Ben Gvirrek Netanyahurekin adostu du erreforma judiziala atzeratzea, Israelen protesta jendetsuak direla eta
Itamar Ben Gvir Israelgo Segurtasun Nazionaleko ministroak Benjamin Netanyahu lehen ministroarekin adostu du erreforma judizialaren tramitazioa zenbait hilabetez atzeratzea, baina ez behin betiko etetea, Botere Judua alderdiak jakitera eman duenez. Bart izandako protesta jendetsuen ostean iritsi da iragarpena, 650.000 pertsona baino gehiago atera baitziren orduan kalera.
Orain arte legedi hori geldiarazteko Gobernuko kiderik uzkurrena izan den eskuin muturreko ministroak adierazi duenez, "erreforma negoziazioen bidez onartzeko hurrengo saiora arte luzatu da [...], erantzukizun nazionalagatik".
Hurrengo saioa maiatzean hasiko da, Pazko Juduaren etenaldiaren ondoren, eta uztailera arte luzatuko da. Hala, hiru hilabete emango dizkio atzerapenak Gobernuari, oposizioarekin negoziatzen jarraitzeko.
Iragarpena herrialde osoan manifestazio ugari egin eta langileen greba orokorra deitu ostean heldu da, duela hiru hilabete hasitako protesta mugimendu historiko baten baitan.
Netanyahuk arratsaldean adierazi duenez, ez dago prest "gure herrialdea suntsitzeko eta gerra zibilera herrestan eramateko prest dagoen muturreko gutxiengo bat onartzeko". Era berean, gogorarazi du koalizioko aliatu "gehienek" babesten dutela neurria, eta goizago edo beranduago onartuko dutela.
Protesta mugimenduak ez du etenik, 100.000 israeldar baino gehiago atera baitira gaur Jerusalemen, Kneseten, izandako manifestazioan. Bart ere 650.000 pertsona baino gehiago atera dira kalera, Netanyahuk Defentsa ministroa kargutik kendu izanari erantzuteko. Izan ere, lehen gobernukidea izan zen publikoki erreforma eteteko eskatzen.
Erreforma judizialaren helburua Gobernuak Justiziaren gainean duen kontrola handitzea da, Justiziaren independentzia ahulduz.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.