Meloni ultraeskuindarrak Salvini eta Tajani presidenteorde izango dituen Gobernua osatuko du
Sergio Mattarella Italiako presidenteak Giorgia Meloni buruzagi ultraeskuindarrari eskatu dio Gobernua osatzeko, bera buru duen koalizio eskuindarrak aho batez hautagai izendatu eta ordu batzuetara.
Fratelli d'Italia, La Lega eta Forza Italia elkarrekin joan dira Mattarellarekin izan duten azken hitzordura, eta amaitu du irailaren 25eko hauteskundeetan Parlamentuan ordezkaritza lortu zuten alderdiekin egin duen bilera sorta.
Hamar minutu eskaseko lehen bilera horren ostean, presidenteak Meloni deitu du berriro 16:30erako, eta bilera horretan behin betiko enkargua eman dio.
Ministerioen banaketa izan da azken asteotan etorkizuneko koalizioa osatuko duten hiru alderdien arteko borroka fronte nagusietako bat, Meloni, Matteo Salvini eta Silvio Berlusconiren arteko gaitzespen publikoekin.
Azken egunetan, Berlusconiren adierazpen polemiko batzuek negoziazioak oztopatu dituzte, Vladimir Putin Errusiako presidentea adiskide zuela azaldu baitzuen Il Cavaliere-k. Melonik argi utzi zuen etorkizuneko Gobernua europazalea izango dela, eta NATOren papera defendatuko duela.
Honenbestez, buruzagi ultraeskuindarrak estatuburuaren aurrean Gobernua osatzea onartu du, eta herrialdearen historian kargu hori hartuko duen lehen emakumea izango da. Gobernu berriaren zina larunbatean izango da, Quirinal jauregian, Estatuko buruzagitzaren egoitzan.
Gobernu berriaren funtsezko postuetan, Antonio Tajani, Europako Parlamentuko presidente ohia, Atzerri ministroa izango da, eta Giancarlo Giorgetti, La Legako moderatua, Ekonomia ministroa.
Era berean, Melonik baieztatu duenez, Matteo Salvini La Legako burua lehen ministrorde izango da Gobernuan, eta Azpiegitura Ministerioa ere zuzenduko du.
Berlusconiren alderdia, ordea, Justiziaren Ministeriorik gabe geratu da, eta Carlo Nordio Fratelli d'Italiako diputatua izendatu dute horretarako.
Zure interesekoa izan daiteke
?fmt=webp-alpha&qlt=80)
Artemis II misioa: "Gizakia Lurretik inoiz urrunen egon den tokira iritsi gara"
Lau astronautak gaur sartu dira Ilargiaren orbitan, eta satelitearen alde ezkutua behatzen hasiko dira. Lehen irudiak erakusten hasi da NASA gaur.
Iranek AEBren su-eten proposamena baztertu eta gerra behin betiko bukatzeko eskatu du
Iranek hamar puntuko proposamen bat helarazio dio AEBri, Pakistanen bitartez, gatazka erabat bukatzeko helburuarekin. Trumpen arabera, "ez da nahikoa", eta Iran osorik suntsitzeko mehatxua bota du, berak jarritako epea betetzen bada.
Ormuzko itsasartetik igarotzeko "protokoloa" negoziatzen ari dira Iran eta Oman
"Elkarrizketa hauen helburua da ontziak Ormuzko itsasartetik segurtasunez pasatzeko prozedura aztertzea", esan du gaur, astelehenarekin, Ismail Bagaei Irango Atzerri Ministerioko bozeramaileak.
AEB, Iran eta hainbat bitartekari 45 eguneko balizko su-eten bat negoziatzen egon litezke
Bestalde, Irango Atzerri ministroaren bozeramaileak esan du ez dituela Trumpen ultimatumak onartuko, "negoziazioa ez delako ultimatumekin, hilketekin edo gerra krimenak burutzeko mehatxuekin bateragarria".
17 eta 45 urte arteko gizon alemaniarrek baimena beharko dute hiru hilabete baino gehiagoz herrialdetik irteteko
Urtarrilaren 1ean indarrean sartu zen soldadutza lege berriaren arabera, herrialdetik kanpora hiru hilabetetik gorako egonaldiak egiteko Armadaren baimena beharko dute. Alemaniako Defentsa Ministerioko bozeramaile baten arabera, ordea, zerbitzu militarra borondatezkoa den bitartean baimenak emantzat joko dira.
Trumpek asteartera arte luzatu dio Irani Ormuzeko itsasartea irekitzeko ultimatuma
AEBko ekialdeko 20:00ak arte luzatu du epea. Asteazken goizaldea izango da Teheranen. Bien bitartean, Iranen hildakoak ugaritzen ari dira etengabe estatubatuarren eta israeldarren erasoen ondorioz.
Artemis II misioak Ilargiaren alderdi ezkutuari ateratako argazkia argitaratu dute
Misioa helmugara iristetik gertu dago, bost hamarkadatan lehenengo aldiz satelite naturalaren orbitara iristetik ordu gutxira, alegia.
Trumpek mehatxu larriak egin ditu Iranen kontra, baina astelehenerako akordioa lortzea ere "posible" dela esan du
"Uste dut aukera asko daudela akordio batera iristeko. Oraintxe ari dira negoziatzen", adierazi du, eta akordiorik lortu ezean, "dena lehertu eta petrolioaz jabetzea" pentsatzen ari dela esan du. Ormuz irekitzeko ultimatuma asteartera atzeratu du.
Artemis II misioko astronautek ikusi dute dagoeneko Ilargiaren alderdi ezkutua
"Bart ikusi dugu lehen aldiz Ilargiaren alderdi ezkutua, eta ikusgarria izan da oso. Ikustean, Ilargia ez denaren nolabaiteko sentsazio bat sortu zaigu, ez baitu ikustera ohituta gauden Ilargiarekin zerikusirik", azaldu dute.
Leon XIV.a aita santuak gerraren aurkako aldarria egin du eta armak uzteko eskatu du
Tradizioan ez bezala, non pontifizeek mundu mailako diskurtsoa erabiltzen duten nazioarteko tentsio-guneak errepasatzeko, Leon XIV.ak ikuspegi orokor baten alde egin du, eta axolagabeak ez izateko eta gaitzaren, gorrotoaren eta gerraren aurrean ez etsitzeko eskatu du.