fidantzarik gabe aske, sexu eraso salaketen ostean
Kevin Spacey aktore estatubatuarra fidantzarik gabe aske utzi du epaileak ostegun honetan, hurrengo epaiketara arte. 2005 eta 2013 artean Erresuma Batuan egindako ustezko sexu erasoengatik lau kargu irakurri dizkiote Londresko epaitegi batean.
Borondatez agertu da salaketen berri eman dion Londresko epailearen aurrean eta, bere abokatuak azaldu duenez, Spaceyk erabat ukatu ditu horiek.
Aktore sarituak eta haren abokatuek argazkilari eta telebista talde multzoari aurre egin behar izan diote, epaitegira iristean. Londresko epaitegiko bi segurtasun langilek bidea erraztu diete, bultzada artean ia.
Barnealdean, ordu erdian, epaileak lau sexu eraso karguak irakurri dizkio. Aktorea zigortzekotan, sei hilabeteko espetxe zigorra edo isun mugagabea ezarriko lizkiokete.
Gainera, Spaceyk bosgarren kargu bati ere aurre egin beharko dio, baimendu gabeko penetrazioagatik. Fiskalaren arabera, aktoreak gizon bat behartu zuen sexu orala egitera. Azken kargu hori larriena da, biziarteko zigorra ere ezarri zatzaioke eta auzitegi goren batean epaitu behar da.
Poliziaren arabera, 2005 eta 2013 artean eman ziren kasuak, Spacey Londresko antzoki ezagun batean zuzendari artistiko lanetan zebilenean.
Ostegun honetako aurretiazko bistan, aktorea ez zen errudun edo errugabe aitortu behar, baina haren abokatuak baietsi du erabat ukatzen duela deliturik egin izana.
Momentuz, fidantzarik gabeko askatasuna ezarri diote, baina datorren uztailaren 14an agerraldi berri bati aurre egin beharko dio, oraingoan koroaren auzitegi baten aurrean, hura arduratzen baita kasurik larrienetaz.
Albiste gehiago mundua
Hamasek bahitu guztiak askatzea onartu du, baina Trumpen bake planaren baldintzak negoziatzea eskatu du
AEBetako presidenteak proposatutako plana hainbat egunez aztertu ondoren, talde palestinarrak adierazi du proposamenaren puntu batzuk onartzen dituela, baina negoziatzen jarraitu nahi duela.
Trumpek igandera arte eman dio Hamasi Gazarako plana onartzeko, edo "inoiz ikusi ez den infernua piztuko da"
Planak gerra berehala amaitzea, bahituak askatzea eta Gazarako trantsizio gobernu bat eratzea proposatzen du, agintari estatubatuarrak eta Tony Blair Britainia Handiko lehen ministro ohiak gainbegiratuta.
Poliziak baieztatu du Manchesterko sinagogako biktimetako bat agenteen tiroen ondorioz hil zela
Poliziaburuaren arabera, Jihad Al-Shamie susmagarriak ez zeraman suzko armarik, eta tiro bakarrak poliziek egin zituzten, baimendutako armekin, erasotzailea sinagogan sartzea eragozten saiatu zirenean. Hori dela eta, biktimaren bala-zauriak agenteek egin behar izan zituzten, nahi gabe bada ere.
Israelek Gazara zihoan Sumud ontzidiaren azken ontzia atzeman du
Itsasontzi militar bat hurbiltzen eta soldadu israeldarrak ontzira igotzen ikusi dituzte, zuzenean, ontziko kameren bidez. Gazako kostaldetik 42,5 itsas miliara zegoen Marinette itsasontzia abordatu dutenean.
Sumud Flotillak salatu du Israelen atxilotutako kideek ez dutela laguntza legalik jaso
473 atxilotu Israel hegoaldeko espetxe batera eraman dituzte. Bertako iturriek adierazi dutenez, atxilotu gehienek berehala deportatuak izatea onartu dute. Bestetik, flotillako kide ziren parlamentari eta eurodiputatu italiarrak arratsaldean iritsi dira Erromara eta gainerako atxilotuak askatzeko eskatu dute.
Hamasek "laster" iragarriko du Trumpek Gazarako duen planari emango dion erantzuna, baina "mehatxuak eta presioak" salatu ditu
Akordioak lortzeko konpromisoa berretsi du, "denbora odola baita".
Israelek Sumud Flotillako 443 kide atxilotu eta Beersebako espetxe batera eramango ditu ondorengo orduotan
Aurrena, Asdodeko portura eraman dituzte flotillako kideak, eta handik, Beersebako espetxe batera eramatea da Israelgo Gobernuaren asmoa.
Hiru hildako eta hiru zauritu larri sinagoga baten ondoan izandako eraso batean, Manchesterren
Hildakoetako bat erasotzailea bera da. Poliziak tirokatuta hil da. Keir Starmer Erresuma Batuko lehen ministroak aitortu du "atsekabetuta" dagoela erasoarekin, eta azpimarratu du gertatutakoa "are lazgarriagoa" dela Yom Kippur egunean egin delako; juduentzako egunik sakratuenean egin baita, alegia.
Jane Goodall primatologo, etologo eta antropologo britainiarra hil da, 91 urte zituela
Primateetan aditua, "Lady Chimpanzee" izenez ezaguna da txinpantzeekin egindako lanagatik. Haren izena daraman Institutuak jakinarazi du berez hil dela, Kalifornian (Ameriketako Estatu Batuak).
Albiste izango dira: Israelek Global Sumud Flotilla geldiarazi du, EITB Focus eta EITB Maratoiaren aurkezpena
Gaurkoan Orain-en albiste izango direnen laburpena, bi hitzetan.