Denborale gogor batek Austria, Korsika eta Italia zeharkatu ditu, 12 pertsona hil, eta kalte ugari eraginda
Euri, haize eta ekaitz denborale bortitz batek Austria, Korsika uhartea eta Italia iparraldea astindu ditu eta hamabi pertsona hil dira.
Korsikan bost lagun hil dira eta beste hainbat zauritu bi kanpinetan, ekaitz bortitzen ondorioz.
Autoritateek egindako balantzearen arabera, hildakoen artean daude, besteak beste, 13 urteko neskato bat, 72 urteko emakume bat eta 46 urteko gizon bat.
Bungalow baten gainean zuhaitz bat erori zenean hil zen adingabea Sagoneko kanpin batean. Emakumeak, berriz, Liamoneko hondartzan galdu du bizia, Coggian, teilatu batek jota, autoa bidatzen zuen bitartean.
Orduko 200 kilometro arteko haizeak eragindako ekaitz bortitzek kalte handiak eragin dituzte irlan, eta 45.000 etxe elektrizitaterik gabe geratu dira.
Ekaitzak Italia kolpatu du
Korsika zeharkatu ondoren, masa ekaiztsua Italiara iritsi da, eta, batez ere, iparraldeko eta erdialdeko eskualdeak astindu ditu. Han, bi pertsona hil dira, eta ia hogei zauritu ekaitzaren ondorioz.
Hildakoak, gizon bat eta emakume bat, zuhaitz bana gainera erorita hil dira Toscanan, lehena Luccan, eta bigarrena, Carraran.
Hemezortzi lagun zauritu dira Italian denboralearen ondorioz, horien artean karabana batean harrapatuta geratu zen pertsona bat, larri zauritu dena, baita zuhaitz batek arrastaka eraman eta Versiliako ospitale batera eraman behar izan duten pertsona bat ere, Toscanan hura ere.
Toscanaz gain, kaltetutako beste eskualde batzuk Piamonte, Liguria eta Emilia-Romaña izan dira; horietan ekaitzek eta haize bolada bortitzek -120 km ordurainoko ufadekin- uholdeak eragin eta teilatuak, azpiegiturak eta zuhaitzak eraitsi dituzte.
Eskualde horietako hainbat hiritan, aldi baterako zirkulazioa eten behar izan da eroritako zuhaitzengatik eta ibaiengatik, eta, kasu batzuetan, Florentzian adibidez, tranbiaren zirkulazioa ere eten egin da.
Venezian San Marco basilikatik gertu dagoen eremua hesitu behar izan dute, eta bisitariak bertatik atera dituzte kanpandorreko zati batzuk askatu eta plazara erori ondoren.
Bi ume hil dira Austriako hegoaldean
Bestalde, bi haur eta hiru heldu hil dira ostegun honetan Austriako hegoaldean, ekaitz elektriko batek eragindako haize bortitzek bi zuhaitz bota ondoren. Gainera, ekaitzak 15 zauritu eragin ditu gutxienez, horietako bi, larri.
Ostegun arratsaldean antzeman dituzte biktimak, Sankt Andrä herrian eta izen bereko lakuan, Carintia hegoaldeko estatuan. Gurutze Gorria eta Suhiltzaileak ustezko desagertuen bila ari ziren bertan zenbait arropa topatu dituztelako ur gainean flotatzen.
Ekaitz elektrikoek arazoak eragin zituzten aurretik ere Carintiako errepideetan eta Estiriako eskualde mugakidean. Bertan, eraitsitako zuhaitzek eta elektrizitate mozketek trafikoaren itxiera behartu zuten, autobideko zenbait zati eta tuneletan.
Zure interesekoa izan daiteke
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.
Trumpek bertan behera utzi du Iranen aurkako erasoa, eta berehalako akordioa eskatu dio Teherani
AEBko presidenteak esan du erasoaldia bertan behera utzi duela, akordio baterako oinarriak adostu ostean, eta negoziazioek porrot eginez gero, "Bigarren Mundu Gerratik ikusi gabeko" indar militarra erabiliko duela ohartarazi du.
Haize bolada bortitzek hainbat sute elikatzen jarraitzen dute Atenaseko eskualdean
Hiriburutik 60 kilometro ipar-mendebaldera dagoen Porto Germenon sugarren kontra ari dira suhiltzaileak. Haizea da etsairik handiena une honetan; izan ere, bolada bortitzek sugarrak elikatu dituzte, eta egoera kritikoa da herrialde osoan.
Europar Batasunak premiazko bilera egingo du asteartean Ceutako migrazio krisia aztertzeko, barne ministroak bilduta
EBko Kontseiluaren buru den Irlandak ezohiko bideokonferentzia deitu du, Pedro Sanchezek eta Europako beste 22 liderrek idatziz eskatu ostean.
EBko 22 estatuk Ceutako migrazio krisiaren aurrean erantzun bateratua eskatu dute
Italiak eta Danimarkak bultzatutako gutunean, EBko Barne ministroen ezohiko bilera eskatu dute kanpo-mugen kontrola indartzeko, eta ohartarazi dute erregularizazio masiboek "erakarpen-efektua" izan dezaketela.
Von der Leyenen ustez, Europako mugen kontrola "are gehiago indartu behar da"
Europako Batzordeko presidenteak ohartarazi duenez, "adi egon behar dugu sarbide kritiko guztietan, eta agintari guztien arteko koordinazio estua izan". Era berean, “ikasgaien azterketa-prozesu bat" abiatzeko eskatu du, "Europaren erresilientzia hobetzeko".