Europar Batasuneko agintariek Ukrainaren eta Moldaviaren integraziorako hautagaitzak onartu dituzte
Ukraina eta Moldavia Europar Batasunean sartzeko hautagai ofizialak dira jada. Estatus hori aitortu diete EBko agintariek ostegun honetan Bruselan egin duten goi-bileran. Ezohiko erabakia da, gerran dagoen herrialde baten hautagaitza onartu dutelako eta bide azkarretik egin dutelako.
Edonola ere, EBko kide bilakatzeko prozesuak luze joko du; izan ere, aurrez, Europako Batzordeak ezarritako baldintzak bete beharko baitituzte bi herrialdeek. Besteak beste, hainbat erreforma egin beharko dituzte, botere judizialaren independentzia eta ustelkeriaren eta krimen antolatuaren aurkako borroka bermatzeko. Halaber, oligarkiaren boterea legez mugatzea eskatu diete.
Georgiak ere eskatu zuen EBn sartzea, baina, oraingoz, ez diote eman hautagai estatusa.
Erabakiaren iragarpena Xavier Bettel Luxenburgoko lehen ministroak egin du sare sozialetan ondoko mezua idatzita, eta ondoren Charles Michel Europako Kontseiluko presidenteak eta Ursula von der Leyen Europako Batzordeko presidenteak berretsi dute.
"Akordioa. Europako Kontseiluak erabaki berri du hautagai estatusa aitortzea Ukrainari eta Moldaviari. Une historikoa da, urrats erabakigarria baita Europar Batasunean sartzeko bidean", adierazi du Michelek. Mezu berean Volodimir Zelenski eta Maia Sandu Ukrainako eta Moldaviako buruzagiak zoriondu ditu, hurrenez hurren. "Etorkizunean batuta egongo gara", erantsi du.
Von der Leyenek azpimarratu du "egun ona" dela Europarentzat, Ukrainarentzat, Moldaviarentzat eta Georgiarentzat, azken horri hainbat erreforma egin arte estatusa ematea ukatu badiote ere.
"Zuen herrialdeak Europako familiaren parte dira eta gaurko erabaki historikoa horren erakusgarri da", adierazi du.
Emmanuel Macron Frantziako presidenteak ere gaurko akordioa "historikoa" dela esan du.
Bestalde, Albaniako, Ipar Mazedoniako eta Serbiako agintariak Bruselan izan dira gaur Balkanetako herrialde horiek Europar Batasunean sartzeko prozedura desblokeatzeko asmoz, baina goi-bilera inolako erabakirik hartu gabe amaitu da.
Zure interesekoa izan daiteke
Israelek 2023an hil zituen 50 pertsonen gorpuzkiak lurperatu dituzte Gazan
Gazako hiru familitako kideak dira denak, tartean 19 adin txikiko. Defentsa Zibileko erreskatatzaileek orain lortu dute haien gorpuzkiak 2023an bonbardatu zituzten eraikinaren hondakinen azpititik ateratzea. Gazatarren Osasun Ministerioak egindako kalkuluen arabera, 73.400 pertsona baino gehiago hil dira Gazan Israelen erasoaldia hasi zenetik eta 7.500 gorpuk hondakinen azpian jarraitzen dute.
Sussexeko dukeak, Harry eta Meghan, Erresuma Batura itzuliko dira, baina Errege Etxetik kanpo jarraituko dute
Sussexeko dukeek, Harryk eta Meghanek, Erresuma Batura itzultzea erabaki dute, eta han matrikulatu dituzte bi seme-alabak, Archie eta Lilibet, oraindik identifikatu gabeko ikastetxe batean. Bikoteak Errege Etxetik urrun jarraituko du eta Londrestik kanpo biziko da, hedabide britainiarren arabera.
Gutxienez 15 pertsona hil dira Errusiak Kieven aurka egindako erasoan
Ukrainako presidenteak salatu duenez, erasoan etxebizitza eraikinak, haurrentzako ospitale bat eta eskola bat kaltetu dira, eta Odesa eskualdean mugako postu bati eta gas azpiegitura bati eraso egin diete errusiarrek.
Gutxienez 107 pertsona hil dira urre-meategi bat hondoratuta Afrika Erdiko Errepublikan
Ustiategi irregularra Kamerungo mugatik gertu dago. Tokiko agintariek ohartarazi dute biktima kopuruak gora egingo duela erreskate-lanetarako baliabide urriak direla eta.
Eutanasia eta heriotza lagundua ahalbidetuko dituen legea promulgatu du Macronek
Legea Frantziako Aldizkari Ofizialean argitaratu da, legea indarrean sartu aurretik eman beharreko ezinbesteko pausoa.
Haurrak Facebook eta Instagramera katigatu nahi izana ukatu du Metak epaiketa federalaren hasieran
29 estatu estatubatuarrek Facebook eta Instagram nahita manipulatu izana eta Interneten Haurren Pribatutasuna Babesteko Legea (COPPA) urratu izana leporatzen diote Metari.
AEBko bandera, kolono israeldarren aurrean babesteko erreminta
Loui Ridik Ohio utzi eta Zisjordaniara itzultzea erabaki du bere etxea eta familia kolono israeldarrengandik defendatu ahal izateko.
Bruselak Ceutan dauden migratzaile adingabeak Marokora itzultzearen alde egin du
Europako Batzordeko bozeramaile Markus Lammertek berretsi du hiri autonomoan legez kanpo dauden migratzaile guztiak itzuli behar direla, eta espero duela Espainiako eta Marokoko agintariek hori bermatzeko lan egingo dutela.
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.