Gutxienez 40 pertsona hil dira Grezian izandako tren istripuan, eta geltokiko arduraduna atxilotu dute
Larisako (Grezia iparraldea) tren-geltokiko arduraduna atxilotu dute, Tempe herrian (Greziako erdialdea) izan den tren istripuan zerikusia duelakoan. Bi trenek talka egin dute aurrez aurre, eta dagoeneko 40 hildako zenbatu dituzte.
Ezbeharra gauerdian jazo da, bidaiarien tren batek eta merkantzien beste batek elkar jo dutenean, ERT telebista kateari Greziako suhiltzaileek jakinarazi diotenez.
Lehen hipotesien arabera, bidaiarien trena —350 pertsona zeramatzan Salonikatik (iparraldea) Larisara (erdialdean)— ez zegokion trenbidean sartu da eta aurrez aurre jo du merkantzien trena. Kolpe bortitzaren ondorioz, lehenengoaren hiru bagoi errailetatik atera dira eta su hartu dute.
"Lehen bi bagoiak ez dira existitzen", azaldu dio Kostas Agrastos Tesalia eskualdeko gobernadoreak ERT kateari. Aurreratu duenez, zaurituen artean erredurak eta mutilazioak dituzten pertsona ugari daude.
Bestalde, Giorgos Manoli Tempeko alkatearen arabera, hiru bagoi horietan 1.200-1.500 ºC-ko tenperaturak izan dira.
Anbulantziak, 40 bat, berehala bertaratu dira, eta zaurituak artatu dituzte. Larrien zeudenak Larisako Unibertsitate Ospitalera eta Kateriniko erietxera eraman dituzte. 50 bat zauritu ospitaleratu dituzte.
Istripua gertatu den unean Larisako tren geltokiko arduraduna, Hellenic Train tren konpainiako ordezkaria eta funtzionario bat Larisako polizia etxera eraman dituzte, galdekatzeko.
Suhiltzaileez gain, poliziak eta soldaduak joan dira istripuaren tokira, erreskate lanetan jarduteko.
Zure interesekoa izan daiteke
Irango erasoen aurrean defentsa gaitasunak indartuko dituela esan du Arabiar Emirerri Batuetako presidenteak
Defentsa Ministerioak astearte honetan jakitera eman duenez, "Iranek jaurtitako" misilak eta droneak atzeman dituzte; hala ere, Teheranek ez du onartu eraso horien erantzulea denik.
Sei jendarme zauritu dira joan den ostegunean hasitako ‘rave’ jendetsuan izandako liskarretan
Egunotan lege-prozesu bat dute martxan Frantzian, halako jai klandestinoak saihesteko legea gogortzea aurreikusten duena.
Global Sumud ontzidiko bost euskal ekintzaile itzuli dira
Global Sumud flotillako bost euskal ekintzaile itzuli dira astelehen honetan. Goizean, Salim Malla Gutierrez Gasteizko unibertsitateko irakaslea Loiuko aireportuan lurreratu da, eta publikoki salatu du "kontzentrazio eremu flotatzaile batean bahitu" izana, bai eta jasan zituzten "tratu txar fisiko eta psikikoak" ere.
Ormuz zeharkatzen saiatzen diren ontziei eraso egingo diela ohartarazi du Iranek
Bien bitartean, Ameriketako Estatu Batuek iragarri dute gaurtik aurrera Ormuzko itsasartean harrapatuta dauden itsasontziak "askatzeko" operazioa egingo dutela.
Polymarket: apustuen eta gerraren jokoa
Polymarket kriptotxanponetan eta anonimatuan oinarritutako apustu-plataforma bat da, gertaera geopolitikoen inguruan apustu egiteko aukera ematen duena; Eric Trump, Donald Trumpen semea, da horren bazkide eta inbertitzaileetako bat. Borja Macias EHUko irakasleak ohartarazi du informazio pribilegiatua darabiltela; eta adibide moduan jarri du Maduro noiz bahituko zuten zehatz-mehatz asmatu zuen apustu bat.
Melenchon ezkertiarra 2027ko Frantziako presidentetzarako hautagai izango da
"Pribilegioek eta arrazakeriak egiten diote min gehien gure herrialdeari", salatu du politikari ezkertiarrak, eta Frantziako presidentetza lortzen badu, Espainiarekin eta "Latinoamerikako herrialde batzuekin" aliatuko dela ziurtatu du, Donald Trumpen eta Israelen AEBei aurre egiteko.
Flotillako bi aktibisten atxiloaldia bi egunez luzatu dute
Thiago Avila brasildarra eta Saif Abukeshek palestinar-espainiarra dira Global Sumud Flotillan parte hartzeagatik Israelgo indarrek atxilotuta dituztenak. Tratu txarrak jaso diuztela salatu dute euren abokatuek. Ekintzaileak "segurtasunez eta duintasunez" tratatzeko eskatu du Anitta Hipper Europar Batasuneko (EB) Kanpo Arazoetako bozeramaileak.
Estatu Batuetako bi soldadu desagertu dira Marokon, maniobra militarretan ari zirela
"African Lion 2026" izeneko ariketa militarretan parte hartzen ari ziren bi militar estatubatuar desagertu ziren larunbat gauean Cap Draa-ko entrenamendu-gune batean, Tan-Tan hiritik gertu, Maroko hegoaldean. Indar estatubatuarrak, marokoarrak eta African Lioni lotutako beste militar batzuk buru-belarri ari dira bilaketa-lanetan, lurreko zein aireko baliabideak erabiliz.
33 intoxikatu, 600 isun eta bi obus desaktibatuta, hiru egun iraun dituen 'rave' jendetsu batean, Frantzian
Le teknival izeneko ravean, 40.000 lagun elkartzera iritsi ziren larunbatean. Legez kanpoko musika topaketa hauek debekatzeko prozesu legegilea martxan da Frantzian, eta hain zuzen ere, horren kontra protesta egiteko antolatu zuten jaia, Barne ministroaren jaioterrian, eremu militar batean.
Iran aztertzen ari da bere 14 puntuko bake planari AEBk emandako erantzuna
Besteak beste, hauxe da Iranek proposatu diona: eraso militarrik egongo ez dela bermatzea, AEBren tropak Irandik ateratzea, itsas blokeoa altxatzea, izoztutako Iranen aktiboak libratzea, konpentsazioak ordaintzea, zigorrak kentzea eta gerra fronte guztietan bukatzea (Libanon ere bai).