Manifestari bat hilzorian dago Frantzian, protesta ekologista batean zauritu ostean
Gizonezko bat hilzorian dago Frantzian, Sainte-Solineko udalerrian joan den larunbatean izandako protesta ekologista batean zauritu ostean, Poitierseko Fiskaltzak aditzera eman duenez.
Traumatismo buru-hezur entzefalikoa du, kolpe handi baten ondorioz. Gainera, beste bi manifestari bertan artatu behar izan zituzten: aurpegian kolpea zeukan 19 urteko emakume bat eta oinetako bat apurtuta zuen 27 urteko gizonezko bat.
Gainera, 29 jendarme zauritu ziren eta horietako bi larrialdi egoeran daude, baina ez daude arriskuan, Fiskaltzaren balantzearen arabera. Bi kazetari ere ospitaleratu dituzte larrialdi erlatiboarekin, BFMTV telebista katearen arabera.
Julien Wattebled fiskalak ikerketa bat iragarri du, hiru manifestariren lesio larrien "izaera zehatza" eta zauritzeko unearen "nondik norakoak" zehazteko.
200 zauritu, horietatik 40 larri
Lurraren Altxamenduak taldeko antolatzaileek 200 manifestari zauritu direla ziurtatu dute, horietako 40 larri, Poliziarekin izandako liskar bortitzen ondorioz.
Manifestazioa ez zegoen baimenduta eta 6.000 pertsona inguru bildu ziren agintarien arabera, 30.000 deitzaileen arabera. Ekintzaileek nekazaritzako urtegia okupatu nahi zuten, ura bezalako baliabide publiko bat pribatizatzea dakarren praktika hori salatzeko.
Gobernuak "indarkeria bolada onartezintzat" jo zituen istiluak, eta manifestariei egotzi zien erantzukizuna, baina antolatzaileek poliziari egotzi diote liskarren erantzukizuna.
Gertakari hori pentsioen erreformaren aurkako manifestazioetan izandako jazoera bortitzei gehitu behar zaie. Istilu larriak izan ziren, eta 400 lagun baino gehiago atxilotu zituzten Parisen, joan den ostegunean. Human Rights Watch edo Amnistia Internazionala bezalako Giza Eskubideen aldeko erakundeek "indarraren gehiegizko erabilera" salatu dute.
Albiste gehiago mundua
60.000 eta 100.000 pertsona artean manifestatu dira Berlinen, Gazako genozidioaren amaiera eskatzeko
Bestalde, Israelek jakitera eman duenez, 750.000 pertsona atera dira Gaza Hiritik erasoaldia hasi zenetik, eta 50 hilketa zenbatu dituzte dagoeneko, tartean haurrak, bi mediku eta kazetari bat.
Alemaniak iragarri du droneak botatzeko lege bat onartuko duela
Berlinek iragarri du lege bat onartuko duela bere armadak droneak bota ahal izateko. Europako agintariak alerta gorenean daude droneen presentziagatik Europako aire-espazioan. Hainbat izan dira Danimarkan, eta aire-zirkulazioa geldiarazi ere egin dute, eta Alemanian droneen begiztatzeak ikertzen ari dira.
Espainian dabilen Israelgo Armadako sarjentu bat salatu dute Auzitegi Nazionalean, Gazan gerra krimenak egitea leporatuta
Salaketa Espainian bizi den kazetari palestinar batek jarri du, sarjentua asteburuan Madrilera futbol partida bat ikustera joan dela egiaztatu ondoren. Sarjentuak Gazako Zerrendan egindakoak erakutsi izan ditu bere sare sozialetan, baita une honetan Madrilen zegoela ere.
Portlanden protestei aurre egiteko tropak hedatu eta indarra erabiliko dutela iragarri du Trumpek
Horrela, Portland hiria eta Immigrazio eta Aduanen Kontrolerako Zerbitzuaren (ICE) atxiloketa-zentroa "babestu" nahi ditu AEBko presidenteak.
AEBk bisa kenduko dio Petrori, soldadu estatubatuarrei Trumpi desobeditzeko eskatu dielako
Kolonbiako presidenteak esan du erabakiak NBEren "immunitate arau guztiak" hausten dituela, eta egoitza New Yorken egotea ere kritikatu du.
Elon Musken eta Jeffrey Epstein pederastaren arteko harremana frogatzen duten dokumentuak kaleratu dituzte
Kongresista demokratek argitaratutako dokumentuen arabera, Elon Musk, Peter Thiel eta Steve Bannon "uharte batera" joateko aukeraz aritu ziren Epsteinekin.
Hamasek su-eten baterako "bermeak" eskatu dizkio Trumpi, Gazan bahituak askatzeko
Talde palestinarrak egindako proposamenak Gazan dauden 48 bahituetatik erdiak askatzea jasotzen du, 60 eguneko su-eten baten truke. AEBko presidenteak aste honetan jasoko du proposamen ofiziala.
Erresuma Batuak nortasun agiri digitala sortu du legez kanpoko immigrazioa geldiarazteko asmoz
Gaur egun, herrialdeak ez du nortasun agiri nazionalik, eta herritarrak pasaportearekin, gidabaimenarekin edo bestelako egiaztagiriekin identifikatzen dira. Lan egiteko edo etxebizitza alokatzeko nahitaezkoa izango da erakustea, legez kanpoko immigrazioa eragozteko helburuarekin.
Netanyahuren esanetan, Israelek "lana amaitu behar du" Gazako Zerrendan
Israelgo lehen ministroa hitz egiten hasi denean, aretoa ia hutsik geratu da. Netanyahuk azpimarratu du ez duela Palestinako Estatua onartuko: "Erokeria da, ez dugu egingo".
Washington hiriburuan heriotza-zigorra berrezartzeko agindu exekutiboa sinatu du Donald Trumpek
Donald Trump AEBko presidenteak Washington hiriburuan heriotza-zigorra berrezartzeko eskatu dio Pam Bondi fiskal nagusiari, "aplikatu beharreko faktoreak" betetzen dituzten kasu guztietan. AEBko hiriburua astintzen ari den ustezko "kontrolik gabeko krimena"ri aurre egiteko neurri bat dela adierazi du Trumpek.