Bruselak arretaz jarraituko du Alemaniak gas kontsumora bideratutako dirulaguntza sorta
Europako Batzordea harremanetan dago Alemaniarekin, gasaren etxeko kontsumoa sustatzeko Berlinek iragarritako 200.000 milioi euroak tarteko eta. EBko lehen ekonomia denaren plana kritikatu gabe, azpimarratu du Bruselak "merkatu bakarrean baldintza-berdintasuna babesteko" konpromisoa duela.
"Estatuaren laguntza bat bada, Batzordeari helarazi behar zaio, horrek balioztatu dezan", adierazi du prentsaurreko batean Arianna Podesta Batzordeko Lehia bozeramaileak. Halaber, azpimarratu du beharrezkoa dela ezarritako prozedurei jarraitzea, eta gogorarazi du gaur egun "malgutasun" handiagoa duen lege-esparru bat dagoela, Errusiak Ukrainaren aurka egindako inbasioaren ondoren onartua.
Dena den, Ursula Von der Leyen alemaniarra buru duen Europako Batzordeak ez du oraindik argi utzi Alemaniako Gobernuaren aurka egingo duten edo ez finantza-gihar erakustaldi horrengatik.
Von der Leyenek joan den larunbatean Sofian emandako hitzaldia gogorarazi du bozeramaileak; izan ere, Alemaniako politikariak Grezia eta Bulgariaren arteko gas interkonexio baten inaugurazioan parte hartu zuen. "Funtsezkoa da Europar Batasunean, merkatu bakarrean, guztiontzako baldintza-berdintasunari eustea. Eta funtsezkoa da distortsioak saihestea", adierazi zuen bertan Alemaniako ministro ohiak.
Urrutiago joan da Thierry Breton frantziarra, Merkatu Bakarreko komisarioa. Hain zuzen ere, iragan ostiralean zenbait mezu igorri zituen Twitter bidez, Alemaniaren 200.000 euroko laguntza horiei erreferentzia eginez (Portugalen BPGtik hurbil dagoen zenbatekoa). Era berean, Bruselak merkatu bakarraren gertuko "jarraipena" egingo duela ohartarazi zuen.
Bitartean, EBko eztabaida energetikoan, Europar Batasunean gas inportazioen prezioari muga ezartzeko ideia ari da nagusitzen. Ekimen hori 15 herrialdek babesten dute gutxienez, eta Alemaniak uko egin dio, nahiago baitu prezio altuak ordaindu gas horniduraren segurtasuna arriskuan jarri baino.
Zure interesekoa izan daiteke
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).
Adur Ramirez de Alda, Global Summud Flotillako kidea: “Denboralea igarotakoan, Turkiara abiatzea da asmoa”
Israelek bidaia geldiarazi ondoren, Kreta Greziako uhartean daude une honetan lau euskal herritar. Ondorengo orduetan erabakiko dute ontzidian jarraitu ala Euskal Herrira itzuli.
830 pertsona hil ditu Israelek Gazan, 2025eko urrian su-etena indarrean jarri zenetik
Guztira, 72.608 gazatar hil eta 172.445 zauritu ditu Israelgo Armadak 2023ko urriaren 7an erasoaldia hasi zuenetik.
Euskal Herrian dira jada Gazara zihoan Global Sumud flotillako bi euskal ekintzaile eta aske geratutako besteek aurrera jarraituko dute
21:00ak aldera iritsi dira bi ekintzaileak Loiuko aireportura. 175 ekintzaile atxilotu zituzten asteazkenean eta horietatik 36 ospitaleetan artatu behar izan dituzte. Guztiak aske utzi dituzte bi izan ezik, Thiago Avila brasildarra eta Saif Abukeshe, palestinar espainiarra.